Morgunblaðið - 17.04.2015, Blaðsíða 12
12 FRÉTTIRInnlent
MORGUNBLAÐIÐ FÖSTUDAGUR 17. APRÍL 2015
Að innan frá með Birkisafanum og utanfrá með Birki Scrub og Birki Cellolite olíunni Birki Cellolite olían hjálpar til
við að draga úr og koma í veg fyrir appelsínuhúð* - í samhljómi við mann og náttúru, www.weleda.is
Útsölustaðir Weleda eru apótek og heilsuverslanir um allt land.
Vertu vinur okkar á facebook
www.facebook.com/weledaísland
*Niðurstöður vísindalegra rannsókna (Derma Concept GmbH) Þéttleiki húðarinnar
jókst um 35% eftir 28 daga notkun með Birki Cellolite olíunni og Birkisafanum og
mýkt húðarinnar varð 21% meiri.
Meðhöndlaðu appelsínuhúðina heildrænt
BAKSVIÐ
Baldur Arnarson
baldura@mbl.is
Formenn fimm verkalýðsfélaga og
stjórnarmenn Eflingar segja gjána í
kjaraviðræðunum hafa breikkað eftir
að það spurðist út að stjórn HB
Granda hefði á síðasta aðalfundi
ákveðið að hækka stjórnarlaun fyrir-
tækisins um 33%.
Stjórn Eflingar sendi frá sér álykt-
un vegna málsins þar sem sagði að
ákvörðunin lýsti bæði „taktleysi og
siðleysi gagnvart fólkinu á gólfinu
sem hefur byggt upp HB Granda
með vinnu sinni og aukinni fram-
leiðslu ár eftir ár“. Hún sé „óboðleg“.
„Með þessari ákvörðun hefur
stjórn HB Granda sett alla framvindu
kjarasamningaviðræðna í uppnám.
Efling-stéttarfélag krefst þess að
stjórn HB Granda verði þegar í stað
kölluð saman til að afturkalla þessar
ákvarðanir og taka nýjar sem taka
mið af hagsmunum starfsmanna
fyrirtækisins og þörfum samfélagsins
sem við búum í,“ sagði í ályktuninni.
Ekki náðist í Kristján Loftsson,
stjórnarformann HB Granda. Hann
sagði í samtali við RÚV að stjórnar-
launin hefðu hækkað úr 150 í 200 þús.
Taldi hann „ekkert óhóf“ í þessum
greiðslum sem væru með því minnsta
hjá skráðu félagi í Kauphöllinni.
Hækkun HB Granda gefi tóninn
Í Flóafélögunum eru Verkalýðs-
félagið Hlíf, VSFK og Efling. Um
27.000 félagsmenn eru í félögunum.
Kolbeinn Gunnarsson, formaður
Hlífar, segir hækkun stjórnarlauna
hjá HB Granda hafa hleypt illu blóði í
hans fólk. „Grandamálið hefur haft
þær afleiðingar að við metum stöðuna
nú þannig að fyrirtækin séu að gefa
tóninn um að innistæða sé fyrir við-
bótarhækkunum umfram kröfur okk-
ar. Samtök atvinnulífsins hafa hamr-
að á því að aðeins sé hægt að hækka
laun um 3-4%. Nú er það hins vegar
skilningur okkar fólks að svigrúm
fyrirtækja í kjarasamningum sé
meira en rætt hefur verið um.“
„Það óskar þess enginn að fara í
verkföll en menn jafnvel telja sig
knúna til þess. Maður heyrir það á
félagsmönnum að þegar þeir horfa
fram á misskiptinguna sem er orðin í
landinu að þá sé ekkert annað í boði,“
segir Kolbeinn sem kveðst ekki hafa
séð jafn breiða gjá milli samnings-
aðila í kjaramálum síðan hann hóf af-
skipti af þeim hjá Hlíf árið 1995.
„Misskiptingin hefur að mínu mati
aukist mikið undanfarin ár. Það er
orðinn mikið meiri munur á milli
þeirra sem eru á lægri laununum og
þeim sem eru á hærri launum,“ segir
Kolbeinn sem telur aðspurður að
stéttabarátta sé að hefjast á Íslandi.
„Það stefnir í það og svo virðist
sem unnið sé hörðum höndum að því.
Maður heyrir það á hrokanum sem er
kominn í stjórnendur. Þetta þekkti
maður ekki áður fyrir. Menn komu
sameiginlega að því að ná lendingu og
lausnum. Nú er þessu orðið meira
miðstýrt. Áður var meira hægt að
semja beint við fyrirtækin en nú er
þetta komið í stýringu hjá SA.“
Kjaradeilan að harðna
Gylfi Arnbjörnsson, forseti ASÍ,
segir engin merki um annað en að
deilan í kjaramálum sé að harðna. Að-
ildarfélög ASÍ telji ekki tilefni til að
leita til stjórnvalda. Þar skorti traust.
Gylfi segir merki um að stétta-
skipting á Íslandi sé að aukast.
