Morgunblaðið - Sunnudagur - 15.03.2015, Side 49

Morgunblaðið - Sunnudagur - 15.03.2015, Side 49
borg og hér eru margir spennandi listamenn í tónlist, myndlist og kvikmyndum. Það er mikill kraftur hérna, minnir mig dálítið á Reykjavík þótt orkan þar sé alveg sérstök, en hér er mikið af skapandi fólki að gera spennandi hluti.“ Jóhann býr og starfar í Kreuzberg. „Ég er yfirleitt kominn í stúdíóið um tíuleytið,“ seg- ir hann en það er í um tíu mínútna göngu- fjarlægð frá heimili hans. „Þegar ég er að vinna vinn ég yfirleitt langa daga,“ segir Jóhann sem vinnur stund- um tíu til sex og tekur kvöldin í eitthvað annað en kýs oft að hella sér í verkefnin. „Ég kann rosalega vel við það að hella mér í verkefnin og vinna frá tíu um morguninn til tvö eftir miðnætti, fara heim og sofa nokkra tíma og halda svo áfram. Auðvitað er ekki hægt að gera það nema í stuttan tíma í einu en sérstaklega á síðustu metrunum í verk- efnum eru dagarnir oft svona; kannski í tvær vikur í senn býr maður bara í stúdíóinu.“ Honum finnst gott að skipta um umhverfi til að semja og hefur leigt sér kofa í Norm- andí í Frakklandi og á Ítalíu rétt fyrir utan Róm til að dvelja í til að fá hugmyndir og semja tónlist. „Síðan reyni ég líka að búa til tíma til að fara á tónleika, listasöfn og að fara í bíó,“ segir Jóhann sem er mikill kvikmynda- áhugamaður og hefur unun af kvikmynda- hátíðum. Mörg spennandi tilboð En hefurðu tíma fyrir persónulegt líf? „Maður finnur sér alltaf tíma fyrir það. Mér finnst ég vera á stað í lífinu þar sem vinna er mjög mikilvæg, hún er stór þáttur af lífinu núna og fókusinn er mikið þar. En auðvitað finnur maður tíma fyrir fjölskyld- una og fólkið í kringum mann sem manni þykir vænt um. En ég held að það viti það allt að vinnan er mjög mikilvæg og ég er mjög heppinn með það að fólkið í kringum mig lætur þetta eftir mér,“ segir Jóhann. Hann reynir að sinna kvikmyndatónlistinni og sínum eigin verkefnum jöfnum höndum. „Það er mjög freistandi að hella sér alveg í kvikmyndatónlistina. Það er alveg nóg af til- boðum, mjög spennandi tilboðum, verkefnum sem eru heillandi og freistandi á alla vegu en mér finnst mjög mikilvægt að halda jafnvægi á milli kvikmyndaverkanna og minna eigin og reyni að halda þeim hlutföllum nokkuð jöfnum þótt ég viti ekki hvort ég get alltaf staðið við það.“ Eins og áður segir fer í gang í vor vinna við þriðju myndina sem hann gerir með Den- is Villeneuve. „Þetta er spennandi verkefni. Mynd sem heitir Story of Your Life,“ segir hann en þetta er vísindatryllir með Amy Adams og Jeremy Renner í aðalhlutverkum. „Amy Adams er tungumálasérfræðingur sem er fenginn til að vera túlkur í samskiptum við verur frá geimnum sem lenda á jörðinni.“ Mikill Reykjavíkurmaður Úr geimnum til Íslands, átt þú uppáhalds- stað á Íslandi? „Ég kann rosalega vel við mig í Reykja- vík. Ég hef gert dálítið af því að fá lánuð stúdíó hjá vinum mínum þegar ég kem til landsins og öll mín fullorðinsár búið í 101 eða Vesturbænum á meðan ég bjó á Íslandi. Ég er mikill Reykjavíkurmaður.“ Hann fær innblástur frá iðandi borgarlífi. Í Kaupmannahöfn bjó hann á Istedgade og var með stúdíó í Kødbyen. „Þar var mikið mannlíf og eins hér í Berlín en ég er á Or- anienstraße, sem er lífleg gata. Ég kann vel við að vera í svona umhverfi. Ég þarf ekki einhverja ídyllíska fegurð í kringum mig til að búa til tónlist. Ég kann betur við að finna fyrir lífi þegar ég er að labba heim klukkan þrjú að nóttu.“ Næst á dagskrá er önnur stórborg en Jóhann er á leiðinni til New York til að frumflytja verk fyrir kór og strengjakvar- tett. Verkið heitir Drone Mass og verður flutningurinn í Metropolitan Museum of Art þriðjudaginn 17. mars. „Þetta er mjög spennandi ungur kór sem heitir Roomful of Teeth og fékk Grammy-verðlaun á síðasta ári og strengjakvartettinn ACME, Americ- an Contemporary Music Ensamble, sem er mjög spennandi hópur líka. Sem tónskáld er maður háður flytjendunum, flutning- urinn verður að vera góður og stór hluti af því er að finna rétta fólkið til að vinna með, flytjendur sem eru opnir fyrir hug- myndum. Það getur verið erfitt að finna fólk sem er á sama reki og þú sem tón- skáld. Ég hef verið heppinn og maður þró- ar smám saman með sér nef fyrir því að finna fólk sem er gott að vinna með og hef- ur tilfinningu fyrir því sem maður er að gera.