Morgunblaðið - Sunnudagur - 01.03.2015, Blaðsíða 14

sonwilker) leist bara vel á þetta. Við höfð-
um aldrei hannað silkislæður og vorum
mjög spennt yfir þessu strax,“ segir Hjalti.
„Enda silkimjúkir gaurar,“ bætir Ingibjörg
við.
Hönnunarhúsið karlssonwilker rekur
Hjalti ásamt þýskum meðeiganda, Jan Wil-
ker. Á stofunni starfar einnig Megan Ele-
vado, hönnunarstjóri, og listrænn stjórn-
andi að nafni Sandra Shizuka sem starfað
hefur hjá karlssonwilker í um fimm ár.
Auk þess starfar grafískur hönnuður og
tveir læringar á stofunni.
Aukið frelsi
Hjá karlssonwilker eru verkefnin unnin í
sameiningu og gengur öll vinna út á sam-
starfið. Eftir að Ingibjörg hafði samband
við Hjalta fóru því að berast tölvupóstar
frá fleiri samstarfsaðilum sem unnu að
verkefninu.
„Sandra kom fljótlega inn í verkefnið
eftir að ég var búin að veiða Hjalta í
verkefnið,“ segir Ingibjörg og hlær. „Mér
þótti líka svo skemmtilegt hvað það var
opið flæði, samstarfið var áreynslulaust og
ég var alltaf spennt að opna póstinn minn.
Það var alltaf gaman og aldrei kom það
upp, í öllu þessu ferli, að þetta væri eitt-
hvað erfitt, verandi sitt í hvoru landinu.“
Hjalti segir verkefnið jafnframt hafa
verið ákaflega frjálst. „Ég held að flestir
hönnuðir séu í því að hanna eitthvað fyrir
kúnna sem sækist eftir ákveðnu útliti og
er því meira inni í verkinu; „ekki gera
svona, þessi litur er glataður,“ og það er
miklu meira stríð. Við hjá karlssonwilker
vinnum mikið með kúnnum. Ég er ekki
listamaður í beinum skilningi, maður er
ekki á stofunni að gera eitthvað mikið
I
ngibjörg Gréta Gísladóttir er mennt-
uð í nýsköpun og frumkvöðlafræði.
Ingibjörg er gríðarlega markaðs-
drifin og hefur síðan árið 2011 unnið
mikið með hönnuðum og starfaði
meðal annars sem framkvæmdastjóri Hug-
myndahúss Háskólanna. „Þar var mikil
áhersla lögð á þverfaglega vinnu sem opn-
aði fyrir mér og tengdi mig við þennan
heim og ég komst að því að svona vil ég
vinna.“
Ingibjörg stofnaði hönnunarhúsið Saga
Kakala, sem sérhæfir sig í gerð silkiklúta
úr hágæða Mulberry-silki, árið 2012, vegna
þess að hana langaði að taka þátt í ferli
hönnunar frá A til Ö og bera ábyrgð á
því. Markmiðið var að leita uppi verkefni
sem hún gæti unnið í samstarfi við
skemmtilega, mismunandi hönnuði.
Á síðasta ári vann hún silkislæður, undir
hatti Saga Kakala, í samstarfi við fata-
hönnuðinn Helgu Björnsson sem hún segir
hafa verið afskaplega fallegt og gefandi
verkefni og verða þær áfram í samstarfi
því nú stefnir lengra með hönnunarhúsið.
Ingibjörg fékk grafíska hönnuðinn Hjalta
Karlsson til liðs við sig til þess að hanna
nýja línu af silkislæðum og kasmírtreflum
fyrir HönnunarMars en Hjalti hefur und-
anfarin 20 ár verið búsettur í New York.
Hjalti er eigandi hönnunarstofunnar karls-
sonwilker í New York sem notið hefur
gífurlegrar velgengni síðan, meðal annars
unnið verk fyrir tímaritið New York Tim-
es, MTV-sjónvarpsstöðina, Time-tímaritið
og listasöfnin Guggenheim og MoMA í
New York.
„Okkar samstarf hófst á góðum tölvu-
pósti. Við þekkjumst auðvitað smá, ég vissi
hver Ingibjörg var og okkur (karls-
Silkimjúkt
samstarf
HJALTI KARLSSON, EIGANDI HÖNNUNARSTOFUNNAR
KARLSSONWILKER Í NEW YORK, HEFUR HANNAÐ VERK MEÐAL
ANNARS FYRIR NEW YORK TIMES, MTV-SJÓNVARPSSTÖÐINA
OG LISTASÖFNIN GUGGENHEIM OG MOMA Í NEW YORK.
