Morgunblaðið - Sunnudagur - 08.03.2015, Blaðsíða 56
Undanfarna daga hefur verið sannkölluðmyndlistarhátíð í New York-borg ogótal margt að sjá fyrir áhugasama
listunnendur. Fyrir utan þau hundruð safna
og gallería sem opin eru alla daga í borginni,
og sýna það nýjasta og margt það merkasta,
þá opnuðu samtök bandarískra gallerista sam-
eiginlega sýningu í vikunni, sýning Bjarkar í
MoMA hefur vakið gríðarlega athygli og um-
tal og þá var opnuð í sautjánda skipti hin ár-
lega listkaupstefna Armory Show í tveimur
stórum skemmum sem ganga út á bryggjur í
Hudson-ánni nærri miðri Manhattan-eyju.
Það er ætíð áhugavert að ganga um list-
kaupstefnur sem þessa og þá skiptir miklu
máli að hafa drjúgan tíma og leyfa sér að vera
forvitinn og sökkva sér í fjölbreytilega mynd-
heimana. Armory Show stendur yfir frá mið-
vikudegi til sunnudags. Þar sýna 199 af kunn-
ustu galleríum samtímans verk eftir suma þá
listamenn sem þau vinna með og flest með
það að markmiði að skapa tengsl við safnara
og söfn og ná að selja myndverk. Kaupstefn-
unni er skipt í tvo hluta, samtímalist frá síð-
ustu árum, þar sem flest galleríin eru, og svo
er það „modern“-deildin, með áherslu á list
frá 20. öld, list fólks sem þegar hefur sannað
sig og er í sögubókunum. Þar má til að
mynda sjá sýningu á bókverkum eftir Dieter
Roth, aðra með grafík eftir Picasso og Munch,
fjölda fínna verka eftir Alexander Calder,
grafík eftir Warhol og Lichtenstein – í raun
allt milli himins og jarðar og margt afar verð-
mætt, og hjá galleríi sem selur rándýr verk
eftir Þjóðverjann Gerhard Richter er flenni-
stórt málverk eftir Corneliu Schleime, frá
2014, af hinni margumtöluðu Björk.
Það er mun rólegra yfir „modern“-hluta
kaupstefnunnar en þeim stærri með nýrri
verkunum. Fjölbreytileikinn er gríðarlegur og
fljótlega eftir að dyrnar eru opnaðar þennan
fyrsta dag, aðeins fyrir boðsgestum, taka
safnarar, safnafólk, blaðamenn og aðrir sem
eru í náðinni að fljóta um gangana og inn í
sýningarbásana þar sem stimamjúkir gall-
eristar fræða og svara, og sum samtölin enda
með með því að verk ganga kaupum og söl-
um. Vegghengin eru ekki heilög, sums staðar
má sjá verkum kippt niður og öðrum skellt
upp, möppur eru opnaðar og flett gegnum
óinnrammaðar arkir með teikningum, sam-
klippum eða öðru og svo er skálað í kampa-
víni. Það er rífandi stemning enda um sann-
kallaða hátíð að ræða.
Sambönd og samskipti
Nálægt miðju sýningarsvæðinu er i8 galleríið
með aðstöðu, í áttunda skipti í röð á Armory
Show. Börkur Arnarson er þar, ásamt sam-
starfsfólki sínu Auði Jörundsdóttur og Þorláki
Einarssyni, að ræða við gesti. Á veggjum er
úrval verka eftir listamenn sem þau vinna að
jafnaði með og er helmingur þeirra íslenskur,
þar á meðal bræðurnir Kristján og Sigurður
Guðmundssynir, Ragnar Kjartansson og Ólaf-
ur Elíasson. Meðal annarra listamanna má
nefna Lawrence Weiner, Janice Kerbel, Igna-
cio Uriarte og Alicja Kwade.
