Morgunblaðið - Sunnudagur - 29.03.2015, Blaðsíða 32
32 MORGUNBLAÐIÐ SUNNUDAGUR 29.3. 2015
Matur og drykkir
G
oût de France var fagnað fimmtudaginn 19. mars um víða ver-
öld. Inntak Goût de France er að bjóða upp á það besta úr
frönsku eldhúsi og ferskasta hráefni hvers lands fyrir sig. Rétt
eins og aðrir Frakkar kann Philippe O’Quin, sendiherra
Frakklands á Íslandi, vel að meta það sem kemur úr hinu ótrúlega
franska eldhúsi og það sama á við um Séverine, eiginkonu hans. Hjónin
buðu til sín nokkrum gestum í sendiherrabústaðinn að Skálholtsstíg 6 í
miðbæ Reykjavíkur og þar var boðið upp á sex rétta kvöldverð upp á
franskan máta. Yfirmatreiðslumaður Perlunnar, Stefán Elí Stefánsson, sá
um matreiðsluna en hann er vel kunnugur hinu franska eldhúsi. Sjálfur
vann hann á Le Domaine de Clairefontaine í Frakklandi og skartar sá
staður einni Michelin-stjörnu. Stefán Elí tók sér örstutt hlé frá elda-
mennskunni til að segja blaðamanni frá þeim kræsingum, réttunum sex,
sem á borð voru bornar þetta kvöld í bústað sendiherrans.
„Með kampavíninu verður foie gras og tovio. Annars vegar mjög hefð-
bundið franskt en hitt er svona aðeins komið inn í skandinavískan mat því
þar er komið saman foie gras og rauðrófur,“ segir Stefán Elí um það sem
borið er fram í stofunni með kampavíni áður en borðhald hefst. Í forrétt
er lax og hann lýtur sömu lögmálum í anda Goût de France því hann er
íslenskur en borinn fram á franskan máta. Næsti forréttur er hörpuskel.
„Síðan kemur þorskhnakki með hálfgerðri lauksúpu sem búið er að gela.
Með því er fiskimelódí sem af er smá trufflukeimur. Þar á eftir kemur
lynghæna og það er rétturinn sem ég vann keppnina Taste of France með
fyrir tæpu ári síðan. Lynghænan er fyllt með andarlifur, spínati og hæ-
gelduðum lærum lynghænunnar sem svo er búið að rífa niður og þessu er
blandað saman og sett inn í lynghænuna. Það er einn fugl á mann,“ segir
Stefán Elí. Á eftir aðalréttunum eru bornar fram þrjár tegundir af
frönskum ostum: Klassískur brie með trufflum á milli, geitaostur og rauð-
mygluostur.
Fyrri eftirrétturinn er súkkulaði frá Vahlrona með samblandi af kaffi
og kirsuberjum. Þar eru notaðar tvær tegundir af súkkulaði, annars vegar
dulce þar sem búið er að gera karamellu úr hvítu súkkulaði og hins vegar
mangiare sem er dálítið rammt og tilvalið til að koma jafnvægi á sætleik-
ann. „Síðan verð ég með nokkrar tegundir af konfekti sem við löguðum.
Það eru makónur sem verða sífellt vinsælli hér á landi, pistasíu-canas,
meira súkkulaði og múskatín sem er líka meira súkkulaði, þannig að það
verða hér mikil frönsk áhrif,“ segir Stefán Elí um máltíðina.
Stefán Elí segir að Frakkar séu alla jafna mikið fyrir súkkulaði og að
hægt sé að fá súkkulaði með ýmiss konar „karakter“. „Þú getur fengið
ávaxtaríkt súkkulaði, minna kakó og meiri ávöxt, eða mjólkursúkkulaði
með miklu karamellubragði eða litlu. Það er hægt að velja súkkulaði eftir
karakter,“ segir Stefán Elí Stefánsson, yfirmatreiðslumaður Perlunnar.
Skemmst er frá því að segja að máltíðin var undursamleg og í anda
franskrar matarmenningar voru réttirnir bornir fram á hæfilega löngum
tíma og hvers bita notið í rólegheitum. Smáir réttir, matreiddir af alúð og
virðingu.
Matreiðslumenn-
irnir að störfum.
Vel fór á með gestum og gestgjafa en allir gestirnir hafa tengsl við Frakkland, hver á sinn hátt.
MATARBOÐ HJÁ SENDIHERRA FRAKKLANDS
Sex réttir á
fjórum tímum
Á SAMA TÍMA OG EITT ÞÚSUND MATREIÐSLUMENN MEÐ
ÞÚSUND MISMUNANDI MATSEÐLA TÓKU ÞÁTT Í FRÖNSKU
MATARHÁTÍÐINNI GOÛT DE FRANCE BRÖGÐUÐU GESTIR
SENDIHERRA FRAKKLANDS Á ÞVÍ BESTA.
Malín Brand malin@mbl.is
Þau Friðrika H. Geirsdóttir, Arnaldur IndriðasPhilippe O’Quin hefur gegnt stöðu sendiherra Frakklands á Íslandi síðan í október.
Áður en formlegt borðha