Morgunblaðið - Sunnudagur - 29.03.2015, Blaðsíða 20
O
kkur langaði að gera eitthvað nýtt, eitthvað sem sam-
einaði útiveru og upplifun. El Camino var á „Bucket-
listanum“ og ég ákvað að gefa Pétri ferðina, og auð-
vitað félagsskapinn, í fimmtugsafmælisgjöf,“ segir
Aðalheiður Pálmadóttir lyfjafræðingur en hún og eiginmaður
hennar, Pétur Gunnarsson, sem einnig er lyfjafræðingur, fóru
hjólandi Jakobsveginn síðastliðið vor í skipulagðri ferð með ferða-
skrifstofunni Mundo. Jakobsvegurinn er ein þekktasta pílagrímal-
eið í Evrópu og endar í dómkirkjunni í Santiago de Compostela í
Galisíu á Spáni.
Voruð þið miklir hjólagarpar fyrir?
„Nei, alls ekki. Enda litum við hvort á annað þegar við vorum
búin að skrá okkur og hugsuðum bæði: „Hvað erum við eiginlega
búin að koma okkur út í?“ En við æfðum okkur aðeins. Við fórum
í 2-3 tíma hjólaferðir um helgar síðustu tvo mánuði fyrir ferðina.
Við hjóluðum meðal annars um Reykjanes, kringum Reykjavík og
upp í Mosfellsdal. Undirbúningurinn var skemmtilegur og það var
gaman að upplifa þessar leiðir á hjóli,“ segir Pétur.
Þau segja ferðina hafa verið blöndu af líkamlegri áreynslu,
vangaveltum um lífið og tilveruna á hjólum og góðum félagsskap.
„Við reiknuðum með að þetta yrði skemmtilegt en það kom
okkur samt á óvart hversu ánægð við vorum að kvöldi hvers dags
eftir upplifun og átök dagsins.“
Útsýnið af hjólinu var mjög fjölbreytt að þeirra sögn og sérlega
gaman að sjá þennan hluta Spánar. Sagan og menningin hafi líka
leikið stórt hlutverk í upplifuninni.
„Ef við ættum að nefna eitthvað sérstaklega þá var dásamlegt
að koma til Astorga, þegar við hjóluðum inn í bæinn var mark-
aður í fullum gangi og mikil stemning að labba þar í gegn, hótelið
okkar var við torgið með útsýni yfir herlegheitin. Þá var mjög
sérstakt að koma að Cruz de Ferro sem er hæsti punktur leið-
arinnar en þar skildum við eftir tvo steina hvort og slatta af
áhyggjum.“
Þau hlæja og segja að nú sé dvölin í hreinsunareldinum hugs-
anlega eitthvað styttri og þau hafi upplifað hálfgerða alsælu þegar
þau hjóluðu loks inn í Santiago de Compostela eftir tveggja vikna
erfiði. „Við vorum sveitt, skítug en alsæl.“
ERFIÐI, MENNING, SAGA OG LANDSLAG
Upplifðu
alsælu
í lok ferðar
AÐALHEIÐUR PÁLMADÓTTIR OG PÉTUR GUNN-
ARSSON, LYFJAFRÆÐINGAR, HÖFÐU LÍTIÐ HJÓLAÐ
ÞEGAR ÞAU ÁKVÁÐU AÐ SKELLA SÉR Í TVEGGJA
VIKNA HJÓLAFERÐ EFTIR JAKOBSVEGINUM.
Júlía Margrét Alexandersdóttir julia@mbl.is
Allir hjálpuðust að við að framreiða hádegisverðinn sem
samanstóð af ýmsu góðgæti sem Spánn hefur upp á að bjóða.
Pílagrímarnir sem hjóluðu Jakobsveginn með Mundo síðasta sumar stilla sér upp fyrir myndatöku við eina fegurstu rómönsku brú
Spánar, Puente la Reina, eða Drottningarbrúna, í samnefndum bæ, stoltir og glaðir yfir afreki dagsins.
Hjólað meðfram sýprustrjám
fyrir utan Logroño.
Aðalheiður
og Pétur taka
af sér sjálfs-
mynd við
brúna fallegu.
Stundum var hjólað á vegum, stundum á þröngum götum í
litlum fallegum þorpum á leiðinni.
Yndislegt lítið þorp
rétt fyrir utan Burgos
sem hjólað var í gegnum.
20 MORGUNBLAÐIÐ SUNNUDAGUR 29.3. 2015
Ferðalög og flakk