Þegar stund gefst milli samtala við gesti
eru Börkur og Auður spurð að því hvað sé
ólíkt þessari listkaupstefnu og til að mynda
þeim sem þau taka þátt í í Evrópu, eins og í
Basel. „Við erum með góðan hóp viðskiptavina
hér í Bandaríkjunum og góð tengsl,“ segir
Auður. „Nú höfum við verið hér í átta ár og
erum komin í hóp hinna gamalgrónu gallería;
við erum hluti af messunni og gestir þekkja
okkur og fylgjast með því sem við erum að
gera,“ bætir Börkur við. „Hér erum við meira
á heimavelli en í Evrópu, Basel, Berlín eða
París.“ Þegar spurt er hvers vegna, segist
hann ekki viss. „Svo ég alhæfi svolítið,“ segir
Auður þegar Börkur víkur frá að sinna áhuga-
sömum gesti, „þá finnst mér oft auðveldara að
koma hingað en til Evrópu með verk óþekktra
íslenskra listamanna, það er eins og gestir hér
séu opnari fyrir því að kynna sér list fólks sem
það hefur ekki heyrt um áður. Eins og þú sérð
þá er fólk skemmtilega forvitið, vill spjalla og
fræðast. Hér er oft auðvelt að hefja samtal um
verkin. Kannski er þetta eðlismunur á
Evrópu- og Bandaríkjabúum, en svo verður
líka að benda á að hingað kemur líka fjöldi
fólks frá Evrópu og alls staðar að. Og hér er
gríðarlega margt fólk úr safnaheiminum og
það hefur ekki síst reynst okkur vel. Hér höf-
um við kynnst safnafólki sem hefur síðan sett
upp sýningar víða með íslensku listafólki á
söfnum. Það er ein af ástæðum þess að við er-
um hér. Vissulega er þetta kaupstefna og ver-
ið að selja myndlist, en þetta er líka staður
þar sem allir hittast: galleristar, listamenn,
safnstjórar, sýningastjórar. Hér höfum við
kynnst galleristum sem hafa í kjölfarið farið
að vinna með listamönnum okkar og við með
listamönnum þeirra, sem er gott fyrir alla.“
Gestum á sýningu i8 fer sífellt fjölgandi.
Kona kastar kveðju á starfsfólkið, minnir á að
hún hafi keypt hjá þeim fjögur verk eftir Birgi
Andrésson um árið, önnur segir dóttur sína
ólma vilja eignast verk eftir Uriarte og þá
koma fulltrúar frá sænsku safni og sýna gulu
textakari Lawrence Weiners mikinn áhuga.
Ekki var annað að heyra en að það samtal
hefði endað með kaupum.
„Nú á fyrsta degi messunnar eru hér að-
allega sýningarstjórar og stórir safnarar,“ seg-
ir Auður þegar aðeins róast hjá þeim aftur.
„Næstu daga kemur almenningur og þá breyt-
ast spurningarnar talsvert, eftir því sem líður
STEFNUR OG STRAUMAR BIRTAST Á ARMORY SHOW
„Hér gerist þetta allt“
ÞESSA DAGANA STENDUR HIN VIÐAMIKLA MYNDLISTARKAUPSTEFNA ARMORY SHOW YFIR Í
NEW YORK. 199 GALLERÍ FRÁ 28 LÖNDUM SÝNA ÞAÐ SEM EFST ER Á BAUGI Í MYNDLIST
SAMTÍMANS OG FRÁ 20. ÖLD. I8 GALLERÍIÐ TEKUR ÞÁTT Í ÁTTUNDA SKIPTI.
Einar Falur Ingólfsson efi@mbl.is
Ólíkt því sem gerist á hefðbundnum listsýningum
má víða sjá gallerista taka niður verk á listkaup-
stefnum, eins og Armory Show, og stilla upp
öðrum sem líklegir kaupendur vilja skoða betur.
Á þeim hluta Armory Show þar sem verk frá
20. öld eru til sýnis var rýnt í tölur meðan
starfsmenn gallerísins hengdu upp verðmætt
silkiþrykk eftir listamanninn Andy Warhol.
