Morgunblaðið - Sunnudagur - 08.03.2015, Blaðsíða 20
20 MORGUNBLAÐIÐ SUNNUDAGUR 8.3. 2015
Ferðalög og flakk
Erla Ólafsdóttir segir sniðugt að þjálfa líkamann upp fyrir ferðina með æ lengri gönguferðum.
Þ
egar að er gáð þarf í sjálfu sér
ekki að koma á óvart að verkir
og eymsli geti gert vart við sig á
ferðalögum.
Erla Ólafsdóttir, sjúkraþjálfari hjá
Styrk, segir að í ferðalögum út í heim
felist mikil breyting frá því mynstri sem
fólk er vant, og er t.d. algengt að fólk
gangi ekki meira en 1-2 km á dag í dag-
legu amstri, en ferðalangar arka oft 10-20
km á dag í ósköp venjulegri borgarferð.
Jafnvel bara það að sitja hreyfingarlítill í
flugsætinu í 3-5 klst. getur komið ýmsu
úr lagi í líkamanum.
En hvað má þá gera til að koma í veg
fyrir að ferðalangurinn liggi lemstraður og
aumur, nýlentur í London, París eða New
York? Til mikils er að vinna, enda geta
verkirnir stundum verið svo miklir að það
eyðileggur ferðalagið.
Erla segir best ef hægt er að þjálfa
líkamann hægt og rólega upp í aðdrag-
anda ferðarinnar, s.s. með reglulegum
göngutúrum þar sem gengin er æ lengri
vegalengd í hvert sinn. Verkirnir sem
gera vart við sig á ferðalögunum stafa
fyrst og fremst af því verið er að leggja
mun meira á líkamann en hann er vanur.
Í góðum borgarskóm
„Borgarferðin er heldur ekki rétta tæki-
færið til að reyna nýja
skó heldur ætti að
velja skóbúnað sem
okkur líður vel í og
við finnum að hentar
okkur vel. Íslenskir
ferðamenn vilja oft
koma vel fyrir en
heilsa og vellíðan ættu
að hafa forgang fram
yfir útlitið. Nota má
vikurnar fyrir ferðina
til að ganga vel til
borgargönguskó sem
veita góða fjöðrun og fótunum líður vel í.
Þannig hafa skórnir náð að aðlagast fæt-
inum og minni hætta á blöðrum og sárum
vegna núnings.“
Verður að fylgjast vel með álaginu,
muna að hvílast hæfilega oft og leyfa þá
vöðvum og liðamótum að jafna sig ögn.
„Það getur gert ferðina mun ánægjulegri
að splæsa í nokkur skipti í leigubíl frekar
en að ganga á milli bæjarhluta eða standa
teinréttur í neðanjarðarlest. Ef þess er
kostur er upplagt að leigja reiðhjól til að
hafa meiri fjölbreytni á því álagi sem lagt
er á bak og fótleggi. Ef fólk er orðið
þreytt og sárfætt er einnig gott að vita
af þeim möguleika að á sumum stöðum er
hægt að leigja Segway-skutlu.“
Muna verður að pokar og töskur geta
aukið álagið. Erla segir margborga sig að
hafa bakpoka með í för og stinga þar of-
an í því sem keypt er í verslunum á
meðan borgin er skoðuð. Með bakpok-
anum breiðist þyngdin jafnar yfir axlir og
bak, en hliðartöskur dreifa þyngdinni
ójafnt og innkaupapokar reyna á hand-
leggi, axlir, háls- og herðasvæði.
Fjögur hjól betri
Jafnvel farangurstaskan getur haft áhrif.
„Farangurstöskur á tveimur hjólum kalla
yfirleitt á að fólk dragi töskuna á eftir
sér og setji öxlina í
álagsstöðu. Töskum á
fjórum hjólum má
hins vegar ýta á und-
an sér eða til hliðar
og veldur ekki sams
konar álagi. Þeir sem
eru veikir fyrir í öxl-
unum ættu að hafa
þetta sérstaklega í
huga.“
Að sögn Erlu er
eðlilegt að finna fyrir
þreytu og eymslum
eftir langan dag í bænum og góður næt-
ursvefn í þægilegu rúmi dugi þá til að
fólk vakni hresst og endurnært. „En það
er munur á almennum eymslum annars
vegar og verkjum hins vegar. Ef fólk
finnur fyrir sársauka þá er mjög óráðlegt
að reyna að harka af sér og halda áfram,
jafnvel þótt það raski ferðaáætluninni.
Hér þarf að taka hlé og gefa líkamanum
færi á að jafna sig, eða ástandið getur
versnað enn frekar. Nota má daginn til
að láta fara makindalega um sig uppi á
hótelherbergi, eða stunda iðju sem kallar
ekki á miklar göngur og hreyfingu.“
Kaldur bakstur hjálpar
Sumum getur reynst vel að taka með
væg verkjastillandi og bólgueyðandi lyf,
og segir Erla þá gera mest gagn að taka
lyfin fyrir svefninn, til að slá á mestu
bólgurnar eftir langan göngudag, og auð-
velda líkamanum að jafna sig á útreiðinni.
Þá er gott húsráð að nota kælandi
bakstra til að koma í veg fyrir bólgur.
„Þegar komið er upp á herbergi getur
dugað að setja fæturna í stutta stund í
kalt vatnsbað, eða leggja handklæði vætt
með köldu vatni á auma staði á lík-
amanum. Einnig er auðvelt að nálgast
klaka á flestum hótelum og getur verið
gott að útbúa kælibakstur og þá setja ís-
molana inn í blauta handkæðið, sem hægt
er að leggja á auma svæðið í 10-15 mín-
útur.“
FARLAMA Í MIÐRI HELGARFERÐ?
Með stingandi verki
eftir borgarrölt
Í ÓSKÖP VENJULEGRI BORGARFERÐ GETUR FERÐALANGURINN VERIÐ AÐ
GANGA TUTTUGUFALT LENGRI VEGALENGD EN HANN ER VANUR AÐ
GANGA DAGLEGA. ÞETTA MIKLA ÁLAG KANN AÐ VALDA VERKJUM SEM
GETA SETT STRIK Í REIKNINGINN.
Ásgeir Ingvarsson ai@mbl.is
Eflaust kannast margir lesendur við að byrja að finna fyrir þreytu og eymslum meðan beðið er í röð
á flugvellinum, búnir að burðast með farangurinn og sitja hreyfingarlitlir í langri flugferð.
Morgunblaðið/Þórður
* Þegar komið erupp á herbergi get-ur dugað að setja fæt-
urna í stutta stund í
kalt vatnsbað, eða leggja
handklæði vætt með
köldu vatni á auma
staði á líkamanum.