Morgunblaðið - Sunnudagur - 01.03.2015, Blaðsíða 24
24 MORGUNBLAÐIÐ SUNNUDAGUR 1.3. 2015
Heilsa og hreyfing
Ungbarnasund er gott fyrir börn og foreldra. Dagleg hreyfing er ungum börnum nauðsynleg fyrir
eðlilegan vöxt, þroska og andlega vellíðan, segir á landlaeknir.is. Ungbarnasund skapar tækifæri til
að styrkja tengslamyndun milli foreldra og barns og þjálfa hreyfifærni. Jákvæð reynsla af hreyfingu
á unga aldri eykur líkurnar á að börn temji sér lífshætti sem fela í sér hreyfingu á fullorðinsárum.
Ungbarnasund er þroskandi
Dreifing:
HÁR EHF
s. 568 8305 | har@har.is | REDKEN Iceland á
FÆST Á REDKEN HÁRGREIÐSLUSTOFUM
GET INSPIRED. SEE YOUR STYLIST.
3X STERKARA,
2X GLANSMEIRA HÁR
ÁN SÍLIKONEFNA
Dimond oil hefur hlotið fjölda viðurkenninga
DIAMOND OIL
Styrkur og glans fyrir
skemmt/viðkvæmt hár
Redken kynnir fyrstu sílikonlausu meðferðarolíuna á
markaðnum. Diamond oil gefur óþrjótandi styrk
með 3x sterkara hári, fallega áferð með
2x meiri glans og mýkt með 3x meiri
næringu. Þú sérð styrk og fegurð demantsins
í hverjum Diamond oil dropa.
Þórey Ásgeirsdóttir er í kvennaliði Stjörnunnar í hópfimleikum, sem
vann sögulegan sigur á WOW-mótinu í hópfimleikum á Akureyri um
síðustu helgi og batt þar með enda á tíu ára sigurgöngu kvennaliðs
Gerplu.
Íþróttagrein: Hópfimleikar.
Ertu búin að æfa lengi? Ég hef verið að æfa fimleika í 11 ár.
Ég byrjaði að æfa áhaldafimleika í Björk og á sama tíma
var ég í Haukum í fótbolta. Fimleikaferillinn minn byrjaði
ekki vel og ég var ekki talin efnileg en þrátt fyrir það þá
hélt ég ótrauð áfram og valdi fimleikana fram yfir fótbolt-
ann. Árið 2008 skipti ég yfir í hópfimleika og fann mig betur
þar. Árið 2010 fór ég yfir í Stjörnuna og ég hef verið að æfa þar í
fimm ár. Við Stjörnustelpurnar höfum myndað mjög efnilegt lið með
góðum liðsanda og hlökkum mikið til komandi móta.
Hversu oft æfir þú í viku? Það eru fimm æfingar í viku í þrjá klukkutíma í
senn.
Er mikill munur á því að æfa hópfimleika og áhaldafimleika? Mesti munurinn
er að áhaldafimleikar eru einstaklingsíþrótt en hópfimleikar liðsíþrótt. Það
myndast því oft meiri stemning á hópfimleikamótum og liðsheildin skiptir miklu
máli. Í hópfimleikum eru þrjú áhöld, lítið trampólín, löng dýna sem maður
stekkur á og stórt gólf sem liðið dansar saman á. Í áhaldafimleikum eru sláin
og ráin sem allir kannast við. Hópfimleikar eru frekar ný íþrótt en hefur náð
miklum vinsældum í Evrópu og þá sérstaklega á Norðurlöndum.
Hver er lykillinn að góðum árangri? Áhugi og metnaður eru lykilatriði en gott
er að hafa skýr markmið og hugsa vel um líkamann.
Hvað ráðleggurðu fólki sem vill hreyfa sig meira? Ég mæli með því að fólk
finni sér íþrótt sem því finnst skemmtileg og setji sér markmið sem tengjast ár-
angri í íþróttinni frekar en að setja sér þyngdar- eða útlitstengd markmið.
Hvernig heldurðu þér í formi þegar þú ferð í frí?
