Morgunblaðið - Sunnudagur - 08.03.2015, Qupperneq 38
Stefnumótaforritið Tinder hefur nú hleypt af stokk-
um nýrri þjónustu, Tinder Plus, þar sem notendur
geta greitt fyrir ýmis úrræði sem ekki bjóðast venju-
legum notendum, svo sem að draga til baka sam-
þykki. Þjónustan er umdeild í ljósi þess að eldri not-
endur þurfa að borga meira fyrir hana en þeir yngri.
Eldri greiða meira en yngri
38 MORGUNBLAÐIÐ SUNNUDAGUR 8.3. 2015
Græjur og tækni
Þ
að er þó erfitt að segja
hvort hugmynd forráða-
manna Apple er að fram-
leiða sinn eigin bíl eða
einfaldlega þróa einhvers konar
kerfi sem aðrir bílaframleiðendur
gætu nýtt sér. CNN hefur fjallað
nokkuð um málið og eftirfarandi
atriði varpa ljósi á það sem vitað
er um hugsanlegan Apple-bíl, en
talsmenn Apple hafa ekki viljað
tjá sig opinberlega um orðróma
varðandi bílinn.
1Apple ræður til sín rafeindaverkfræðinga
Í janúarmánuði réð Apple til sín
svo marga verkfræðinga frá bíla-
rafhlöðuframleiðandanum A123
Systems að síðarnefnda fyrirtækið
höfðaði mál á hendur Apple. For-
svarsmenn A123 Systems halda
því fram að Apple hagi sér óheið-
arlega á markaði og vinni statt
og stöðugt að því að grafa al-
gjörlega undan starfsemi þeirra.
Rafhlöður frá A123 Systems
knýja ýmsa bíla á markaði í dag,
þar á meðal BMW ActiveHybrid
og rafbílinn Chevy Spark. Það
gefur augaleið að þessi þróun
þykir benda til þess að Apple
ætli sér að framleiða rafhlöður
fyrir bíla, en hvort það þýðir að
fyrirtækið ætli sér að framleiða
eigin bíl er eftir að koma í ljós.
2Bifreið búin myndavélum ogskynjurum hefur sést á göt-
um Bandaríkjanna
Í Brooklyn í New York-borg hef-
ur ítrekað sést til bifreiðar aka
um götur, sem er ómerkt og búin
myndavélum og skynjurum. Önn-
ur eins bifreið hefur jafnframt
sést í úthverfi San Francisco í
Kaliforníu. Heimildir fréttastofu
CBS herma að bifreiðin sem sést
hefur á götum Kaliforníu sé skráð
á vegum Apple. Í þeim tilvikum
sem sést hefur til bifreiðanna hef-
ur alltaf manneskja setið við stýr-
ið. En skynjararnir utan á bílnum
þykja benda til þess að ætlun
þess sem hann rekur sé ekki ein-
ungis að búa til kort á sama hátt
og Google hefur verið að mynda
götur heimsins.
3Apple réð til sín stjórnandafrá Mercedes Benz
Johann Jungwirth leiddi lengi
rannsóknar- og vöruþróunarstarf
Mercedes Benz í Bandaríkjunum
og Kanada en í september skipti
hann um vettvang og réð sig til
Apple, þar sem hann hefur um-
sjón með kerfisþróun í Mac. Á
Twitter-síðu Jungwirth kemur
fram að áhugasvið hans séu ekki
síst bílar og tæki sem geri líf
fólks betra. Þá hefur jafnframt
komið fram að sérsvið Jungwirth
séu annars vegar internettengdir
bílar og sjálfvirkir bílar.
4Apple er að setja saman bifreiðateymi
Á síðustu árum hefur Apple ráðið
til sín fjölda stjórnenda og verk-
fræðinga frá bílaframleiðendum.
Þetta kemur fram í opinberum
upplýsingum um starfsmenn og
ráðningar. Apple hefur ekki látið
þar við sitja heldur hefur fyrir-
tækið einnig ráðið til sín fjölda
fólks frá Tesla, fyrirtæki sem er
leiðandi á sviði rafbílaframleiðslu.
Þá hefur til að mynda komið
fram að tiltekinn verkfræðingur,
sem lengst af starfaði fyrir Auto-
liv, fyrirtæki sem sérhæfir sig í
þróun öryggisbúnaðar fyrir bíla,
hafi nýlega hafið störf í „sér-
teymi“ á vegum Apple. New York
Times og Bloomberg hafa jafn-
framt sagt frá því að Apple vinni
nú að því að setja saman bíla-
teymi.
5Apple í viðræðum við Tesla
Framkvæmdastjóri Tesla, Elon
Musk, hefur viðurkennt að hann
hafi fundað með stjórnendum
Apple hvað yfirtökur varðar, en
hann hefur ekki viljað gefa upp
hvað fór þeim á milli á fundinum.
Tesla er, líkt og áður sagði, leið-
andi fyrirtæki á sviði rafbílafram-
leiðslu á heimsvísu. „Við áttum
samtal við Apple. Ég get ekki
tjáð mig sérstaklega um það
hvort yfirtökur voru ræddar eða
eitthvað slíkt,“ sagði Musk nýlega
í samtali við Bloomberg.
