Morgunblaðið - Sunnudagur - 15.03.2015, Blaðsíða 8
Það er ekki aðeins Björk Guðmundsdóttir
sem stendur í sýningarstórræðum þessa dag-
ana en á meðan MoMA-safnið í New York
stendur fyrir sýningu á verkum hennar og
list er fyrrverandi sambýlismaður og barns-
faðir hennar, Matthew Barney, að undirbúa
stóra sýningu í Nútímalistasafninu í Los
Angeles, MOCA, að því er The New York
Times greinir frá.
Sýningin, sem á að opna í september á
þessu ári, fjallar um allt er viðkemur vinnslu
myndar Barney og félaga hans Jonathans
Bepler, River of Fundament, sem sýnd var á
Listahátíð í Reykjavík á síðasta ári. Myndin
er um sex klukkustundir í flutningi og þykir
afar róttæk endursköpun á skáldverki
Normans Mailer en það tók þá félaga sjö ár
að vinna myndina.
Á sýningunni verður meðal annars hægt
að skoða skúlptúra, ljósmyndir og annað efni
sem tengist gerð myndarinnar. Í grein New
York Times er sagt að það að vera orðinn
fyrrverandi kærasti Bjarkar sé næstum orð-
ið meiri frægð fyrir listamanninn en að vera
einn áhrifamesti listamaður sinnar kynslóðar
í Bandaríkjunum. Vefsíðan ArtnetNews velt-
ir vöngum yfir því hvort Barney muni jafn-
vel svara lagatextum Bjarkar fljótlega og
hann geti til dæmis gert það á sýningu sinni
í haust.
Frægðin orðin meiri fyrir
að vera fyrrverandi
FYRRVERANDI SAMBÝLISMAÐUR OG BARNSFAÐIR BJARKAR
GUÐMUNDSDÓTTUR, MATTHEW BARNEY, ER MEÐ STÓRA SÝNINGU Í
HAUST Á MOCA-LISTASAFNINU Í LOS ANGELES.
Blaðamaður The New York Times skrifar í grein um listamanninn Matthew Barney að frægð
hans sé orðin meiri fyrir að vera fyrrverandi kærasti Bjarkar en áhrifamikill listamaður.
8 MORGUNBLAÐIÐ SUNNUDAGUR 15.3. 2015
Fyrir aldarfjórðungi kom ég í norska trú-boðsstöð í Afríku. Boðuð var kristni. Yfir-völdin á svæðinu voru annarrar trúar en
létu aðkomumenn fara sínu fram. Eða þangað til
þeir kynntu kvikmyndavélina til sögunnar. Þá
fylltust allar samkomur trúboðanna enda höfðu
þessar undravélar aðdráttarafl. Þetta væri
ósanngjarnt, sögðu yfirvöldin. „Þið megið ekki
skapa ykkur slíka yfirburðastöðu gagnvart okkar
trúarbrögðum.“ Trúboðarnir, sem höfðu verið
gjöfulir á matvæli jafnframt trúboðinu, áttu svar
við þessu: „Engar kvikmyndasýningar, ekkert
korn.“ Yfirvöldin völdu kornið og þar með var
trúboðinu borgið. Sádi-Arabía styður trúboð um
heim allan. Í fátækum ríkjum gæti slíkur fjár-
stuðningur skipt máli en varla hér á landi nema
mjölpokar í einhverju formi fylgdu hinu boðaða
orði. Tilhugsunin um áróðursfé er hins vegar
óþægileg. Hver man ekki eftir tali um Rússagull
og Kanaferðir? Slæmt þótti ef fjölmiðill og fjöl-
miðlamenn gengju fyrir fé erlendra stórvelda. Í
tengslum við Evrópuráðsþing sótti ég nýlega
fund um hvernig þrengt væri að fjölmiðlum í Az-
arbaijan. Auglýst var að starfsmenn bannaðs fjöl-
miðils myndu mæta á fundinn. Fjömiðillinn var
Voice of America, kostaður af Pentagon. Og þá
vaknar spurningin hvort það eigi að skipta máli
hver í hlut á, eru það ekki bara lögin sem eiga að
gilda um alla? Allir skuli vera frjálsir til orðs og
æðis svo fremi sem þeir fari að lögum. Eru þá
fulltrúar Hells Angels velkomnir til Íslands þótt
við vitum að þeir séu komnir til að vinna sam-
félagi okkar tjón? Hefur það verið rangt að snúa
þeim frá landinu í Leifsstöð án þess að þeir hafi
eitthvað til saka unnið hér á landi sem ein-
staklingar svo sannað sé? Dómstólar hafa látið
þetta gott heita. Ég hef verið þeim sammála. En
á gráu svæði er þetta! Á Reykjavíkurborg að
beita sér fyrir því að koma í veg fyrir fjárstuðn-
ing frá Sádi-Arabíu við byggingu mosku í borg-
inni? Eða á að láta slíkt óátalið svo lengi sem far-
ið er að lögum? Er eitthvað rangt við að
einstaklingar, samtök eða ríki styrki meinta sam-
herja eða málstað yfir landamæri? Eða fer það
eftir aðstæðum, hver málstaðurinn er, hver um-
gjörðin er, hver tilgangurinn er og hvaða aðferð-
um er beitt? Ætli það hljóti ekki að vera svo.
