Morgunblaðið - 17.04.2015, Blaðsíða 38

Silja Björk Huldudóttir
silja@mbl.is
„Ég hygg að hvar sem Þorvaldur er
staddur þá muni það gleðja hans
hjarta að heyra þessi lög flutt. Hann
þekkir okkur Skúla og er ánægður
með okkur,“ segir Megas sem mun
ásamt Skúla Sverrissyni og hljóm-
sveit frumflytja í heild sinni Ósóma-
ljóð Þorvaldar Þorsteinssonar á 29.
Listahátíð í Reykjavík í Gamla bíói
þriðjudaginn 26. maí kl. 20.
Varð strax heillaður
Að sögn Megasar eru nokkur ár
síðan hann komst fyrst í kynni við lög
Þorvaldar sem sá síðarnefndi samdi á
námsárum sínum í Hollandi undir lok
níunda áratugar síðustu aldar. Þor-
valdur fór á þeim tíma í hljóðver
ásamt nokkrum hljóðfæraleikurum
og tók upp átta lög sem hann hafði
samið. Sjálfur söng hann textana.
Þessar upptökur lágu ónýttar þar til
fyrir nokkrum árum að Þorvaldur
leyfði Megasi að heyra þær.
„Ég heyrði demódiskinn stuttu áð-
ur en hann dó og varð strax heillaður,
því hann var skemmtilegur músík-
ant,“ segir Megas og rifjar upp að
Þorvaldur hafi leyft fáum öðrum að
heyra tónlist sína. „Í jarðarför Þor-
valdar var eitt laga hans flutt undir
stjórn Skúla Sverrissonar. Um svip-
að leyti fengum við Skúli báðir þá
hugmynd að gaman væri að safna
saman lögum Þorvaldar og taka þau
upp, því hans eigin demóupptökur
liðu fyrir tæknilega vankanta og eru
því ekki markaðsvænar,“ segir Meg-
as og tekur fram að í flutningnum
verði í einu og öllu farið eftir hug-
myndum Þorvaldar um útfærslu lag-
anna.
„Í ljóðunum tala ímyndaðar per-
sónur sem þusast út í lífið og sam-
félagið. Þau eru eins og litlir leik-
þættir og í þeim má greina kjarnann
að mörgu sem Þorvaldur átti seinna
eftir að láta frá sér fara. Þar má einn-
ig heyra hvernig Þorvaldur hafði
strax fundið sinn beitta stíl meðan
hann var enn í námi og þau eru mikil-
væg viðbót við höfundarverk hans
sem spannar tugi bóka og leikrita,
auk allra myndlistarsýninganna,“
segir m.a. í tilkynningu frá Listahátíð
í Reykjavík.
Fæddur með tónlistargáfu
„Þorvaldur var fyrst og fremst
myndlistarmaður og textagerðar-
maður. Ég hugsa að hann hafi ekki
ræktað mikið tónlistarmanninn í
sjálfum sér, en það sem eftir hann
liggur á tónlistarsviðinu lýsir mjög
vel mikilli gáfu á því sviði. Hann bjó
óvart til músík og sú er góð, svo
hann hefur greinilega verið fæddur
með ákveðna tónlistargáfu. Þessi
lög eru öll afskaplega lífleg,“ segir
Megas og bætir við: „Ég lenti sjálf-
ur í því að gera lög við einhverja af
þessum textum vitandi ekki af því
að hann hefði sjálfur gert lög við
þau. Hans lög voru hressari heldur
en mín,“ segir Megas en hann samdi
tónlist við texta Þorvaldar í leikriti
hans Lífið – notkunarreglur og
komu fimm af þeim lögum út á plöt-
unni (Hugboð um) vandræði árið
2011.
Aðspurður hvort til standi að gefa
tónlist Þorvaldar út segir Megas
menn hafa mikinn áhuga á því. „Við
munum a.m.k. taka tónlistina upp á
tónleikunum í Gamla bíói, en svo
verðum við að sjá til með útgáfuna
enda virðist útgáfustarfsemin vera
að lognast út af hér á Íslandi.“
Þess má geta að miðasala á tón-
leikana hefst í hádeginu í dag á
vefnum listahatid.is.
