Morgunblaðið - Sunnudagur - 01.03.2015, Blaðsíða 39
Hugleiðsla og núvitund eru hugtök sem verða sífellt algengari
í daglegu lífi og við erum alltaf að heyra um fleira og fleira fólk
sem stundar reglulega hugleiðslu og þakkar henni velgengni
sína. Fyrir áhugasama sem vita ekki alveg hvar þeir eiga að
byrja er ágætt að kynna sér smáforritið Headspace. Svokall-
aður 10 daga kúr þar sem gert er ráð fyrir 10 mínútna hug-
leiðslu á dag er ókeypis en notendur geta einnig keypt sér
frekari þjónustu. Óneitanlega stingur hugleiðsluforrit að ein-
hverju leyti í stúf við þá heimspeki sem býr að baki aldagöml-
um hugleiðsluaðferðum búddista, enda ein af grundvall-
arstoðum þeirra að hugleiðsla og andleg kyrrð eigi hvorki að
kosta neitt né vera háð ytri aðstæðum. Markmiðið með
Headspace eins og öðrum smáforritum er að sjálfsögðu að fá
fólk til þess að verja fjármunum í þjónustuna. Engu að síður
nýtur forritið mikilla vinsælda og sjálfsagt að láta á það reyna.
APPIÐ
Hugarró í
gegnum
snjallsímann
Headspace mælir árangur notenda sinna eins og svo
mörg snjallsímaforrit.
1.3. 2015 MORGUNBLAÐIÐ SUNNUDAGUR 39
* Þú getur ekki kennt manninum hvað sem er;þú getur bara leiðbeint honum að sannleik-anum innra með honum sjálfum.
Galíleó Galilei
Í Íran felast miklir viðskiptamögu-
leikar í baráttu gegn ritstkoðun int-
ernetsins. Stjórnvöld þar í landi
verja milljörðum dollara í að þróa
og viðhalda sterku ritskoðunarferli
en íbúar landsins eru sömuleiðis
tilbúnir til að verja eigin fjármunum
í að eignast hugbúnað sem gerir
þeim kleift að nota internetið af
töluvert meira frelsi. Í raun eru svo
miklir peningar í baráttu gegn rit-
skoðun að sömu yfirvöld og standa
að ritskoðun internetsins í Íran
vinna um leið að því að gera sölu á
hugbúnaði sem sniðgengur rit-
skoðun mögulega. Þannig maka yf-
irvöld krókinn um leið og þau
tryggja borgurum sínum falskt ör-
yggi og gera eftirlitshlutverk sitt
auðveldara. Fjallað er um málið á
vefsíðu Daily Dot.
Einfalt að komast framhjá
ritskoðun stjórnvalda
Netnotendur í Íran staðfesta að
það er alls ekki flókið að komast
framhjá ritskoðunarkerfi stjórn-
valda, sem kallað er FilterNet af
gagnrýnendum. Stórar vefsíður á
borð við Facebook og Twitter eru
til dæmis bannaðar í kerfinu, en
engu að síður nota um 20 milljónir
Írana þjónustu þeirra. Þeir Íranir
sem borga í kringum tvo dollara
geta nýtt sér einkasýndarnetþjón-
ustu (VPN) til að fá aðgang að int-
ernetinu á sama hátt og aðrir frjáls-
ir jarðarbúar.
Slík VPN-tækni er bönnuð sam-
kvæmt lögum í Íran en er engu að
síður seld á opnum markaði og
þess vegna geta Íranir komist hjá
ritstkoðuninni. Um sjö af hverjum
tíu í Íran styðjast við slíkan hug-
búnað. Netlögregla í Íran (FATA)
hefur opinberlega lýst yfir stríði á
hendur framleiðendum VPN-
hugbúnaðar, en engu að síður er
leikur einn að nálgast hann. Í raun
er það svo auðvelt, að hægt er að
styðjast við opinber greiðslukerfi
til þess að festa kaup á hugbún-
aðinum. Til þess að nota slík kerfi
þarf samt auðvitað að gefa upp ír-
anskan bankareikning og persónu-
upplýsingar, og gulltryggja þannig
að yfirvöld geti hæglega fylgst með
viðkomandi.
Kemur sér vel fyrir
báða aðila
Spurningin er þá hvers vegna svo
auðvelt er að komast hjá því að
fara að lögum með því að nota op-
inber greiðslukerfi til að eignast
ólöglegan hugbúnað? Sjálfstæðir
fjölmiðlar í Íran hafa látið í veðri
vaka að þetta fyrirkomulag komi
sér vel fyrir báða aðila, það er yf-
irvöld og framleiðendur ólögmæts
hugbúnaðar. Ráðamenn hagnast
fjárhagslega á því að aðstoða fram-
leiðendurna sem á sama tíma fá þá
að stunda sín viðskipti í friði. Auk
þess komist yfirvöld þannig yfir
mikið magn persónuupplýsinga.
Tölvufræðingurinn og aðgerðasinn-
inn Nariman Gharib segir í samtali
við Daily Dot að stjórnvöld í Íran
eigi í raun um 70% VPN-þjónusta
sem selja fólki hjáleiðir frá inter-
netritskoðun. „Það er erfitt að
komast yfir bein sönnunargögn, en
sú staðreynd að eigendur VPN-
þjónusta eru ekki í fangelsi, bendir
mjög eindregið til þess að þeir séu í
beinu samstarfi við stjórnvöld.“
ERLENT
Tvíbent afstaða íranskra
stjórnvalda til ritskoðunar
Ayatollah Ali Khamenei er æðsti
leiðtogi Írana í dag.
Loop - Nýjasta varan frá Libratone sem er einföld og
þægileg í notkun. Falleg hönnun sem kemur sér vel
fyrir hvar sem er á heimilinu, á vegg eða á borð. Tær
og magnaður hljómur. Fæst í ýmsum litum. Hægt er að
tengja hann þráðlaust við jaðartæki sem styðja
Bluetooth 4.0 eða AirPlay.
Tilboðsverð frá: 63.742.-
Listaverð frá: 74.990.-
Zipp - Léttur og nettur hátalari með innbyggðri
rafhlöðu sem endist í allt að 8 tíma. Hátalarinn skilar
ótrúlegum hljóm m.v. stærð og nýtir rýmið og veggi í
kringum sig til að magna upp hljóminn. Möguleiki er að
fá hann í öðrum litum. Hægt er að tengja hann
þráðlaust með Bluetooth 4.0 og þráðlausu neti (AirPlay).
Tilboðsverð: 58.642.-
Listaverð: 68.990.-
Diva - Ótrúleg og mögnuð hljómgæði í flottum
hátalara sem passar einstaklega vel undir sjónvarpið.
Hægt er að beintengja hann við sjónvarp, en einnig er
hægt að nota Bluetooth 4.0 eða AirPlay.
Með Libratone Diva fylgir borðstandur og veggfesting.
Tilboðsverð: 126.642.-
Listaverð: 148.990.-