Börkur Arnarson, galleristi í i8, sýnir Ill-
uga Gunnarssyni, mennta- og menning-
armálaráðherra, myndverk eftir Sigurð
Guðmundsson í sýningarrými gallerísins
á listkaupstefnunni í New York. Til
vinstri er verk eftir Janice Kerbel.
Algengt er að áhugasamir listunnendur myndi
listaverkin til að geta skoðað þau betur.
Verkin á listkaupstefnunni eru æði fjölbreytileg
og gestir hafa um margt að ræða.
56 MORGUNBLAÐIÐ SUNNUDAGUR 8.3. 2015
Endurröðun nefnist sýning með verkum Jóns
Axels Björnssonar sem opnuð verður í
Listasafni ASÍ í dag, laugardag, kl. 15.
„Árið 2014 hengdi Jón Axel upp í Mokka
myndröð sem ekki lét mikið yfir sér. Líta má
á myndröðina á Mokka sem eins konar for-
smekk þeirrar tilvistarlegu uppstokkunar og
endurröðunar sem á sér stað á sýningunni
sem Jón Axel hefur nú opnað í Listasafni ASÍ.
Upplausn athvarfsins sem rakin var með hug-
lægum formerkjum í pappírsmyndunum á
fyrri sýningunni, er hér sviðsett bæði sem
persónubundin ákoma og hluti af hinni stóru
lífsbaráttu,“ skrifar Aðalsteinn Ingólfsson
m.a. í sýningarskrá. Sýningin stendur til 29.
mars og er opin alla daga nema mánudaga frá
kl. 13 til kl. 17. Aðgangur er ókeypis.
JÓN AXEL Í LISTASAFNI ASÍ
ENDURRÖÐUN
Eitt verka Jóns Axels á sýningunni.
Gradualekór Langholtskirkju syngur undir
stjórn Jóns Stefánssonar á morgun.
Gradualekór Langholtskirkju heldur tónleika
í Langholtskirkju á morgun, sunnudag, kl. 17.
Á efnisskránni eru Gloria eftir Vivaldi og
Lapsimessu eftir Einojuhani Rautavaara. Auk
þess verða flutt styttri verk sem eru af mjög
ólíkum toga. Stjórnandi er Jón Stefánsson.
Gradualekórinn hefur flutt Gloriu Vivaldis
nokkrum sinnum en það eru ekki mörg af
stórverkum kirkjutónlistarinnar sem færð
hafa verið í búning fyrir stúlknakór. Lapsi-
messu (Messa fyrir börn) hreppti árið 1973
fyrstu verðlaun í tónsmíðakeppni í Espoo í
Finnlandi. Verkið er í knöppu formi, tekur
aðeins um tólf mínútur í flutningi, en gerir
miklar kröfur til flytjenda.
GLORIA OG LAPSIMESSU
GRADUALEKÓR
Á gráu svæði nefnist sýn-
ing skoska hönnuðarins
Davids Taylors sem opnuð
verður í Hafnarborg í dag,
laugardag, kl. 15.
„Taylor vinnur á gráu
svæði, hann er hönnuður
sem vinnur í nágrenni
myndlistar eða það sem
hann kallar contemporary
craft sem á íslensku myndi þýðast sem sam-
tímahandverk. Verkin eru öll ný og sér-
staklega unnin fyrir sýninguna sem er hluti af
Hönnunarmars og er sett upp í samstarfi við
hönnunarverslunina S/K/E/K/K,“ segir m.a. í
tilkynningu.
Á morgun, sunnudag, kl. 15 sem og
fimmtudaginn 12. mars kl. 18 verður boðið
upp á samtal við David Taylor í Hafnarborg.
Föstudaginn 13. mars kl. 12.30 og sunnudag-
inn 15. mars kl. 15 verður síðan boðið upp á
leiðsögn um sýninguna.
DAVID TAYLOR Í HAFNARBORG
Á GRÁU SVÆÐI
David Taylor
Menning