Morgunblaðið - Sunnudagur - 15.03.2015, Síða 38

Snjallúrið frá
Apple mælir
hjartslátt og
hreyfingu
A
pple hefur nú opinberað
að fyrsta snjallúr fyr-
irtækisins, Apple Watch,
sem beðið hefur verið
eftir með mikilli óþreyju, mun
kosta 349 Bandaríkjadollara, eða
um 41 þúsund íslenskar krónur, í
ódýrustu útgáfunni. Stærri útgáfa
mun kosta um 7 þúsund krónum
meira og hægt verður að forpanta
eintök af úrinu í völdum búðum í
Evrópu og Bandaríkjunum frá og
með 10. apríl næstkomandi. Úrið
fer svo í almenna sölu hinn 24. apr-
íl. Þeir sem vilja gera vel við sig og
halda almennilega upp á komu
þessa nýja tækis á markað, geta
reitt fram 10 þúsund dollara, eða
rúma eina milljón króna, fyrir
Apple Watch úr skíragulli.
Forstjóri Apple, Tim Cook, steig
á svið í Yerba Buena Center í San
Francisco á mánudag og sýndi
áhorfendum um víða veröld ýmsa
kosti úrsins og vakti athygli á ýms-
um nýjungum sem það hefur í för
með sér. Þess má geta úrið er
fyrsta nýja varan, sem Apple send-
ir frá sér, síðan stofnandi fyrirtæk-
isins, hinn goðsagnakenndi Steve
Jobs, féll frá haustið 2011. Úrið
mun meðal annars virka sem annar
skjár fyrir iPhone og á skjá þess
verður hægt að kalla fram marg-
víslegar skífur, lesa skilaboð,
hringja og taka við annars konar
tilkynningum. Þá verður jafnframt
hægt að styðjast við ýmiss konar
smáforrit sem snjallsíminn keyrir í
gegnum Bluetooth-tækni. Úrið mun
lúta stjórn smáforrits á iPhone,
sem gerir notendum kleift að
breyta stillingum, hafa áhrif á
hvers konar tilkynningar berast í
úrið, og hvaða forrit eru virk. Þá
geta notendur, líkt og áður sagði,
valið úr ýmsum klukkum til að
prýða skjá úrsins, þar á meðal
mynd af Mikka Mús, þar sem
hendur fígúrunnar gegna hlutverki
klukkuvísa.
Notendur úrsins munu geta
svarað skilaboðum með raddstýr-
ingu – þó væntanlega aðeins á
ensku og öðrum stærri tungum –
eða með því að nota tilbúin svör
sem úrið býður upp á. Apple hefur
hins vegar líka tilkynnt að not-
endur úrsins geti átt samskipti sín
á milli í gegnum úrið á nýstárlegan
hátt, til dæmis með því að fá úr til
þess að hnippa í úlnlið eiganda
síns, eða með því að streyma hjart-
slátt annars notanda í rauntíma á
skjánum.
Hjartariti og hraðamælir
Á bakhlið úrsins er að finna hjarta-
rita, sem skrásetur og fylgist með
hjartslætti notandans daginn inn
og út og tengist beint við smáforrit
Apple sem nefnist Health. Hraða-
mælir mun jafnframt mæla alla
hreyfingu notandans, á svipaðan
hátt og fitness-bönd, og áminna
notendur um að standa upp og
ganga um, hafi þeir setið kyrrir í
langan tíma. Tim Cook varði tölu-
verðum tíma af kynningu sinni í að
varpa ljósi á möguleika úrsins sem
varða heilsu og heilbrigði. Hann
sagði meðal annars að „ekki aðeins
væri Apple Watch fallegur gripur,
heldur væri það þróaðasti tíma-
mælir sem nokkru sinni hefði verið
framleiddur; það er byltingarkennt
hvað varðar tengingu við aðra og
það er jafnframt öflugur félagi og
samherji á sviði heilbrigðis og
heilsu“.
Cook lagði áherslu á að Apple
væri fyrirtæki sem legði sig í líma
við að bæta lífskjör fólks. „Apple
Watch tekur þetta hins vegar
skrefinu lengra. Það fylgist með
hreyfingum þínum og minnir þig
jafnframt á að standa upp og
hreyfa þig ef þú hefur setið of lengi
í senn. Það er eins og að vera með
þjálfara á úlnliðnum.“
Cook benti jafnframt á að þriðju
aðilar gætu hannað sín eigin snjall-
forrit fyrir úrið, þó svo að enn sem
komið er verði þessi forrit að lúta
yfirsjón iPhone-forritsins. „Það er í
raun bara byrjunin, vegna þess að
þú munt geta borgað í gegnum
Apple Pay, skoðað myndirnar þín-
ar, hlustað á tónlistina þína. Þú
getur spurt Siri bara með því að
nota úrið þitt, og einn möguleiki
sem er í uppáhaldi hjá mér er að
þú getur tekið við tilkynningum í
gegnum Apple Watch … svo þú
getur fylgst með uppáhalds-
íþróttaliðinu þínu, tengst sam-
félagsmiðlum, lesið fréttir og svo
framvegis.“
Úrið er afrakstur vinnu að-
alhönnuðar Apple, Sir Jony Ive, og
verður fáanlegt í þremur útgáfum
og tveimur stærðum, með 38 mm
ramma annars vegar og 42 mm
ramma hins vegar. Apple mun jafn-
framt bjóða upp á ýmiss konar ólar
og liti til þess að neytendur geti
fengið úrið sem þeir vilja. Ódýrsta
útgáfan Apple Watch Sport mun,
eins og áður sagði, kosta 349-399
dollara. Sapphire and steel Apple
Watch mun kosta frá 549 dollurum
til 1.099 dollara. Gullúrið sjálft,
Gold Apple Watch Edition, mun
svo kosta 10.000 dollara.
