Morgunblaðið - 17.04.2015, Blaðsíða 44
FÖSTUDAGUR 17. APRÍL 107. DAGUR ÁRSINS 2015
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 460 ÁSKRIFT 4995 HELGARÁSKRIFT 3120 PDF Á MBL.IS 4420 I-PAD ÁSKRIFT 4420
1. Hvernig getur svona gerst?
2. Hafa rætt við eldri drenginn
3. Margrét Gísladóttir komin á fast
4. Bæjarbúar Tálknafjarðar slegnir
»MEST LESIÐ Á mbl.is
FÓLK Í FRÉTTUM
Hrútar, nýjasta kvikmynd Gríms
Hákonarsonar, hefur verið valin til
keppni í Un Certain Regard-keppni á
kvikmyndahátíðinni í Cannes sem
hefst 13. maí nk. Hátíðin er ein sú
umfangsmesta og virtasta í heim-
inum og verður kvikmyndin heims-
frumsýnd þar. Um 4.000 myndir voru
sendar inn til keppni og aðeins 20
valdar. Leikkonan Isabella Rossellini
verður forseti dómnefndar Un Certa-
in Regard og mun í samvinnu við aðra
dómnefndarmenn velja sigurvegara.
Á meðal þekktra leikstjóra sem hafa
sýnt myndir sínar í Un Certain Reg-
ard eru Gus Van Sant, Sofia Coppola
og Steve McQueen. Un Certain Reg-
ard hluti Cannes-kvikmyndahátíðar-
innar var settur á laggirnar árið 1978
og frá og með árinu 1998 hefur verið
keppt um verðlaunin Prix Un Certain
Regard. Markmiðið með verðlaun-
unum er að gera kvikmyndagerðar-
mönnum, sem hafa gert kvikmyndir
með frumleika og hugrekki að leiðar-
ljósi, hátt undir höfði, m.a. með styrk
til dreifingar á kvikmyndinni í Frakk-
landi, skv. tilkynningu.
Hrútar í Un Certain
Regard í Cannes
Sex stórstjörnur úr heimi drags-
ins halda í kvöld kl. 23 sýningu í
Gamla bíói sem ber titilinn RuPaul’s
Drag Race: Battle Of The Seasons.
Dragdrottningarnar sem taka þátt í
sýningunni eiga það sameiginlegt
að hafa náð langt í raunveru-
leikaþáttunum
RuPaul’s Drag Race
en í þeim keppa
dragdrottningar
sín á milli. Á
myndinni sést
dragdrottningin
Jinkx Monsoon.
Dragdrottningar á
sviði Gamla bíós
Á laugardag og sunnudag Suðlæg átt, 8-13 m/s og súld með
köflum, en þurrt og bjart norðan- og austanlands. Hiti 5 til 14 stig.
Á mánudag Suðlæg átt 8-13 m/s og rigning sunnan- og vest-
anlands, en þurrt að kalla norðaustantil. Lítið eitt svalara.
SPÁ KL. 12.00 Í DAG Suðvestan 10-18 upp úr hádegi og skúrir, en
fer að létta til norðan- og austanlands. Heldur hægari vindur.
VEÐUR
Snæfell úr Stykkishólmi
leikur til úrslita gegn Kefla-
vík um Íslandsmeistaratitil
kvenna í körfuknattleik en
liðið tryggði sér það með
sannfærandi sigri á Grind-
víkingum á útivelli í gær-
kvöld. Snæfell vann þar
með einvígið 3:1 og tekur á
móti Keflavík í fyrsta úr-
slitaleiknum í Stykkishólmi
næsta miðvikudagskvöld.
»2-3
Snæfell og Kefla-
vík í úrslitum
Norma Dögg Róbertsdóttir, úr
Gerplu, náði besta árangri sem kona
hefur náð fyrir Ísland á Evr-
ópumeistaramóti þeg-
ar hún hafnaði í 9.
sæti í stökki í Mont-
pellier í Frakklandi.
Er hún fyrsti vara-
maður inn í úrslitin
sem fram fara á
morgun.
Þar sem alltaf
eru einhverjar líkur
á því að fyrsti vara-
maður endi í úrslit-
um þá mun Norma
undirbúa sig af full-
um krafti fyrir úr-
slitin og mæta í
upphitunina. „Ég
er ennþá á fullu í
æfingum og þarf
að vera til taks.“
»1
Besti árangur á EM og
er til taks fyrir úrslitin
Afturelding og Haukar fögnuðu sigri í
fyrstu leikjunum í undanúrslitum Ol-
ís-deildar karla í handbolta í gær.
Haukar gerðu góða ferð að Hlíðar-
enda og burstuðu deildarmeistarana
í Val, 32:24, og að Varmá höfðu nýlið-
arnir í Aftureldingu betur gegn ÍR-
ingum í miklum baráttuleik, 23:20.