6Yfirhönnuður Apple er meðbíla á heilanum
Í nýjasta tölublaði The New Yor-
ker er að finna afar langa og ýt-
arlega umfjölun um Jony Ive,
yfirhönnuð Apple. Hann á svartan
Bentley Mulsanne og Aston Mart-
in DB4. Á hverju sumri er hann
viðstaddur sýningu á gömlum
sportbílum í Suður-Englandi og
þá kemur fram í umfjölluninni að
honum renni kalt vatn milli
skinns og hörunds við að berja
Toyota-bíl augum. Þetta er mað-
urinn sem hannaði iMac-tölvuna,
iPad-inn, iPhone-inn, iPod-inn og
MacBook-tölvuna.
STÓRFYRIRTÆKIÐ APPLE HEFUR EKKI GENGIST VIÐ ÞVÍ
OPINBERLEGA AÐ LANGTÍMAÁFORM FYRIRTÆKSINS
INNIHALDI MEÐAL ANNARS AÐ SETJA EIGIN BIFREIÐAR Á
MARKAÐ. Á HINN BÓGINN ER ÝMISLEGT SEM BENDIR TIL
ÞESS AÐ SÚ SÉ EINMITT RAUNIN.
Halldór A. Ásgeirsson haa@mbl.is
Google-bílarnir eru auðþekkjanlegir af myndavélum sínum og hafa ekið
sjálfir um götur Kaliforníu um hríð.
Flestir kannast við að heimsækja Apple-búð og spurningin er hvort einn
daginn verði þar bílar til sýnis.
EPA
Verður Apple-bíllinn að veruleika?
Shuhei Yoshida, framkvæmdastjóri Sony, til-
kynnti þessi tíðindi í vikunni. Fyrirtækið hef-
ur jafnframt birt ljósmyndir af uppfærðri út-
gáfu búnaðarins, sem umlykur augu
notandans og gerir honum kleift að ímynda
sér að allur líkami hans sé staðsettur í því
umhverfi sem birtist honum á skjánum.
Hér er að öllum líkindum um að ræða
framtíð tölvuleikjabransans og innan fárra
ára verða eflaust sýndarveruleikahjálmar til
á hverju heimili. Morhpeus mun státa af
OLED-skjá með 1080p upplausn og verður
fær um að keyra áfram 120 ramma á sek-
úndu, sem er tvöfalt meira afl en fyrri út-
gáfur búnaðarins bjuggu yfir, þegar þær
voru kynntar á tölvuleikjaráðstefnu í fyrra.
Þá verður biðtíminn (e. latency) undir 18
millisekúndum – það þýðir að tíminn sem líð-
ur milli þess að notandinn hreyfi höfuð sitt
og að umhverfið sem birtist honum á skján-
um breytist til samræmis við hreyfingar
hans verður minni en 18 millisekúndur.
Yoshida heldur því fram að þetta þýði í
raun að ekki sé munur á því hvernig hjálm-
urinn virkar og upplifun manna af raunveru-
leikanum.
Markaðskapphlaup í algleymingi
Þótt lítið fari fyrir sýndarveruleikatækni sem
stendur, er markaðskapphlaupið um hylli
viðskiptavina á þessu sviði nú í hámarki og
bakvið tjöldin geisar styrjöld milli tæknirisa.
Árið 2014 keypti Facebook fyrirtækið sem
stóð að þróun og framleiðslu Oculus Rift,
sem einmitt er sýndarveruleikabúnaður, en
nákvæmar upplýsingar um búnaðinn og út-
gáfudag hans liggja ekki fyrir. Samsung er
jafnframt í samstarfi við Oculus Rift um að
hanna meðfærilega og snúrulausa útgáfu af
búnaðinum sem getur virkað með snjall-
símum. Á sama tíma hefur fyrirtækið Valve
Software, sem helst er þekkt fyrir Steam-
tölvuleikjamiðlun sína á netinu, hafið sam-
starf með snjallsímaframleiðandanum HTC
þar sem ætlunin er að hanna þeirra eigin
sýndarveruleikabúnað, sem kallast Vive.
Stefnt er að því að búnaðurinn komi á mark-
að ekki seinna en seint á þessu ári og verður
hann því sá fyrsti sem neytendur geta nálg-
ast.
Yoshida viðurkenndi fúslega að sam-
keppnin á markaði væri afar hörð og stórir
aðilar myndu þar etja kappi. „Á síðustu 12
mánuðum höfum við séð heim sýndarveru-
leikans bókstaflega springa út. Hvort sem
um er að ræða Oculus Rift eða Samsung Ge-
ar VR, þá er alveg ljóst að margt öflugt fólk
ætlar sér að flytja hugmyndina um sýnd-
arveruleika frá heimi vísindaskáldskapar og
inn í þann raunveruleika sem við búum við.“
Hann lýsti því jafnframt yfir að saman
skapi hinn glæsilegi, nýi höfuðbúnaður frá
Sony, ásamt tölvunni nafntoguðu PlaySation
4, nýjan vettvang og viðmið fyrir framleið-
endur tölvuleikja og sýndarveruleiki hafi í
för með sér tækifæri til að gjörbreyta upplif-
unum spilenda í náinni framtíð. Hins vegar
eru margir þeirrar skoðunar að áðurnefndur
HTV Vive-búnaður, sem hefur stuðning
Valve og aðgang að hinni risavöxnu netbúð
Steam, sé í raun í sterkustu stöðunni eins og
er.
Morpheus á
markað 2016
TÆKNIRISINN SONY MUN KYNNA Á MARKAÐ SÝNDARVERULEIKAHÖF-
UÐBÚNAÐINN MORPHEUS FYRIR PLAYSTATION 4 SNEMMA ÁRS 2016.
Sony Morph-
eus hefur yfir
sér fram-
andlegan blæ.