Morgunblaðið - Sunnudagur - 15.03.2015, Blaðsíða 52

Fótbolti
52 MORGUNBLAÐIÐ SUNNUDAGUR 15.3. 2015
Óútreiknanlegur, hvatvís og ófyr-irleitinn. Hann missir næraldrei marks – og eirir engu.
Lífssýnin er einföld: Dreptu eða vertu
drepinn!
Þannig er einni mestu skyttu reyf-
arabókmenntanna, Morgan Kane, lýst.
Lýsing þessi gæti þó alveg eins átt við
nafna hans, Harry Kane, sem farið hef-
ur hamförum með Tottenham Hotspur í
ensku úrvalsdeildinni í knattspyrnu í
vetur. Ekki er vitað til þess að þessir
tveir kappar séu skyldir – enda Morgan
gamli ekki af þessum heimi. Hörðustu
stuðningsmenn Tottenham halda því
raunar örugglega fram að Harry sé það
ekki heldur.
Fáir sparkunnendur höfðu heyrt
Harry Kane getið fyrir ári. Hann hefur
að vísu verið á mála hjá Tottenham í
áratug, frá því hann var ellefu ára, en
aðallega verið í útláni í neðri deildum
fram að þeim tíma. Hjá Leyton Orient í
C-deildinni, Millwall og Leicester City í
B-deildinni og Norwich City í úrvals-
deildinni. Hann stóð sig prýðilega á öll-
um þessum stöðum en náði ekki að
skora í fimm leikjum fyrir Norwich, sem
var stærsta verkefnið.
Í markið eftir þrennu
Kane kom nokkuð óvænt inn í lið Tott-
enham í byrjun apríl á síðasta ári, þegar
útséð var með það að spænska stór-
stjarnan Roberto Soldado, sem keyptur
hafði verið fyrir metfé, 26 milljónir
punda, myndi axla þær byrðar sem hon-
um voru ætlaðar. Kane lét tækifærið sér
ekki úr greipum ganga, skoraði í fyrstu
þremur leikjunum. Lauk tímabilinu með
þrjú mörk í 10 deildarleikjum.
Kane byrjaði yfirstandandi sparktíð
vel, einkum í Evrópudeildinni. Raðaði
þar inn mörkum síðastliðið haust og
gerði meðal annars sína fyrstu þrennu í
5:1-sigri á Asteras Tripoli. Lauk þeim
leik reyndar í marki, eftir að Hugo Llor-
is hafði fengið reisupassann, að öllum
varamönnum notuðum. Og þurfti að
hirða tuðruna úr netinu. Það fór honum
ekki eins vel.
Í nóvember tók Kane síðan til
óspilltra málanna í úrvalsdeildinni og
engin bönd hafa haldið honum síðan.
Sextán eru mörkin orðin nú þegar og
aðeins Diego Costa, Chelsea, og Sergio
Agüero, Manchester City, hafa skorað
meira – 17 hvor. Hörð rimma er fram-
undan um markakóngstitilinn og að
meðteknu núverandi formi er freistandi
að veðja á Kane. Fimmtán ár eru síðan
Englendingur landaði þeim titli, Kevin
Phillips, sem gerði þá 30 mörk fyrir
Sunderland.
Yngsti markakóngurinn?
Kane yrði líka yngsti markakóngurinn í
sögu úrvalsdeildarinnar. Metið á Andy
Cole, sem var 22 ára þegar hann skoraði
34 deildarmörk fyrir Newcastle United
veturinn 1993-94. Christiano Ronaldo
varð 23 ára veturinn sem hann skoraði
31 mark fyrir Manchester United, 2007-
08.
Þegar allar keppnir eru taldar hefur
enginn leikmaður í úrvalsdeildinni skor-
að meira en Kane, 26 mörk í 41 leik.
Það er ótrúlegur árangur á fyrsta heila
tímabili leikmanns í efstu deild.
Einu gildir hvort mótherjinn er á rétt-
um eða röngum enda deildarinnar, Kane
skorar gegn þeim öllum. Frá áramótum
hefur hann skorað í tvígang gegn bæði
Chelsea og Arsenal og einu sinni gegn
Liverpool. Er nema von að gárungarnir
séu farnir að kalla hann Hurri-Kane?
Kane gerði bæði mörk Tottenham í
2:1-sigri á Queen’s Park Rangers um
síðustu helgi. Þar mætti hann öðrum
funheitum framherja, Charlie Austin,
sem gert hefur fimmtán mörk fyrir
drottningarliða í vetur.
Austin jós kollega sinn lofi eftir leik-
inn. „Kane var munurinn á liðunum
tveimur, sjálfstraustið skín af honum.
Hann er kominn með átta mörk í sex
deildarleikjum og þegar maður er í
þannig formi vill maður hafa stutt á milli
leikja. Hann fer fullur sjálfstrausts út á
völlinn og afgreiðir færin sín af miklu
öryggi. Veit að hann mun skora. Slíkt
öryggi hjálpar ekki bara miðherjanum
sjálfum, heldur öllu liðinu,“ sagði Austin
við fréttamenn.