HJALTI HÓF NÝVERIÐ SAMSTARF VIÐ INGIBJÖRGU GRÉTU
GÍSLADÓTTUR, EIGANDA HÖNNUNARHÚSSINS SAGA KAKALA,
VIÐ HÖNNUN Á HÁGÆÐA SILKISLÆÐUM OG KASMÍRTREFLUM
SEM SÝNDIR VERÐA Á HÖNNUNARMARS.
Sigurborg Selma Karlsdóttir sigurborg@mbl.is
sjálfur fyrir okkur sjálf, svo að það er
gaman að gera verkefni sem er alveg opið.
Við vinnum bara okkar verk á slæðurnar
sem er rosalega gaman fyrir okkur sem
hönnuði.“
Hjalti segist hafa haft gaman af því að
vinna að verkefninu og að það sé ólíkt að
hanna eitthvað sem að fólk notar dags-
daglega og klæðir sig í, „í stað þess að
hanna einhverja bók sem situr uppi í hillu
í mörg ár eða logo sem er uppi á búð og
situr þar í 20 ár eða 5 ár eða hvað sem
það er þannig að það er auðvitað öðruvísi
nálgun í þessu. Það finnst okkur.“
Aðspurður hvort karssonwilker hafi áður
unnið að verkefnum í tengslum við tísku
segist Hjalti ekki hafa gert mikið af því.
Fyrsta verkefnið sem stofan vann í
tengslum við fatahönnun var þegar þau
voru beðin um að hanna skó fyrir íþrótta-
risann Puma. „Puma kom til okkar þegar
þeir voru með skótegund sem hét El Ray.
Þeir létu okkur hafa auðan skó og báðu
okkur að gera eitthvað fyrir skóinn. Í lok-
in þá hönnuðum við þrjár mismundi graf-
ík-útfærslur á skóinn sem þeir síðar fram-
leiddu og seldu. Svo höfum við líka gert
grafísk munstur á boli fyrir Diesel-búðina
og unnum líka með Anne Klein þar sem
við hönnuðum logo fyrir skó og gerðum
munstur á handtöskur og svoleiðis.“
Stofan hefur því unnið að mörgum og
gríðarlega fjölbreyttum verkefnum og sér-
hæfir sig ekki í ákveðnum geira.
„Í gamla daga gerði ég rosalega mikið
af prentuðum verkefnum og mikið af hönn-
un fyrir geisladiska og hljómsveitir, stofan
eiginlega byrjaði svoleiðis. Svo fórum við
bara út í að gera allskonar hluti en sér-
hæfum okkur þó ekki í neinum ákveðnum
geira, sem er bara gaman. Við erum mikið
að gera vídeó, bækur, hanna heimasíður og
svo erum við að hanna heildarútlit á söfn
og búðir eða allan pakkann. Við erum að
vinna mjög vítt og breitt.“
Línan sem karlssonwilker hannar fyrir
Saga Kakala heitir því óvenjulega nafni
Shizuka sem jafnframt er eftirnafn Söndru
sem að sögn Hjalta tók einna mest þátt í
verkefninu. „Sagan um það hvernig nafnið
kom til er mjög einföld. Við sátum eitt
kvöldið eftir að Ingibjörg sendi á okkur
póst og spurði: Hey, hvað er nafnið á
þessu?“ segir Hjalti og hlær. „Þá sátum
við Jan og Sandra og köstuðum á milli
nokkrum hræðilegum nöfnum. Svo fleygði
Jan þessari hugmynd út og kom með
þetta nafn sem er eftirnafn Söndru.
Sandra vann mikið í þessu og fannst okk-
ur þetta mjög fallegt nafn og sendum
Ingibjörgu. Það hljómar vel, þannig að lín-
an ber eftinafn Söndru.“
Nafnið Shizuka á sér einnig skemmtilega
sögu en þetta er ein þekktasta kvenper-
sóna í japanskri sögu og er einnig mjög
algengt kvenmannsnafn í Japan, þó svo að
Sandra sé frá Portúgal, og er innblástur
munstursins á slæðunum. „Við erum mjög
fegin að Sandra heiti þessu eftirnafni en
ekki einhverju hefðbundnu nafni eins og
Smith,“ bætir Hjalti við og hlær og segir
að nafnið kallist á við munstrið sem er
gegnumgangandi í slæðunum og þetta talar
alveg saman. Flæðið er algert, nafnið,
hönnunin og falleg saga á bak við það.
Verkefnið sem fer sína leið
Ingibjörg segist hafa gaman af því vera í
þverfaglegri samvinnu og segist hún jafn-
framt njóta sín mjög mikið í þessum
Hjalti Karlsson og
Ingibjörg Gréta
Gísladóttir segja
þverfaglegt verkefnið
einkennast af góðu
flæði og gagnkvæmri
virðingu.
14 MORGUNBLAÐIÐ SUNNUDAGUR 1.3. 2015
Viðtal