Liðin eigast við öðru sinni á morgun.
»2-3
Haukar og Afturelding
tóku forystu
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Þingeyski karlakórinn Hreimur á 40
ára starfsafmæli um þessar mundir
og af því tilefni var gleðisveitinni
Ljótu hálfvitunum úr sömu sveit
boðið að syngja með kórnum í af-
mælinu, fyrst í félagsheimilinu að
Ýdölum um liðna helgi og síðan í
Háskólabíói á morgun þar sem
sveitirnar endurtaka tónleikana.
„Þetta var ólýsanleg upplifun, al-
gjört æði, og ég hlakka til tón-
leikanna í Háskólabíói,“ segir Haf-
liði Jósteinsson, sem hefur sungið í
kórnum síðan 1988. Hann segir að
karlakórsmenn hafi lært mikið af
gleðisveitinni og hún hafi líka lært
mikið af þeim, „eins og til dæmis
þekktar karlakórsperlur eins og
Hraustir menn og Brennið þið vitar,
þar sem þeir voru forsöngvarar.“
Hafliði leggur áherslu á að það sé
mannbætandi að taka þátt í karla-
kór, menn fari betri heim heldur en
þegar þeir komi, en að syngja með
Ljótu hálfvitunum hafi verið ein-
stakt. „Þessir drengir eru slíkir
snillingar þannig að þarna laust
saman tveimur algerlega ólíkum öfl-
um og úr varð heilmikil orka.“
Blandað efni
Á efnisskránni eru kunn karla-
kórslög í bland við lög Ljótu hálfvit-
anna. Sveitin hefur útsett lög af efn-
isskrá Hreims eftir sínu höfði og
leikur undir hjá kórnum. Þá hafa
nokkur lög Hálfvitanna fengið
karlakórsmeðferð. „Ég lofa góðri
skemmtun og hvet þá sem eiga
möguleika á og kæra sig um að
hlusta á tónlist af þessu tagi að
leggja leið sína í Háskólabíó klukk-
an 15 á laugardag,“ segir Hafliði.
Hafliði segir að stöðug endurnýj-
un sé í kórnum og það sé mjög gleði-
legt. „Ungir menn um 20 til 25 ára
koma í kórinn og breyta hlutunum
mikið,“ segir hann, síungur í anda.
Fyrir tónleikana í Ýdölum var æf-
ing á fimmtudags- og föstudags-
kvöld og eftir æfinguna seinna
kvöldið fór Hafliði beint á veitinga-
staðinn Hvalbak á Húsavík þar sem
hann söng fyrir gesti til klukkan
þrjú um nóttina. Ljótu hálfvitarnir
kalla ekki allt ömmu sína, en þeim
var brugðið þegar þeir sáu kraftinn í
Hafliða og höfðu á orði að hefðu þeir
hálfan mátt hans þegar þeir næðu
sama aldri yrðu þeir himinlifandi.
„Sævar Hálfviti Sigurgeirsson hafði
orð á þessu,“ segir Hafliði. „Þeir
voru á pöbbnum, þegar ég kom.
„Ert þú orðinn brjálaður?“ spurðu
þeir. „Ætlar þú að fara að syngja
hérna í nokkra klukkutíma fram á
nótt eftir allar þessar æfingar og
mæta svo á tónleika og syngja
kvöldið eftir?“ Ég hélt það nú og
þetta var þrusustuð fram á nótt.
Þorgeir Tryggvason Hálfviti
sagði að þetta væri ekki hægt
með svona gamlan mann,
þetta væri þrekvirki. En
samstarfinu er ekki enn lok-
ið.“
„Ert þú orðinn brjálaður?“
Karlakórinn Hreimur og Ljótu hálf-
vitarnir með tónleika í Háskólabíói
Gleði Frá tónleikum Karlakórsins Hreims og Ljótu hálfvitanna að Ýdölum í Aðaldal um liðna helgi. Þeir endurtaka leikinn í Háskólabíói á morgun.
Söngferill Hafliða Jósteins-
sonar, 1. tenórs, spannar um
60 ár, en hann var 15 ára þeg-
ar hann kom fyrst fram opin-
berlega og byrjaði 18 ára í
karlakór á Húsavík. Hann seg-
ir að tíminn með Karlakórnum
Hreimi hafi verið mjög góður
og gefandi. Eins sé skemmti-
legt að koma fram með
Frímanni Sveinssyni á
pöbbum og víðar,
ekki síst á heimilum
aldraðra. „Þetta
er framlag okk-
ar til sam-
félagsins,“
segir
hann.
Söngvari í
sextíu ár
HAFLIÐI JÓSTEINSSON