Morgunblaðið - Sunnudagur - 29.03.2015, Blaðsíða 17
* Einstök augnablik dagsins eru minningar morgundagsins
Erla Björnsdóttir er sálfræðingur og doktor í líf- og læknavísindum
frá Háskóla Íslands. Hún er framkvæmdastjóri Betri svefns og starfar
einnig sem sálfræðingur hjá Sálfræðiráðgjöfinni og sem nýdoktor á Land-
spítala. Erla er gift Hálfdáni Steinþórssyni, framkvæmdastjóra GOmobile,
og saman eiga þau fjóra syni - Steinþór Snæ 11 ára, Björn Diljan 9 ára,
Frosta 5 ára og Bjart eins árs.
Þátturinn sem allir geta horft á? Mig langar ofboðslega að segja Útsvar,
Landinn, Kiljan eða Ísland got talent. En til að vera alveg heiðarleg þá
er það Dr. Phil.
Maturinn sem er í uppáhaldi hjá öllum? Maturinn skiptir ekki mestu
máli heldur er það samverustundin sem gildir. Við leggjum mikið uppúr
því að allir borði kvöldmat saman og þá förum við hringinn þar sem
hver og einn segir frá því skemmtilegasta og leiðinlegasta sem gerst
hefur yfir daginn. Þarna koma oft ótrúlegir hlutir fram og gestir sem
koma í mat þurfa gjarnan að svara krefjandi spurningum um lífið og til-
veruna.
Skemmtilegast að gera saman? Skemmtilegast að gera saman er að
vera saman.
Borðið þið morgunmat saman? Á virkum dögum fá strákarnir hafragraut í skóla og
leikskóla sem er alveg til fyrirmyndar, okkur foreldrunum stendur m.a.s. til boða að
mæta með í hafragrautinn sem er æðislegt. Um helgar leggjum við hins vegar
mjög mikla áherslu á morgunmat með allri fjölskyldunni og er þetta oft uppá-
haldstími dagsins og sitjum við gjarnan saman og spjöllum svo tímunum
skiptir yfir góðgætinu.
Hvað gerið þið saman heima ykkur til dægrastyttingar? Okkur
finnst kósýkvöld æðisleg, popp og góð bíómynd, einnig finnst okkur
gaman að spila saman og svo er ég svo heppin að strákarnir fengu
tónlistargenið frá pabba sínum og því er oft glamrað á gítar og píanó
nágrönnum okkar til mikillar gleði. Þegar þögnin skellur svo á eftir
annasaman dag finnst okkur hjónum dásamlegt að laumast niður í stofu og
fá okkur eitt til tvö rauðvínsglös við kertaljós.
EFTIRLÆTI FJÖLSKYLDUNNAR
Erla
Björnsdóttir
Fjórir strákar fengu
tónlistargen föður síns
Undanfarna sunnudaga hefur KEX
hostel, við Skúlagötu 28, haldið svo-
kallaða „Heimilislega sunnudaga“ þar
sem fjölskyldur og börn geta gert sér
glaðan dag. Þetta hefur vakið mikla
lukku enda verður seint of mikið af
viðburðum sem sérstaklega eru ætl-
aðir fjölskyldum.
Á sunnudaginn verður sérstakt Star
Wars-þema þar sem allir krakkar fá
Star Wars-hárgreiðslu, litasprey í hár
eða Princess Leia-snúða. Þeir sem eiga
einhvers konar Star Wars-búning eru
hvattir til að mæta í honum. Þá verður
einnig hægt að horfa saman á Star
Wars-mynd í Gym & Tonic-salnum á
hostelinu. Fjörið hefst kl. 13.00 og eru
allir velkomnir, enginn aðgangseyrir.
HEIMILISLEGIR SUNNUDAGAR Á KEX
Það verður mikið fjör á Star Wars-samkomunni á KEX. Aðgangur ókeypis.
Megi mátturinn vera
með ykkur
29.3. 2015 MORGUNBLAÐIÐ SUNNUDAGUR 17
Hvar og hvenær? Menningarmiðstöðinni Gerðubergi,
laugardag kl. 14. Nánar: Fjölskyldunni er boðið í
skemmtilegt páskaföndur þar sem gerðir verða fallegar
páskakanínur og páskaungar.
Páskaföndur með fjölskyldunni
Andinn í Aladdín
Áttu fullt af græjum sem liggja ótengdar?
Leyfðu okkur að aðstoða!
S: 444 9911 – hjalp@taeknisveitin.is – www.taeknisveitin.is
Tengjum heimabíóið
Setjum upp þráðlaust net
Standsetjum nýju tölvuna
Tengjum saman ólíkar græjur
Sjónvarpsmerki í öll sjónvörpin
Lagnavinna á heimilinu
...og margt, margt fleira!
Hvað gerum við?
TÆKNISVEITIN
til þjónustu reiðubúin!
Við komum til þín, veitum ráðgjöf, setjum tækin
upp, gerum við, leggjum lagnir, tengjum tækin
saman við önnur og fáum allt til að virka.
Svo færðu kennslu líka ef þörf er á því.
Sápuna frá Dr. Bronner er hægt er að nota í hár, á
líkama, hendur og í andlitið en einnig í uppvaskið
og þvottavélina. „Sápan þvær mjög vel, hvort sem
um er að ræða léttan þvott eða suðuþvott þá er út-
koman engu síðri en með öðru þvottaefni,“ segir
Ösp Viðarsdóttir, næringarþerapisti og starfs-
maður verslunarinnar Mamma veit best en þar
fást vörur Dr. Bronner meðal annars.
Fjölskyldufyrirtækið Dr. Bronner hefur búið til
sápur í háa herrans tíð og er nú rekið af 4. og 5.
kynslóð fjölskyldunnar. Fjölskyldan heldur fast í
upprunaleg gildi sín sem ganga út á það að vörur
séu umhverfisvænar og náttúrulegar.
Sápan er bæði mild fyrir húðina og algjörlega
umhverfisvæn. Hún ertir ekki húðina og hentar
því vel fyrir börn og fólk með húðvandamál. Þegar
sápan er notuð í þvott þarf ekki meira en um það
bil 1-2 msk í fulla vél. Gott er að miða við 1 msk
fyrir léttari þvott og 2 msk fyrir óhreinni þvott,
svo sem borðtuskur og rúmföt.
„Margir nota alltof mikið af þvottaefni. Sápan
frá Dr. Bronner er mjög drjúg og svo er auðvitað
hægt að nota hana einnig í heimilisþrif,“ segir
Ösp. gunnthorunn@mbl.is
GOTT FYRIR VIÐKVÆMA HÚÐ OG FYRIR BÖRN
Drjúg og
náttúruleg sápa
Sápan, sem ætluð er líkamanum, hentar einnig vel í þvottavélina.
Hún er eiturefnalaus og því ekki skaðleg umhverfinu.