Morgunblaðið - Sunnudagur - 08.03.2015, Side 51

8.3. 2015 MORGUNBLAÐIÐ SUNNUDAGUR 51
ara Hvíta hússins, þangað til kemur í ljós að
forsetinn hafði bara fengið svæsinn brjóst-
sviða.
Borgen
Danir hafa lengi kunnað þá list að gera
krassandi alvörugefna þætti. Borgen sver sig
í ættina og þegar byrjað er að horfa er þetta
stjórnmáladrama jafn ávanabindandi og
Matador var hér um árið, eða spítalahrylling-
inn Riget sem fékk fólk til að sitja á sæt-
isbrúninni.
Eins og svo margir aðrir þættir um stjórn-
málafólk hefst sagan á því að hin sjarmerandi
Birgitte Nyborg (Sidse Babett Knudsen)
verður, henni sjálfri að óvörum, fyrsti kven-
kyns forsætisráðherra Danmerkur.
Vitaskuld er það kynlífshneyksli sem kem-
ur atburðarásinni af stað, því aðstoðarmaður
sitjandi forsætisráðherra fær hjartaáfall í
miðjum ástaratlotum við blaðakonu. Í kjölfar-
ið kemur í ljós að aðstoðarmaðurinn hefur
farið mjög frjálslega með greiðslukort ráðu-
neytisins og hristir rækilega upp í kosning-
unum þegar þessu öllu er ljóstrað upp.
Svona tvinnast sagan saman í þrjár þátta-
raðir, þar sem aðalsöguhetjan þarf að finna
jafnvægi milli stjórnmála og einkalífs, bak-
tjaldamakkarar toga í strengi og blaðamenn
þurfa að glíma við erfiðar samviskuspurn-
ingar.
Scandal
Gott er að ljúka hringnum á Scandal, sem hóf
göngu sína á ABC-sjónvarpsstöðinni árið
2012. Ekki er erfitt að ímynda sér að atburðir
Scandal eigi sér stað samhliða klækjum og
brölti Franks Underwood í House of Cards.
Olivia Pope (Kerry Washington) er fyrrver-
andi fjölmiðlafulltrúi Hvíta hússins en er
núna sjálfstætt starfandi og fæst við að
slökkva pólitíska elda. Svo virðist sem valda-
mikið fólk sé óþreytandi í að koma sér í vand-
ræði með alls konar ósiðum og er Pope
manneskjan sem fengin er til að grafa leynd-
armálin djúpt í jörðu.
Drama og ástamál fá hér að fljóta nær yf-
irborðinu en í öðrum þáttum um Washington,
þó svo að pólitíska valdataflið leiki áfram
stórt hlutverk. Þannig fer ekki milli mála að
neistar á milli Pope og fyrrverandi yfrmanns
hennar, sjálfs Bandaríkjaforseta, sem leikinn
er af sjarmatröllinu Tony Goldwyn. Forsetinn
er þó ekki sá eini sem hefur augastað á hinni
föngulegu og hæfileikaríku Pope og ekki
skrítið ef hún er þjökuð af miklum valkvíða.
Téa Leoni í Madam Secretary, þáttum sem sumum þykir eiga að fegra ímynd Hillary Clinton.
Kerry Washington í Scandal leikur fyrrum fjölmiðlafulltrúa sem leysir vanda valdafólks.
Persóna Sidse Babett Knudsen í Borgen kemst fljótt að raun um að heimur stjórnmálanna er subbulegur, meira að segja í Danmörku.
Julia Louis-Dreyfus leikur varaforseta sem á ekki sjö dagana sæla og lendir í ýmsum vandræðum.
Þremur áratugum síðar eru brandararnir og ádeilan í Yes Minister enn drepfyndnir.