Eins og Android-snjallúrin frá
Google mun Apple Watch ekki búa
yfir eiginleikum farsíma og því
verða að stóla á iPhone upp á teng-
ingu við internetið. Þá mun síminn
jafnframt keyra þyngri forrit til
þess að spara rafhlöðu úrsins, en
samkvæmt upplýsingum frá Apple
má búast við því að rafhlaðan end-
ist í um 18 klukkustundir.
APPLE WATCH-SNJALLÚRSINS HEFUR VERIÐ BEÐIÐ MEÐ
MIKILLI EFTIRVÆNTINGU. ÚRIÐ ER FYRSTA NÝJA VARAN
SEM FYRIRTÆKIÐ SETUR Á MARKAÐ EFTIR DAUÐA STEVE
JOBS. Á MÁNUDAG STIGU FORSVARSMENN FYRIRTÆKISINS
FRAM OG KYNNTU HELSTU NÝJUNGAR ÚRSINS.
Halldór A. Ásgeirsson haa@mbl.is
AFP
Ætlunin er að fara að taka við pöntunum á Apple snjallúrinu frá óþolinmóðum
viðskiptavinum í völdum löndum þann 10. apríl næstkomandi.
Kynningar á nýjungum í
tækniheiminum eru sjaldn-
ast látlausar. Tim Cook sá
um að kynna Apple snjall-
úrið til sögunnar í vikunni.
38 MORGUNBLAÐIÐ SUNNUDAGUR 15.3. 2015
Græjur og tækni
Solar Impulse 2, sólarorkuknúin flugvél sem
stefnt er á að fljúga umhverfis hnöttinn, lauk
í vikunni fyrsta legg sínum þegar hún lenti í
Múskat í Óman eftir 12 klukkustunda flug
frá Abu Dhabi. Næstu fimm mánuði mun
flugvélin ferðast heimshorna á milli.
Umhverfis hnöttinn á sólarafli
Selfie-prikin auvelda til muna sjálfsmyndir
fólks, ekki síst ef ætlunin er að taka hóp-
mynd, og á götum stórborga verða slík
prik nú sífellt algengari. En þau vekja
hins vegar mismikla lukku. Virt söfn í
París hafa nú tekið upp á því að banna
selfie-prik af ótta við að notkun þeirra
muni leiða til skemmda á ómetanlegum
listaverkum. Daily Telegraph sagði frá því
í vikunni að verðir við hallargarðinn í Ver-
sölum rétt fyrir utan París fyrirskipi nú
gestum og gangandi að leggja niður selfie-
prikin. Heimildir herma að blátt bann
verði lagt við notkun selfie-prika á svæð-
inu innan nokkurra vikna. Þá er jafnframt
talið að nýlistasafnið Centre Pompidou ætli
sér að fylgja í sömu fótspor og útskúfa
selfie-prikinu frá sölum safnsins. Á Louvre
er einnig rætt af mikilli alvöru um málið
og þótt ekki hafi bann verið lagt á enn
sem komið er er gestum vinsamlega bent
á að óheimilt sé að beina einhverju að
listaverkunum. Hugsunin á bak við það að
stemma stigu við notkun selfie-priksins er
að koma í veg fyrir að óvarkárir safngest-
ir reki prikin utan í styttur eða ómetanleg
málverk og valdi þannig óafturkræfum
skaða á þeim. Nú þegar hefur notkun sel-
fie-prika verið bönnuð á ýmsum íþrótta-
leikvöngum í Lundúnum og á Smithsonian-
stofnuninni í Washington. Það kann því að
vera að dagar selfie-priksins innandyra
verði senn taldir.
Vernda listina fyrir selfie-prikinu
SELFIE-PRIK VERÐA SÍFELLT ALGENGARI SJÓN OG NUTU MEÐAL ANNARS
MIKILLA VINSÆLDA SEM JÓLAGJAFIR UM SÍÐUSTU JÓL. Á SÖFNUM HEIMS
ER ALGENGT AÐ FÓLK TAKI LJÓSMYNDIR OG SAFNVERÐIR ERU NÚ VÍÐA
ÁHYGGJUFULLIR UM AÐ ÞAÐ SÉ TÍMASPURSMÁL HVENÆR SLÍKT PRIK
VERÐI REKIÐ Í ÓMETANLEGT LISTAVERK FYRIR SLYSNI.
Þessar þrjár stúlkur mynda sig með selfie-
priki, grunlausar um þá ógn og skelfingu sem
það getur kallað yfir tímalausa list.