Morgunblaðið - Sunnudagur - 15.03.2015, Blaðsíða 17
Í
ris Pétursdóttir sérhæfir sig í því
að mynda aðeins nokkurra daga
gömul börn. Fyrirtækið heitir
Infantia en Íris stofnaði það eft-
ir að hún kláraði sveinsprófið í ljós-
myndun.
Hún segir það virkilega gefandi
að mynda svo lítil börn en til þess
þurfi að huga að ýmsu. „Þetta er al-
veg yndislegt en er rosaleg þolin-
mæðisvinna. Sumar myndatökur
geta tekið allt að fjórar klukku-
stundir og til þess að geta myndað
þau eins og þau eru á myndunum
þurfa þau að sofa vel og til þess að
sofa vel þurfa þau að vera södd og
sæl,“ segir Íris. „Það þarf einnig að
vera hlýtt og notalegt í stúdíóinu.
Það geta nefnilega verið viðbrigði
fyrir börnin að vera ber og því
fylgir gjarnan óöryggi, þess vegna
er mikilvægt að hafa hlýtt, en í
stúdíóinu er 28 stiga hiti. Ég tek því
bara eina ungbarnamyndatöku á
dag því hver myndataka krefst mik-
ils undirbúnings og í svona hita
verða líka allir svo þreyttir,“ segir
Íris og hlær. Þá er einnig mikið um
þvott því litlu börnin spyrja ekki um
stað né stund hvað varðar hægðir.
Íris biður venjulega fólk um að
vera búið að gefa barninu að drekka
vel áður en lagt er af stað í mynda-
tökuna. „Sum þurfa á aukasopa að
halda og þegar þau eru södd og ná
djúpsvefninum þá er hægt að stilla
þeim upp og móta eins og leir,“ seg-
ir Íris og myndirnar koma ein-
staklega vel út.
Mikilvægur tími
Íris segist alltaf hafa haft áhuga á
ljósmyndun og fór að fikta við að
taka myndir þegar hún átti sitt
fyrsta barn árið 2004. „Þegar ég
eignaðist mitt annað barn árið 2007
þá kviknaði áhugi á að mynda ung-
börn og svo hefur þetta bara þróast
hægt og rólega,“ segir Íris. „Þetta
er bara svo ótrúlega dýrmætur tími
og alveg einstakur, sérstaklega
þessir fyrstu dagar eftir fæðinguna
því barnið breytist hratt og mikið
og það er svo mikilvægt að fanga
þetta skeið á mynd. Öll smáatriðin í
útliti barnsins, svipbrigðin en einnig
ástina og tengslin milli nýfædda
barnsins og nýbakaðra foreldr-
anna.“
ÞOLINMÆÐI OG HLÝTT ANDRÚMSLOFT ER LYKILLINN AÐ GÓÐRI MYNDATÖKU
Kúnst að
mynda
ungbörn
Íris Pétursdóttir segir að það þurfi að huga að ýmsum atriðum þegar svo ung börn eru mynduð.
Morgunblaðið/Eggert
ÞAÐ ER GAMAN AÐ EIGA FALLEGAR MYNDIR AF LITLU
UNGUNUM FRÁ FYRSTU DÖGUM Í LÍFI ÞEIRRA. MIKIL-
VÆGUR OG EINSTAKLEGA DÝRMÆTUR TÍMI, SEGIR ÍRIS
PÉTURSDÓTTIR LJÓSMYNDARI, SEM MYNDAR UNGBÖRN.