„Muni gleðja hans hjarta“
 Ósómaljóð Þorvaldar Þorsteinssonar frumflutt í heild sinni á Listahátíð í Reykjavík í maí
Morgunblaðið/Einar Falur
Megas Magnús Þór Jónsson.
Morgunblaðið/Heiddi
Stjórnandi Skúli Sverrisson.
Morgunblaðið/Kristinn Ingvarsson
Skáld Þorvaldur Þorsteinsson.
38 MENNING
MORGUNBLAÐIÐ FÖSTUDAGUR 17. APRÍL 2015
Helgi Snær Sigurðsson
helgisnaer@mbl.is
Haraldur V. Sveinbjörnsson gaf ný-
verið út sólóplötuna Shine undir
listamannsnafninu Red Barnett og í
kvöld kl. 21 heldur hann útgáfu-
tónleika í Fríkirkjunni, á 40 ára af-
mælisdegi sínum.
Haraldur hefur komið víða við í
tónlistarlífi landsins á undanförnum
árum. Hann útsetti m.a. tónlist Skál-
maldar fyrir Sinfóníuhljómsveit Ís-
lands sem flutt
var á tónleikum
sveitanna og
þriggja kóra í
Eldborg í lok
nóvember 2013
en þeir hlutu Ís-
lensku tónlist-
arverðlaunin í ár sem tónlistar-
viðburður ársins. Þá hefur Haraldur
útsett tónlist Gunnars Þórðarsonar,
tónlist Pink Floyd fyrir heiðurs-
tónleika Dúndurfrétta og tónlist
Páls Óskars fyrir tónleka hans með
Sinfóníuhljómsveit Íslands. Har-
aldur lærði klassískar tónsmíðar og
vakti fyrst athygli sem gítarleikari
og aðallagasmiður gruggsveitar-
innar Dead Sea Apple. Hann er ann-
ar tveggja söngvara hljómsveitar-
innar Menn ársins og að auki
bassaleikari hljómsveitarinnar Buff.
Þá hefur hann komið reglulega fram
með Dúndurfréttum og Skálmöld
sem hljómborðsleikari og unnið með
fjölda tónlistarmanna, íslenskum
sem erlendum og útsett fyrir þá.
Tíu ára hugmynd
Og víkur þá sögunni að Red Bar-
nett. Í tilkynningu vegna plötunnar
segir að hugmyndin um að gefa út
sólóplötu undir nafni Red Barnett sé
orðin ríflega tíu ára gömul. Haraldur
er beðinn um frekari skýringar á
því. „Það er nú bara þannig að ég er
búinn að vera svolítið mikið í verk-
efnum með öðrum listamönnum og
maður er svolítið gjarn á að setja sig
í annað sæti þegar kemur að
vinnunni. Það voru fjölmargir að
sparka í rassinn á mér en ég lét
þetta verða kvöld- og helgavinnu,“
segir Haraldur. Hann hafi safnað
lögum til hliðar við önnur verkefni,
lögum sem eiga það sameiginlegt að
vera rólegheitatónlist. „Fyrir tíu ár-
um fékk ég þessa flugu í hausinn að
búa til sólóplötu í kringum þessi lög
sem ég var búinn að gera, undir
þessum formerkjum og það hefur
haldist síðan en ég komst ekkert í að
klára þetta fyrr en núna,“ segir Har-
aldur.
– Tónlistinni er lýst í tilkynningu
sem angurværri rökkurtónlist og að
yrkisefni þín séu lífið og tilveran í
stóra samhenginu.
„Já, það er eins almennt og það
getur orðið. Þetta er í rauninni þessi
mannlega tilvera sem við búum í,“
svarar Haraldur.
Misskilningur
– Hvaðan kemur þetta nafn, Red
Barnett?
„Þetta er byggt á misskilningi
sem varð fyrir mörgum árum, þegar
vinkona mín las vitlaust á penna frá
hjálparsamtökunum Red Barnet í
Danmörku, Björgum barninu. Hún
hélt að þetta væri einhver Red Bar-
nett, einhver suðurríkjamaður sem
hefði merkt sér pennann. Við vorum
að grínast með þetta og ég er vissu-
lega rauðbirkinn þannig að einhvern
veginn þróaðist þetta út í það að ég
varð listamaðurinn Red Barnett og
það hefur haldist í gegnum tíðina,“
segir Haraldur.