“ Hann játar því að það sé mikið haft sam- band við hann þessa dagana og er hann bókaður á nokkra fundi í New York. „Jú, það er mikið af tilboðum núna og alls kon- ar hlutir eru að detta inn en ég var í raun- inni búinn að ráðstafa árinu áður en til- nefningarnar og verðlaunin komu til sögunnar. Það er fullt af spennandi verk- efnum í boði, sem maður getur því miður ekki tekið að sér. Það hefur lengi verið nóg að gera hjá mér, það er ekkert nýtt, það hefur verið brjálað að gera hjá mér í tíu ár. En það sem breytist með þessum verð- launum er að maður getur valið úr fleiri og stærri verkefnum.“ Í snjókomunni í Reykjavík vaknar ein spurning að lokum: Er komið vor í Berlín? „Það kom bara í gær! Þetta er ekki búinn að vera kaldur vetur, frekar mildur, en í gær kom allt í einu þessi fallegi vordagur, hlýtt og sólbjart,“ sagði Jóhann í upphafi vikunnar og sólargeislarnir teygja sig vonandi bráðum norður til okkar á Íslandi. Jóhann (lengst til hægri) var um skeið meðlimur í hinni goðsagna- kenndu og kraftmiklu rokkhljómsveit HAM. Hörður Bragason og Jóhann á sviði með Orgelkvartettinum Apparati í Klink og Bank árið 2004. Morgunblaðið/Kristinn Lhooq: Sara Guðmundsdóttir, Pétur Hallgrímsson og Jóhann á tíunda áratuginum. Daisy Hill Puppy Farm: Frá vinstri, Stefán Marteinsson, Ólafur Gíslason og Jóhann. Það má geta þess að Dagur Kári var meðlimur í hljómsveitinni um tíma. * Þegar best læturverður kvikmynda-tónlist hálfgerður karakter í myndinni. Kommentar á og undirstrikar söguna, tilfinningar og blæbrigði. Á sama hátt má hún ekki segja það sama og er að gerast á skerminum 15.3. 2015 MORGUNBLAÐIÐ SUNNUDAGUR 49 Foreldrar Jóhanns eru Jóhann Gunnarsson og Edda Þorkels- dóttir. Þau eru bæði á eftirlaunum núna og eru búsett í Hvera- gerði. Móðir hans var lengi húsmóðir en starfaði einnig á skrif- stofunni hjá Raunvísindastofnun Háskóla Íslands. Faðir hans starfaði hjá IBM, bæði á Íslandi og í Frakklandi, en var síðar for- stöðumaður Reiknistofnunar Háskólans og vann einnig hjá fjár- málaráðuneytinu. „Hann vann við fyrstu tölvuna sem kom til Íslands sem var líka kveikjan að verki sem ég gerði fyrir um tíu árum sem heitir IBM 1401 – A User’s Manual og var þriðja sólóplatan mín. Hún var byggð á upptökum á tónlist sem hann bjó til ásamt kollegum sínum á þessa fyrstu tölvu sem kom til Íslands á sjöunda ára- tugnum. Það var gerð upptaka af þessum hljóðum þegar tölvan var tekin úr umferð árið 1971 við hálfgerða kveðjuathöfn. Þeg- ar hann sagði mér frá þessum upptökum fannst mér þetta mjög áhugavert. Þetta er eitt af fyrstu dæmunum um tölvugerða tón- list á Íslandi ef ekki á öllum Norðurlöndunum,“ segir hann. „Við erum á kafi í tölvuöldinni núna og hún virðist vera að gleypa okkur. Þetta voru aðrir tímar og saklausari þegar þessar fyrstu fjöldaframleiddu tölvur voru að koma fram. Þetta er ein- hver svona nostalgía og requiem fyrir heim sem við þekkjum ekki lengur en byggjum á.“ Jóhann er núna með nýtt verkefni í gangi varðandi IBM 1401. „Við komumst í samband við menn sem hafa verið að endur- byggja og gera upp tvær IBM 1401-tölvur í Kísildalnum í Computer History Museum í Mountain View í Kaliforníu. Ég ætla að semja nýja tónlist fyrir þessar uppgerðu tölvur og við erum líka að vinna að kvikmynd sem við ætlum að gera byggða á þessari forsögu tölvunnar og tölvunarfræðinnar. Það þarf að hlúa að þessari arfleifð. Núna lítum við á tölvur sem frekar ein- nota fyrirbæri, sem úreldist mjög fljótt. En þarna eru karlar á eftirlaunaaldri að gera upp tölvur frá 1965. Þær eru í raun gagnslausar í dag og tækið sem við erum öll með í vasanum er milljón sinnum öflugra en þessi tölva, en það er einhver ljóð- ræna í þessu sem mér finnst heillandi.“ ENDURBYGGÐ OG UPPGERÐ IBM 1401 Nýtt verk á gamla tölvu

x

Morgunblaðið - Sunnudagur

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Morgunblaðið - Sunnudagur
https://timarit.is/publication/1078

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.