Engir veikleikar
Fleiri hafa mært Kane að undanförnu.
„Ég á í miklu basli með að finna veik-
leika í leik piltsins,“ sagði sparkskýrandi
Match of the Day á BBC, Danny
Murphy, og bætti við að byggja ætti
enska landsliðið í kringum hann.
Alan Shearer, markahæsti leikmað-
urinn í sögu úrvalsdeildarinnar, er líka
aðdáandi Kanes. „Hann virðist vera
fæddur markaskorari. Það sem ég kann
best að meta er að hann er hvergi bang-
inn við að smeygja sér á bak við varn-
armenn, ekki síður en að spila stutt. Fái
hann færi nýtir hann það nær undan-
tekningarlaust. Hann skýtur venjulega
snemma, sem er gaman að sjá. Ekki er
annað að sjá en að framtíðin sé björt.“
Kane hefur einmitt verið líkt við
Shearer og einnig aðra goðsögn, Þjóð-
verjann Jürgen Klinsmann, sem gerði
garðinn frægan hjá Tottenham seint á
síðustu öld. Samlíking sem Kane við-
urkennir að honum sé mjög að skapi.
Kann því líka vel að vera kallaður „gam-
aldags miðherji“.
Með báða fætur á jörðinni
Það er ekki bara leikstíllinn sem fer vel
í sparkvísa, viðhorfið virðist líka vera í
topplagi. „Hann er með báða fætur á
jörðinni. Mjög skynsamur og auðmjúkur
drengur,“ sagði David Pleat, fyrrverandi
knattspyrnustjóri Tottenham.
Og Clive Allen, gamli markakóngurinn
sem þjálfaði Kane í yngri flokkunum hjá
Tottenham, bætir um betur: „Eitt sem
hægt er að segja um hann, sem því mið-
ur á ekki við alla unga knattspyrnu-
menn, er að hann hefur ástríðu fyrir
leiknum. Hann ann knattspyrnu, lifir
fyrir að spila – og skora mörk.“
Er hægt að biðja um meira?
Harry Kane skorar að vild fyrir
Tottenham um þessar mundir.
AFP
Rokkað eins
og Harry Kane
FÁIR HAFA LEIKIÐ BETUR Í ENSKU KNATTSPYRNUNNI Í VETUR EN
HARRY KANE, MIÐHERJI TOTTENHAM HOTSPUR. 21 ÁRS PILTUR
SEM KOM EINS OG SKRATTINN ÚR SAUÐARLEGGNUM. HONUM
VIRÐAST ALLIR VEGIR FÆRIR.
Orri Páll Ormarsson orri@mbl.is
Harry Kane hefur leikið með
öllum yngri landsliðum Eng-
lands en á enn eftir að leika A-
landsleik. Flestir spá því að það
muni breytast síðar í mán-
uðinum þegar landsliðið kemur
saman til að glíma við Ítalíu og
Litháen.
Roy Hodgson lands-
liðseinvaldur hefur að vonum
verið þráspurður um málið og
sagði síðast á dögunum að hann
væri sannarlega með Kane í
þankanum enda væri hann að
raða inn mörkum fyrir sterkt
úrvalsdeildarfélag. Ekkert væri
þó sjálfgefið í þessum efnum.
Til að hleypa Kane inn yrði
hann að henda einhverjum öðr-
um miðherja út úr hópnum.
Wayne Rooney, Daniel Stur-
ridge og Danny Welbeck eru
alltaf öruggir enda þótt enginn
þeirra komist með tærnar þar
sem Kane hefur hælana í
markaskorun í vetur. Rooney
er með tíu deildarmörk fyrir
Manchester United, Welbeck
fjögur fyrir Arsenal og Stur-
ridge þrjú fyrir Liverpool. Sá
síðastnefndi var að vísu lengi frá
vegna meiðsla.
Þá standa eftir Saido Berah-
ino, sem gert hefur tólf mörk
fyrir West Bromwich Albion í
úrvalsdeildinni, og Ricky Lam-
bert, sem varla fær mínútu hjá
Liverpool um þessar mundir.
Það er raunar merkilegt að
enginn af þremur markahæstu
Englendingunum í úrvalsdeild-
inni hefur leikið landsleik. Kane,
Berahino, sem hefur verið í hóp
en ekki ennþá komið inn á, og
Charlie Austin, sem gert hefur
15 mörk fyrir Queen’s Park
Rangers.
Hodgson hefur verið hvattur
til að „negla“ Kane sem fyrst,
að öðrum kosti gæti hann
stefnt skónum annað. Hann er
gjaldgengur í landslið Íra, gegn-
um föður sinn. Á því verður þó
að teljast lítil hætta.
Aldrei leikið landsleik
Saido Berahino er fæddur í Búrúndi en enskur ríkisborgari.
AFP