Morgunblaðið - Sunnudagur - 15.03.2015, Side 32

32 MORGUNBLAÐIÐ SUNNUDAGUR 15.3. 2015
Matur og drykkir
B
ragi Skaftason, vátryggingaráðgjafi hjá Trygg-
ingamiðstöðinni, og Kristjana Ósk Jónsdóttir,
markaðsstjóri Reita, buðu nokkrum vel völd-
um vinum og vandamönnum í dýrindis kvöld-
verð á dögunum. Þau segjast ágætlega iðin við að
halda matarboð og reyna að miða við að fá fólk heim í
kvöldverð a.m.k. einu sinni til tvisvar í mánuði.
Aðspurður hvort skötuhjúin skipti með sér verkum í
eldhúsinu svarar hann því neitandi, þau skipti hins
vegar með sér verkum á heimilinu og fellur eldhúsið
undir hans verkahring. „Ég held að ég hafi sjaldan
hleypt Kristjönu inn í eldhúsið,“ segir Bragi og hlær.
„Sú ákvörðun var bara tekin fljótlega eftir að við tók-
um saman, að ég myndi bara sjá um þennan hluta af
heimilishaldinu. Mjög skýr verkaskipting og góð.“
Bragi hefur mikinn áhuga á matargerð og segir að
líklega hafi áhuginn kviknað þegar hann starfaði á
veitinga- og skemmtistaðnum REX á sínum tíma. „Þá
var ég vaktstjóri. Eldhúsið naut ekki mikilla vinsælda
þrátt fyrir að maturinn væri gríðarlega góður. Það
gerði það að verkum að við höfðum meiri tíma aflögu
frammi í sal til að fylgjast með kokkunum inni í eld-
húsi. Ég held að við höfum, allir sem unnu þarna, lært
alveg gríðarlega mikið af kokkunum. Ég veit í það
minnsta að við erum flestir í dag miklir sælkerar.“
Lætur hugann reika í matvörubúðinni
Bragi segist ekki lesa blogg né bækur til að fá inn-
blástur í matargerð sinni en eigi það þó til að horfa á
matreiðsluþætti á borð við Anthony Bourdain og He-
ston Blumenthal. „Ég reyni einnig að vera duglegur að
fara út að borða og fæ hugmyndir þaðan en svo læt ég
líka hugann reika í matvörubúðunum. Þessa dagana er
ég að hugsa mikið um hráefnisnotkun frekar en ein-
hverjar uppskriftir eða stefnur. Það skiptir máli hvern-
ig við förum með hráefnið, upp á nýtingu og fersk-
leika. Í dag er ég að kaupa mun minni skammta en ég
gerði áður, af kjöti og slíku. Ekki endilega út af pen-
ingum heldur út af nýtingu og bara virðingu við móður
jörð!“ segir Bragi og bætir við að vinkona hans Rakel
Garðarsdóttir eigi þar svolítinn hlut að máli.
Það vildi svo til að húsfrúin á heimilinu átti afmæli daginn eftir boðið. Sumir nýttu því tækifærið og færðu henni gjöf.
HLEYPIR SPÚSU SINNI SJALDAN INN Í ELDHÚSIÐ
Spáir í ferskleika og
nýtingu hráefnisins
BRAGI OG KRISTJANA BUÐU GESTUM SÍNUM UPP Á SMOKKFISK, LAX OG
NAUTALUNDIR. GESTIRNIR ÞEKKTUST EKKI FYRIR EN HÓPURINN VAR SKEMMTI-
LEGUR OG HEPPNAÐIST KVÖLDIÐ AFAR VEL.
Gunnþórunn Jónsdóttir gunnthorunn@mbl.is
Bragi kallar ekki allt
ömmu sína þegar
kemur að handtökum
í eldhúsinu.
Kjötið hitaði Bragi upp með tæki sem nefnist Sous vide. Þá
er kjötið hitað upp í þann hita sem prótínþræðirnir byrja
að losna hver frá öðrum en hitastigið er valið út frá þeim
mat sem á að elda. Að sögn Braga verður maturinn fyrir
vikið fullkomlega eldaður.
Fyrir fjóra
150 - 200 g beinhreinsaður lax.
75 g mangó
10 cm agúrka
½ avókadó
2 litlir vorlaukar
ein msk. sesamolía
safi af hálfri sítrónu
kóríander sneitt á toppinn.
Aðferð Mikilvægt er að nota fersk-
an lax í þennan rétt þar sem hann
er borðaður hrár. Sömu reglur skal
viðhafa og þegar framreitt er sushi.
Fyrst er að sneiða mangó, ag-
úrku, avókadó og vorlauka í litla
bita. Hver biti á ekki að vera stærri
en teiknibóla. Blanda þessu öllu
saman. Gott er að blanda sesam-
olíunni og sítrónusafanum við hér
ef bíða á eftir gestunum.
Laxinn er svo skorinn niður á
sama hátt og grænmetið og honum
blandað saman við.
Diskað upp og borið fram með
kryddjurtum á toppnum. Hér var
kóríander notað ásamt því að
dressing með tahini, ólífuolíu og
hunangi var hringuð utan um rétt-
inn.
Laxatartar