Morgunblaðið - Sunnudagur - 15.03.2015, Qupperneq 22

Capoeira er ævaforn brasilísk bardagalist sem er blanda
af dansi, tónlist, loftfimleikum og sjálfsvarnaræfingum og
er ekki síður skemmtileg fyrir börn en fullorðna.
Hér á landi er íþróttin kennd í Capoeira Mandinga-
skólanum en auk þess að læra bardagalistina læra nem-
endur líka ýmislegt um sögulegt og félagslegt samhengi
brasilískrar menningar.
Capoeira er fremur nýtt fyrirbæri fyrir Íslendinga en
skólinn tók til starfa á Íslandi síðastliðið haust og fólki
býðst að fara í tvo fría prufutíma. Nánar má kynna sér
íþróttina á capoeiraiceland.com.
Ein elsta sjálfsvarnaríþrótt heims, ju jitsu, er
kennd hér á landi hjá Ju jitsufélagi Reykjavík-
ur í Sjálfsvarnarskólanum en af ju jitsu hafa
margar aðrar þekktar sjálfsvarnaríþróttir
sprottið, svo sem júdó og aikido. Íþróttin
byggist á spark- og höggtækni, lásum og
köstum og vinna iðkendur sig upp um gráður
með mismunandi litum beltum.
Þar sem íþróttin er stunduð á forsendum
hvers og eins hentar hún öllum aldurshópum
og mismunandi líkamlegu ásigkomulagi en
börn geta lært íþróttina frá átta ára aldri.
Hægt er að koma og prófa eina viku
frítt.
Kóreska bardagalistin
taekwondo hefur verið
kennd víða um land, jafn-
vel á afskekktari stöðum
á sumrin og hjá mörgum
íþróttafélögum, svo að
þá bardagalist sem og
karate er oft auðveldara
að nema en aðrar. Fætur
eru í aðalhlutverki og
snýst íþróttin fyrst og
fremst um sjálfsvörn.
Best er að gúgla til að
skoða hvar námskeið er í
næsta nágrenni.
Japanska bardagaíþróttin aikido
hefur þá sérstöðu að ekki er keppt
í íþróttinni en fáar bardagalistir eru
þannig. Aikikai Reykjavík er meðal
þeirra sem kenna íþróttina en æf-
ingahópum er ekki skipt niður eftir
kyni eða aldri heldur æfa allir sam-
an. Mikið er um köst og lása í
íþróttinni en aldrei neitt sem bygg-
ist á beinum líkamsstyrk og þess
vegna geta ólíkir einstaklingar að
líkamsburðum mæst í aikido þar
sem allt snýst um að beina krafti
andstæðingsins frá sér en ekki
beita eigin krafti á móti.
Hestabogfimi er forn asísk bardagalist sem til dæmis
Bogfimisetrið og Íþróttafélagið Freyja standa fyrir og er
til dæmis boðið upp á helgarnámskeið í reiðhöll Eldhesta
í Ölfusi tvær helgar í apríl.
Íþróttin þykir einkar listræn en hún byggist á jafnvægi milli
þess líkamlega og andlega og að sjálfsögðu á góðu sam-
bandi manns og hests, þar sem þátttakendur læra að
skjóta af boga, fyrst á jörðu niðri og svo af baki. Íþróttin
er heilmikil jafnvægislist og er orðin vinsæl um allan heim.
Karate er hægt að æfa víða
um land, ýmist hjá sérstökum
karatedeildum íþróttafélaga
eða karatefélögum á borð
við Þórshamar og Karate-
félag Reykjavíkur. Karate er
japönsk baradagalist sem er
bæði hægt að iðka sem sjálfs-
vörn og keppnisíþrótt þar
sem meira er um spörk og
kýlingar eða þá bara sen öfl-
uga líkamsrækt. Eins og flest-
ar bardagalistir snúast æfing-
arnar ekki síður um andlega
einbeitingu.
Bardagaíþróttin víkingaþrek 101 er eitt
af fjölmörgum námskeiðum í bardagalist
sem Mjölnir býður upp á. Í víkingaþreki er
unnið með líkamsþyngdaræfingar, ket-
ilbjöllur og bardagaþreksæfingar en mikið
er lagt upp úr réttri líkamsbeitingu við
framkvæmd æfinganna.
BARDAGALISTIR SNÚAST EKKI BARA UM KÝLINGAR OG
SPÖRK HELDUR ERU ÞÆR LÍKA ÆFINGAR Í SJÁLFS-
VÖRN, MIKIL JAFNVÆGISLIST, HUGLEIÐSLUTÆKNI OG
EINBEITING OG OFTAR EN EKKI ERU ÞÆR EINFALD-
LEGA GÓÐ ALLSHERJARLÍKAMSRÆKT.
Júlía Margrét Alexandersdóttir julia@mbl.is
Bardaga-
listir um bæi
og borg
FJÖLBREYTTIR KOSTIR Í BARDAGALIST
H
ér til hliðar er farið yfir nokkrar þær bardagalistir sem
hægt er að læra víða í Reykjavík og sumar þeirra einnig
úti á landi en bæði eru það íþróttafélögin sem standa að
slíkum námskeiðum og líkamsræktarstöðvar sem sérhæfa
sig gjarnan í kennslu í einni bardagalist umfram aðrar.
Listinn hér til hliðar er ekki tæmandi þar sem ótrúlegur fjöldi bar-
dagalista er í boði hérlendis og fólki er bent á að til dæmis er hægt
að læra kick box, muay thai boxing, sem eru taílenskir sparkhnefa-
leikar, og þá hefur Sölvi Tryggvason staðið fyrir námskeiðum í jap-
önskum skylmingum; kendó.
Ekki má þá gleyma hinni fornfrægu bardagaíþrótt júdó sem snýst
fyrst og fremst um að fella og lyfta andstæðingnum á gólfið og yfir-
buga hann. Í íþróttinni finnast ekki spörk eða högg af neinu tagi
en íþróttin reynir þó mikið á og þjálfunin er bæði andleg og
líkamleg.
Þeir sem vilja fara þjóðlegu leiðina geta svo skellt sér
í glímu, sem hefur fylgst okkur í meira en 1000 ár,
íþrótt sem snýst fyrst og fremst um fjölbreytt
fangbrögð.
Heilsa og
hreyfing
Foam flex
*Líkamsræktarstöðvar hér í bæ svo semSporthúsið, JSB líkamsrækt og Hress bjóðaupp á svokallaða Foam flex-tíma sem sjúkra-þjálfarar og kírópraktorar mæla margir með.Í upphituðum sal er notast við rúllur og boltasem þrýst er að líkamanum með hjálp eiginlíkamsþyngdar og líkaminn þannig nuddaður í
bak og fyrir. Æfingarnar vinna á vöðvabólgu,
styrkja bandvefinn og sogæðakerfið.