Þannig finnst okkur flestum, hygg ég, í lagi að
boða kristna trú eða aðra trú, hvort sem er hér á
landi eða annars staðar. Okkur finnst hins vegar
rangt að gera það með mútum eða hótunum.
Okkur finnst rangt að stórveldi nýti sér keypta
fjölmiðla til að koma áróðri fyrir eigin hagsmuni
á framfæri, okkur finnst rangt að glæpasamtök
geti nýtt sér frelsið til að níðast á fólki. Svo hljót-
um við að spyrja hvert sé hið boðaða orð? Eru
boðuð mannréttindi, mannúð og friður eða er það
boðskapur haturs og óvildar? Þarna eru landa-
mærin ekki alltaf skýr. En í mannlegri tilveru
verður ekki allt leyst með reglustiku að vopni.
Stundum þarf að beita dómgreindinni. Og hún er
ekki stöðluð.
Erlent áróðursfé
* Þið megið ekkiskapa ykkur slíkayfirburðastöðu gagnvart
okkar trúarbrögðum.
ÚR ÓLÍKUM ÁTTUM
Ögmundur
Jónasson
ogmundur@althingi.is
Vigdís Hauks-
dóttir, þing-
maður Fram-
sóknarflokks og
formaður fjár-
laganefndar, hef-
ur verið dugleg
að birta ljós-
myndir úr hversdagslífinu á Inst-
ragram og virðist samkvæmt þeim
myndum ekki láta veðrið á sig fá. Í
gær birti fyrrverandi blómaskreyt-
irinn mynd af tugum rósavanda.
„Kom við á blómamarkaðnum á
leiðinni heim – í vonda veðrinu
með vor í hjarta,“ skrifaði Vigdís og
bætti við broskalli.
Baráttukonan
Hildur Lillien-
dahl velti vöngum
yfir sjónvarps-
auglýsingu á Fa-
cebook í vikunni:
„Hérna, þið femínistar, (nei, ég
nenni ekki að tala við leiðinlega
tuðandi stráka, sorrí) er ekki þessi
SjónvarpSímansauglýsing um Jónu
sem gerir allt fyrir alla með bros á
vör ekki eitthvað vafasöm?“ skrif-
aði Hildur og bætti síðar við: „Mér
finnst vafasamt að glorifæja of
mikla fórnfýsi.“
Þorsteinn Guðmundsson er
alltaf meinfyndinn á Twitter og
skrifaði í gær í tilefni aðalfréttar
dagsins: „Æ, já, meðan ég man. Ég
skrapp til Brussel og skráði okkur
úr Eurovision. Bara svo þið vitið
það.“ Hann sló í gegn með þessari
færslu sinni, á annað hundrað
manns líkuðu við færslu hans.
Annars ætlar ljósmyndum af
veðrinu sem settar eru á Snapchat
og Instragram aldrei að linna.
Baggalúturinn og textasmiðurinn
Bragi Valdi-
mar Skúla-
son skrifaði á
Twitter: „Þeir
sem ná áhuga-
verðum
snapptjatt-
myndum af
veðrinu mættu
gjarnan senda mér þær allar með
sniðugum fyrirsögnum á bragival-
dimar. #hættiðþessu“
AF NETINU
Vettvangur