Það er nú ekki mikið af pásum í fimleikunum en þar sem ég er vön mikilli hreyf-
ingu þá líður mér óþægilega eftir nokkra daga án fimleika. Í fríum mæti ég því oft
í fimleikasalinn til að gera þrek eða nokkrar grunnæfingar.
Ertu almennt meðvituð um mataræðið? Já, mamma eldar alltaf kvöldmatinn
snemma svo að ég geti borðað vel fyrir æfingu og ég passa mig að borða nóg og
endurbyggja orkuforðann eftir hverja æfingu.
Hvaða óhollusta freistar þín? Ég er algjör nammigrís og langar oft í sætindi en
reyni að halda því í hófi.
Hvaða gildi hafa fimleikar fyrir þig? Fimleikar eru ekki bara íþrótt heldur lífs-
stíll. Maður verður að helga sig íþróttinni 100% til þess að ná langt og ég hef gert
það síðustu ellefu árin. Fimleikasalurinn verður annað heimili manns og liðið verður
að fjölskyldu. Það getur stundum verið erfitt að flétta saman skólanum, vinnunni,
fjölskyldunni, fimleikunum og félagslífinu og maður verður að fórna miklu fyrir fim-
leikana. Þegar öllu er á botninn hvolft er það klárlega þess virði.
Eru hópfimleikar á uppleið? Já, hópfimleikar eru á hraðri uppleið og eru smám sam-
an að breiðast út um allan heim.
Hverjar eru fyrirmyndir þínar? Fyrirmyndir mínar eru liðsfélagarnir og þjálfararnir
mínir sem hvetja mig áfram, eru alltaf til staðar fyrir mig og gera íþróttina svo miklu
skemmtilegri.
KEMPA VIKUNNAR ÞÓREY ÁSGEIRSDÓTTIR
Valdi fimleikana
fram yfir fótboltann
M
orgunblaðið/K
ristinn
Ljósmóðirin Claudia Booker
rekur fæðingarþjónustuna Birth-
ing Hands í Washington, DC í
Bandaríkjunum og býr líka til
pillur úr fylgjum. Eftir að hún
tekur á móti barni geymir hún
fylgjuna fyrir móðurina og
þurrkar hana. Fylgjan er þvínæst
möluð og sett í hylki svo nýbak-
aða móðirin geti tekið hana í
þeirri von að mjólkurframleiðsl-
an aukist eða til að minnka líkur
á fæðingarþunglyndi.
„Fylgjan hjálpar til við að end-
urnæra líkamann með vítam-
ínum, steinefnum og horm-
ónum,“ sagði Booker í samtali
við fréttastofu AFP. Fyrir um
36.000 krónur fær móðirin pillu-
skammt sem dugar vikum sam-
an.
Ekki er vitað hversu margar
konur gera þetta eða hver áhrif-
in eru en engu að síður hefur
þetta komist í tísku innan ákveðinna hópa, til dæmis í Holly-
wood, en leikkonurnar Alicia Silverstone og January Jones
tóku báðar inn fylgjupillur eftir fæðingu.
Ljósmóðirin Claudia Booker að störfum í eldhúsinu.
AFP
Verið að þurrka fylgju.
Booker fyllir hylki með
fylgjudufti til inntöku.
Fæðubótarefni
úr eigin fylgju
Ný rannsókn Háskólans í Cam-
bridge sýnir að fólk sem sefur
meira en átta klukkustundir á dag
er líklegra til að fá slag. Þetta á ekki
síst við eldra fólk sem svaf í lengri
tíma í meira en átta tíma á nóttu.
Hjá þessum hópi jókst hættan á
heilablóðfalli um nærri 50%.
Hinsvegar er ekki heldur gott að
sofa of stutt því þeir sem sváfu í
minna en sex tíma á nóttu voru
18% líklegri til að fá slag.
Rannsóknin náði til tíu þúsund
manns á aldrinum 42 til 81 árs og
tók níu og hálft ár.
Það er gott að sofa í þægilegu rúmi.
Ekki sofa
of lengi