Morgunblaðið - Sunnudagur - 01.03.2015, Blaðsíða 16
Hrönn kennir foreldrum að nudda ungbörn sín með sýnikennslu á dúkku.
Nudd gerir okkur flestumafar gott og margir fábót sinna meina eftir
nokkra góða nuddtíma. Þetta á
einnig við þau allra yngstu.
Hrönn Guðjónsdóttir útskrif-
aðist sem heilsunuddari og
ungbarnanuddkennari árið 2001
frá Boulder College Massage
Therapy í Colorado, Bandaríkj-
unum. „Ég kenni foreldrum að
nudda barnið sitt. Við kennsluna
nota ég dúkku og þannig læra
þau réttu handtökin af sýni-
kennslu,“ segir Hrönn. Kennslan
sem Hrönn býður upp á er
byggð á fræðum Vimala Schnei-
der McClure. McClure stofnaði
alþjóðleg samtök og skóla í ung-
barnanuddi en þar starfa leið-
beinendur sem mennta aðra í
ungbarnanuddi ýmist í Bandaríkj-
unum eða í Evrópu.
Námskeiðin standa yfir í um
fjórar vikur, einu sinni í viku og
klukkutíma í senn. Æskilegur
aldur barna er frá eins mánaðar
upp í tíu mánaða.
Eykur tengslamyndun
Hrönn segir að margir foreldrar
leiti til hennar ef börn þeirra
eru óróleg og ekki er ljóst hvað
það er sem hrjáir þau. Sumir
sækja í nuddið þegar börn eiga
erfitt með svefn á meðan aðrir
einfaldlega óska eftir tengsla-
myndun. Hrönn segir að ung-
barnanuddið bæti vafalaust svefn
ungbarna og þau nái meiri slök-
un. Nuddið örvi alla starfsemi í
líkamanum og hún segir að
margir foreldrar hafi haft orð á
því að nuddið hjálpi til við ýmsa
kvilla. „Þetta eykur tengslamynd-
un alveg gríðarlega mikið. For-
eldrar tala um að þeir fari að
þekkja barnið sitt betur og skiln-
ingur í garð barnsins verður
meiri,“ segir Hrönn. Auk þess
getur nuddið bætt svefn, dregið
úr magakrömpum, aukið blóð-
flæði, styrkt ónæmiskerfið og
fleira. Þá hafa mæður sem þjást
af þunglyndi eftir fæðingu haft
mikið gagn af nuddinu, að sögn
Hrannar.
Þyngjast og þroskast fyrr
„Rannsóknir hafa auk þess sýnt
fram á að börnin þroskast og
þyngjast fyrr en önnur. Slíkar
rannsóknir eru samanburðarrann-
sóknir þar sem hópur barna fær
ungbarnanudd daglega í svolítinn
tíma á meðan hinn hópurinn fær
það ekki. Niðurstöður hafa sýnt
fram á gríðarlegan mun á þess-
um börnum.“
Hrönn upplifði sjálf mun á
sínu barni eftir ungbarnanudd.
„Ég eignaðist seinna barnið mitt
eftir að ég lærði ungbarnanuddið.
Dóttir mín gekk í gegnum hraða
fæðingu og var alltaf rosalega
óörugg. Ég gat t.d. ekki baðað
hana því henni leið ekki vel og
var mjög óörugg. Það tók mig
töluverðan tíma að venja hana á
nuddið, en ég þakka því hvað
hún breyttist fljótt og fór að
njóta þess að fá nudd og varð
öruggari og leið betur. Í dag er
hún á 12 ári og elskar að láta
nudda sig, einnig er hún orðin
mjög góður nuddari. Börn læra
það sem fyrir þeim er haft.“
Hrönn leggur mikla áherslu á að
vera með litla hópa og notalegt
andrúmsloft á námskeiðunum.
Hrönn býður einnig upp á
nálastungur, heilsu- og meðgöng-
unudd og kennslu fyrir
maka/fæðingarfélaga á meðgöngu
og í fæðingu. Frekari upplýs-
ingar má nálgast á www.nal-
arognudd.is en Hrönn er til húsa
í Kjörgarði, Laugavegi 59.
KENNIR FORELDRUM AÐ NUDDA UNGBÖRN SÍN
Ungbarna-
nudd skapar
nánd
FORELDRAR MEÐ ÓRÓLEG BÖRN GÆTU PRÓFAÐ UNG-
BARNANUDD EN MARGIR SEGJA ÞAÐ HAFA HJÁLPAÐ MIK-
IÐ TIL OG LAGAÐ ÝMSA KVILLA HJÁ BÖRNUM SÍNUM.
HRÖNN GUÐJÓNSDÓTTIR HEILSUNUDDARI KENNIR FOR-
ELDRUM AÐ NUDDA UNGBÖRN SÍN.
Gunnþórunn Jónsdóttir gunnthorunn@mbl.is
Ungbarnanuddið hefur reynst mörgum vel og getur unnið á ýmsum kvillum
svo sem magakrampa eða svefnleysi.
Morgunblaðið/Golli
Lífgað upp á heimilið saman
DÝRAHLUTIR GEFA HEIMILINU ALLTAF EINHVERJA HLÝJU, HVORT SEM ÞAÐ ERU SKEMMTILEGIR
DÝRALAMPAR, PÚÐAR MEÐ DÝRAMYNDUM EÐA DÝRASTYTTUR. SNIÐUGAR HUGMYNDIR AÐ
SKEMMTILEGU FÖNDRI FYRIR FJÖLSKYLDUNA ERU DÝRASNAGAR OG DÝRASEGLAR Á ÍSSKÁPINN.
Gunnþórunn Jónsdóttir gunnthorunn@mbl.is
Ef börnin á heimilinu eru hætt að leika sér með gömlu góðu plastdýrin eða
hætt að sýna þeim áhuga má föndra skemmtilega aukahluti úr leikföngunum.
Aftari hluta dýranna er hægt að nota sem segla á ísskápinn en fremri hlut-
ann má nota sem snaga. Það sem þarf er góður og beittur hnífur eða sög
sem mamma eða pabbi þurfa að sjá um. Sagið dýrið í tvennt og notið síðan
skápasegla, sem kosta 195 kr. stykkið í Brynju, og límið á afturenda dýrsins.
Það sem þarf til að búa til snagana er fremri
hluti plastdýranna og spýta úr flottum við,
sem yrði hengd upp á vegg. Spýtan er ein-
faldlega útbúin nákvæmlega eins og eigand-
inn vill að hún sé. Líklega er best að byrja á
því að líma fremri hluta plastdýrsins á spýt-
una með sterku lími og láta bíða í dágóða
stund. Því næst er dýrið skrúfað fast á aftan
frá með borvél og lítilli skrúfu svo hún fari
ekki í gegn. En eflaust eru mun fleiri leiðir til.
EINFALT EN SKEMMTILEGT FÖNDUR
16 MORGUNBLAÐIÐ SUNNUDAGUR 1.3. 2015
Fjölskyldan Hvar og hvenær? Menningarmiðstöðinni Gerðubergi, laugardag kl.14-16. Nánar: Ólöf Sverrisdóttir stjórnar spunaleiksmiðju en þar fá
börnin að spreyta sig og spinna leikrit út frá hugmyndum barnanna.
Búningar verða á staðnum.
Spunaleiksmiðja fyrir börn