Gunnþórunn Jónsdóttir gunnthorunn@mbl.is
Fyrstu dagarnir í lífi barns eru dýr-
mætir og gaman að fanga þá á filmu.
er með marga viðskiptavini sem
koma til mín ár eftir ár og jafnvel
oft á ári. Það er alveg ómetanlegt
að hitta sömu fjölskyldurnar aftur
og aftur og fá að fylgjast með börn-
unum vaxa og dafna.“
Íris myndar einnig eldri börn og
segir að það sé algengt að fólk komi
til sín í ungbarnamyndatöku og aft-
ur þegar barnið er í kringum sex
mánaða aldur og svo í kringum eins
árs aldur, sumir jafnvel oftar. „Ég
15.3. 2015 MORGUNBLAÐIÐ SUNNUDAGUR 17
Hvar og hvenær: Fiskislóð 31 úti á Granda, laugardag kl. 12-15.
Nánar: Í tilefni af HönnunarMars verður slegið upp leirsmiðju fyrir krakka
hjá hönnunarteyminu Tulipop. Litríkur leir er á staðnum og einnig verða
kynntar nýjar vörur úr 2015-línu Tulipop sem hannar barnavörur.
Leirsmiðja fyrir krakka
*Ehh, hvað er títt, lagsi?Kalli kanína
María Rut Kristinsdóttir, markaðsstjóri GOmobile, býr í Vesturbæ
Reykjavíkur með unnustu sinni Ingileif Friðriksdóttur, blaða-
manni á Morgunblaðinu, og syni sínum Þorgeir Atla, sjö ára. Litla
fjölskyldan les Harry Potter af krafti saman og nýtur þess að búa
til snjóhús eftir góða snjókomu, enda nóg af hríðarbyljum und-
anfarið.
Þátturinn sem allir geta horft á? Við horfum alltaf saman á Út-
svarið, Ísland got Talent eða Svamp Sveinsson.
Maturinn sem er í uppáhaldi hjá öllum? Við elskum öll kjúkling
og gerum oft kjúklingarétti – en annars vill Þorgeir helst
borða grjónagraut í öll mál.
Skemmtilegast að gera saman? Okkur finnst langbest að kúra öll
saman á föstudagskvöldum, en þau eru heilög kósíkvöld. Á veturna
finnst okkur annars mjög gaman að búa til snjóhús öll saman, spila
(þá er svindlandi mölflugan ofarlega á lista eða veiðimaður) og fara
í bíó. Á sumrin leikum við saman úti, förum í sund og fáum okkur
belgíska vöfflu.
Borðið þið morgunmat saman? Já við reynum að borða alltaf sam-
an á morgnana.
Hvað gerið þið saman heima ykkur til dægrastyttingar? Við les-
um mikið saman, þá sérstaklega Harry Potter, spjöllum og
kúrum. Stundum förum við saman í Play Station og erum þá
aðallega í legoleikjum. Annars er Þorgeir iðinn við að hjálpa
til við eldamennskuna og við pössum mikið upp á að njóta
þess að vera saman.
Er komið plan fyrir sumarið? Í sumar munum við líklega
eyða ómældum tíma á pallinum í nýja húsinu okkar og njóta
veðurblíðunnar við Ægisíðuna. Við munum pottþétt fara
vestur til Flateyrar og austur á Eskifjörð í heimsókn til fjöl-
skyldunnar – svo er aldrei að vita nema við kíkjum saman út
fyrir landsteinana.
Svindlandi mölflugan ofarlega á lista
EFTIRLÆTI FJÖLSKYLDUNNAR
Áttu fullt af græjum sem liggja ótengdar?
Leyfðu okkur að aðstoða!
S: 444 9911 – hjalp@taeknisveitin.is – www.taeknisveitin.is
Tengjum heimabíóið
Setjum upp þráðlaust net
Standsetjum nýju tölvuna
Tengjum saman ólíkar græjur
Sjónvarpsmerki í öll sjónvörpin
Lagnavinna á heimilinu
...og margt, margt fleira!
Hvað gerum við?
TÆKNISVEITIN
til þjónustu reiðubúin!
Við komum til þín, veitum ráðgjöf, setjum tækin
upp, gerum við, leggjum lagnir, tengjum tækin
saman við önnur og fáum allt til að virka.
Svo færðu kennslu líka ef þörf er á því.