– Hvers vegna ákvaðstu að gefa
plötuna út undir því nafni en ekki
þínu rétta nafni?
„Ég hef ennþá smátengingar er-
lendis og þetta er náttúrlega
þrjóska, fyrir það fyrsta. Í kringum
2005 vorum við í Dead Sea Apple
ennþá að spila í útlöndum og ég var
náttúrlega með tengingar þangað út
og ákvað þá að halda mig við ensku
textana og enska heitið,“ segir Har-
aldur. Farið sé að halla undan fæti
hjá geisladiskinum á alþjóðlegum
markaði, tónlist meira eða minna
komin á streymisveitur og því hafi
honum þótt við hæfi að gefa plötuna
út undir heitinu Red Barnett. „Har-
aldur Sveinbjörnsson er svolítið
óþjált nafn úti í hinum stóra heimi,“
bætir Haraldur við.
Átti greiða inni hér og þar
Fjöldi tónlistarmanna lagði Har-
aldi lið við gerð plötunnar og segir
hann að auðvelt hafi verið að fá fólk
til aðstoðar við sig. „Enda var maður
svo sem búinn að koma víða við og
átti greiða inni hér og þar,“ segir
Haraldur kíminn. „Það er strengja-
kvartett þarna og menn sem hleyptu
mér inn í stúdíó gegn greiðum hér
og þar,“ segir hann.
Spurður út í tónleikahald erlendis
segir Haraldur það í skoðun en fyrst
sé að klára útgáfutónleikana og
fagna því að vera orðinn fertugur.
Framhaldið verði skoðað í góðu
tómi. „Maður er ekki að flýta sér þó
að maður sé kominn á þennan ald-
ur.“
Ljósmynd/Mummi Lú
Þúsundþjalasmiður Haraldur hefur komið víða við í tónlist og gefur nú út plötu undir nafninu Red Barnett.
Red Barnet varð Red Barnett
 Haraldur V. Sveinbjörnsson kallar sig Red Barnett og gaf nýlega út sólóplötuna
Shine  Fagnar fertugsafmæli og heldur útgáfutónleika í Fríkirkjunni kvöld
Veronika Geiger opnar sýningu í
Kubbnum, sýningarsal myndlistar-
deildar Listaháskóla Íslands að
Laugarnesvegi 91, í dag kl 15. Sýn-
inguna nefnir hún Imprint. Er þetta
sjötta einkasýningarverkefni meist-
aranema í myndlist á vormisseri
innan sýningaraðarinnar Kveikju-
þræðir. Sýningin er opin 20.-24.
apríl milli kl. 13 og 16.
Veronika Geiger er nemandi á
fyrra ári við alþjóðlega meistara-
námsbraut í myndlist við LHÍ en áð-
ur lauk hún BA námi í myndlist frá
Glasgow School of Art. Sýningar-
röðin Kveikjuþræðir er unnin í
samstarfi við meistaranámsbraut í
listfræði við Háskóla Íslands. Sam-
starfið hefur gefið af sér samræður
milli þessara tveggja nemendahópa
og skrif listfræðinema í tengslum
við sýningarnar.
Imprint í Kubbnum
Einkasýning Veronika Geiger.
Zbigniew Dubik
fiðluleikari, Þór-
unn Ósk Marin-
ósdóttir víólu-
leikari og
Sigurður Bjarki
Gunnarsson
sellóleikari flytja
Strengjatríó í B-
dúr, D. 471 eftir
Schubert og Pí-
anókvartett nr. 1
í g-moll K. 478 eftir Mozart ásamt
Nínu Margréti Grímsdóttur píanó-
leikara í Gerðubergi í dag kl. 12.15
og sunnudaginn 19. apríl kl. 13.15.
Tónleikarnir, sem bera yfir-
skriftina Klassískir hornsteinar,
eru hluti af tónleikaröðinni Klassík
í hádeginu sem Nína Margrét hefur
stýrt frá upphafi eða frá árinu
2008. Tónleikunum er fylgt úr hlaði
með kynningum á verkum og tón-
skáldum. Um er að ræða loka-
tónleikana á þessu misseri, en þráð-
urinn verður tekinn upp að nýju í
haust. Aðgangur er ókeypis.
Klassískir horn-
steinar hljóma
Nína Margrét
Grímsdóttir