Morgunblaðið - Sunnudagur - 01.03.2015, Blaðsíða 25
1.3. 2015 MORGUNBLAÐIÐ SUNNUDAGUR 25
Í nýjum ráðleggingum um mataræði fullorðinna og barna frá Emb-
ætti landlæknis er lögð áhersla á mýkri og hollari fitu. Feitur fiskur,
lýsi, jurtaolíur, hnetur, fræ og lárperur eru góðar uppsprettur hollr-
ar fitu. Lárperur eru til dæmis mjög góðar sem álegg á rúgbrauð.
Lárperur ofan á brauð* Aðalhættan í lífinu stafaraf fólki sem vill breyta öllu- eða engu.
Nancy Astor
OPTICAL STUDIO – FRÍHÖFN
Þar sem
úrvalið
er af
umgjörðum
Fagmennska
fyrst
og fremst
www.opticalstudio.is
www.facebook.com/OpticalStudio
Módel: Andrea Stefánsdóttir
Umgjörð: Chanel
S
ífellt fleiri stunda jóga til þess að efla
heilsu og anda. Samkvæmt vefsíðu
Jógakennarafélags Íslands eru yfir
hundrað jógakennarar skráðir í félag-
ið. Eftirspurnin eftir jógatímum hefur aukist
mikið síðustu ár og hefur aldrei verið meiri.
Hægt er að fara í jóga í öllum stærri líkams-
ræktarstöðvum, jógastúdíóum fjölgar stöðugt
auk þess sem margir kennarar standa fyrir
tímum án þess að vera með fasta stöð. Þetta
byrjaði allt með „hot jóga“ en þeir tímar
virðast hafa náð til fjöldans. Núna er svo
komið að stóru líkamsræktarstöðvarnar
bjóða allar upp á margar tegundir af jóga.
Jóga hreinsar hugann og er góð líkams-
rækt. Það þarf að skrá sig í suma tíma því
plássið er takmarkað og getur verið pirrandi
að komast ekki í jógatímann sem búið er að
bíða eftir alla vikuna því maður var ekki
nógu snöggur að skrá sig. Það er ekki síður
pirrandi að mæta í troðfullan tíma þar sem
varla er pláss fyrir dýnuna. Enginn hefur
áhuga á að fá fótinn á manninum fyrir fram-
an sig í andlitið. Persónulegt andrými er
nauðsynlegt í jóga og eykur líkurnar á því að
hægt sé að ná hugleiðsluástandi eða að
minnsta kosti innri friði. Stundum er hægt
að loka augunum en til dæmis í ashtanga-
jóga er gert ráð fyrir einbeitingu hjá iðkand-
anum og ekki mælt með að loka augum þó
fókusinn sé inn á við eða jafnvel alla leið í
þriðja augað.
Vöxturinn er 37% á sex árum
Jóga hefur líka aukist mjög að vinsældum í
Bandaríkjunum hvort sem um er að ræða að
fólk sé í leit að innri friði eða hreysti og lið-
leika. 24,3 milljónir manna stunduðu jóga þar
vestra árið 2013, sem er 37% vöxtur á sex
árum, að því er fram kemur í Wall Street Jo-
urnal.
Jógastúdíóum hefur fjölgað þar og er verð-
ið á tíma um tvö til fjögur þúsund krónur.
Margir tímar eru yfirfullir svo að fólki er vís-
að frá, þrátt fyrir að troðið sé inn í salinn
eins og hægt er. „Vöxturinn er brjálaður.
Brjálæðislega góður,“ segir Nicole Conners,
framkvæmdastjóri kennslu hjá Yoga Alli-
ance, en alls eru um 58.000 jógakennarar á
skrá hjá sambandinu.
Í grein WSJ er því lýst hvernig höfund-
urinn mætti í uppáhaldstímann sinn, „kraft-
mikið og slakandi jóga“ hjá Equinox-
líkamsræktarstöð í Kaliforníu aðeins til að
lenda í rifrildi um pláss því hún vogaði sér að
færa til mottu til að komast fyrir. Höfundur
hrökklaðist á endanum út með tárin í augum.
„Jóga á að snúast um heildina og að lokum
hið guðlega,“ sagði jógakennari hennar eftir
tímann en fólk sem stundar jóga er kannski
að leita að innri friði en er ekki endilega búið
að ná því ástandi.
JÓGATÍMUM FJÖLGAR HRATT OG IÐKENDUM SÖMULEIÐIS
Baráttan um
gólfplássið
Gott væri ef hægt væri að stunda jóga á svona friðsælum stað, sem er mjög ólíkur umhverfi
troðfullra sala þar sem barist er um hvern fermetra á gólfinu.
Getty Images/iStockphoto
SÍFELLT FLEIRI STUNDA JÓGA OG ERFITT GETUR VERIÐ AÐ KOMAST
AÐ Í TÍMUM. STUNDUM ER JAFNVEL BARIST UM PLÁSSIÐ.
Inga Rún Sigurðardóttir ingarun@mbl.is