Þau ummæli Kristjáns Loftssonar,
að hann viti ekki hvað almennir
starfsmenn HB Granda hafi í laun
séu til vitnis um að fólk í efsta lagi
þjóðfélagsins hafi litla hugmynd um
lífsbaráttu almennra launþega.
„Drottningin í Frakklandi spurði
eitt sinn af hverju fólkið sem var að
kvarta yfir hungri fengi sér ekki kök-
ur. Viðhorfið hjá stjórnendum í ís-
lensku samfélagi er orðið jafn veru-
leikafirrt. Þegar Kristján Loftsson
viðurkennir [í samtali við RÚV] að
hann hafi ekki hugmynd um á hvaða
kjörum starfsfólk hans er, undir-
strikar það þá gríðarlegu gjá sem er
að myndast á milli þessara stjórn-
enda og fólks í efra laginu annars
vegar og launafólks hins vegar. Þegar
stjórnarformenn og stjórnarmenn
eru farnir að samþykkja að laun for-
stjóra séu 3-5 milljónir, þá finnst
þeim 200-500 þúsund í stjórnarlaun á
mánuði vera smáræði.
Það að þeir geti ekki áttað sig á
samhengi þeirra launa við þau kjör
sem starfsmenn þeirra, fólkið sem
skapar verðmætin, býr við er ávísun á
langvarandi átök. Ég velti því fyrir
mér hvort skipuleggja ætti námskeið
fyrir þetta fólk um hvernig lífið er hjá
venjulegu fólki. Ég held í alvöru talað
að það sé mikilvægt að huga að því að
þessi aðall, eins og hann telur sig
vera, fái fræðslu um þau kjör sem
þjóðin býr við,“ segir Gylfi sem telur
að yfirstétt sé að verða til á Íslandi.
„Smæð þjóðfélagsins hefur verið
styrkleiki þess. Við höfum deilt kjör-
unum, búið í sömu hverfunum og alist
upp saman. Forystumenn í stjórn-
málum og atvinnulífi hafa alist upp
með almenningi. Þetta er því miður í
vaxandi mæli að breytast. Hér eru
orðin til hverfi og skólar fyrir efna-
fólk og einhvers konar aðskilnaður
sem veldur því að það er ekki lengur
hægt að eiga þessa samræðu.“
Vitni um vaxandi misskiptingu
Formenn verkalýðsfélaga segja 33% hækkun stjórnarlauna hjá HB Granda sem eld á kjaradeiluna
Formaður Hlífar hefur ekki séð jafn breiða gjá í kjaramálum í 20 ár Forseti ASÍ átelur „aðal“
Morgunblaðið/Ernir
Fiskvinnsla HB Granda Hækkun stjórnarlauna hjá HB Granda um 33% hefur víða verið gagnrýnd.
Hilmar Harðarson, formaður
Samiðnar, segir hækkunina hjá
HB Granda mælast illa fyrir.
Líkur á því að deilan fari til
ríkissáttasemjara fari vaxandi.
Finnbjörn A. Hermannsson,
formaður Byggiðnar, tekur í
sama streng. „Þetta útspil
skerðir möguleikann á því að
menn nái saman með öðrum
hætti en að menn sæki ýtrustu
kröfur, enda ná kröfur okkar
ekki einu sinni upp í þá hækkun
sem Grandi býður sínum
stjórnarmönnum.“
Björn Snæbjörnsson, formað-
ur Starfsgreinasambandsins,
SGS, segir hækkkuna „hljóta að
verða viðmið um kauphækkanir
í fiskvinnslunni“.
Hækkunin
verði viðmið
SÝN FORMANNS SGS
Þorsteinn Víg-
lundsson, fram-
kvæmdastjóri
Samtaka at-
vinnulífsins, seg-
ir samtökin hafa
lagt á það ríka
áherslu að
breyta vinnu-
brögðum við
gerð kjarasamn-
inga, að byggt
skuli á hófsömum launahækkunum
sem skili meiri árangri við að
byggja upp kaupmátt.
„Það gefur auga leið að stjórn-
endur og þar með stjórnir verða að
ganga á undan með góðu fordæmi.
Nú er það reyndar svo að í tilfelli
HB Granda er það fyrirtæki að
koma inn á markað og er nú í fyrsta
skipti verið að taka ákvörðun í
skráðu fyrirtæki, þar sem vissulega
eru auknar kröfur til stjórnar-
manna. Þrátt fyrir þessa miklu
hækkun eru stjórnarlaun þar klár-
lega í lægri endanum og með því
lægsta sem gerist hjá skráðum
fyrirtækjum. Það er að sama skapi
ljóst að þetta hefur hleypt illu blóði
í viðræður,“ segir Þorsteinn.
Sigmundur Davíð Gunnlaugsson
forsætisráðherra sagði á Alþingi í
gær það vera „óæskilegt“ og „af-
leitt“ að farið sé í „tugprósenta
hækkun, til dæmis á stjórnar-
launum“, líkt og ýmis dæmi væru
um að undanförnu.
Þorsteinn
Víglundsson
Stjórnendur fyrir-
tækja gangi á undan
með góðu fordæmi
Kolbeinn
Gunnarsson
Gylfi
Arnbjörnsson