Morgunblaðið - 24.04.2015, Page 4
4 FRÉTTIRInnlent
MORGUNBLAÐIÐ FÖSTUDAGUR 24. APRÍL 2015
Innréttingar & gólf
Gólfþjónusta Íslands • SÉRHÆFING Í VIÐHALDI GÓLFA
Sími 897 2225 • info@golfthjonustan.is • golfthjonustan.is
Sérsmíðum innréttingar fyrir þig
Andri Steinn Hilmarsson
ash@mbl.is
Magnús Bragason, hótelstjóri á Hót-
el Vestmanneyjum, segir að afbók-
aðar hafi verið 250 gistinætur á hót-
elinu í mars. Hann segir að hann hafi
að vísu gert sér grein fyrir því að það
gæti gerst, en segir það öllu verra að
allt stefni í að fjöldinn verði sá sami í
aprílmánuði en ástæðu afbókananna
má rekja til þess að Landeyjahöfn er
enn lokuð.
Tugmilljóna króna tekjumissir
„Það er daglega verið að afbóka,
erlendir ferðamenn koma ekki. Þeir
vilja ekki koma úr Þorlákshöfn,“ seg-
ir hann og bætir við að eigendur veit-
ingastaða og fyrirtækja í ferðaþjón-
ustu í Vestmannaeyjum hafi látið
hann vita af því að verið sé að afbóka í
gríð og erg hjá þeim. „En núna erum
við komin á þann tíma að traffíkin er
að byrja,“ segir hann og bætir við að
því verði að fara að opna höfnina.
Landeyjahöfn hefur nú verið lokuð
í 152 daga en höfnin var opnuð í fyrra
í byrjun marsmánaðar. 75 manna
hópur frá Reykjavík hafði nýlega lok-
ið við að afbóka gistingu á hótelinu
hjá Magnúsi þegar Morgunblaðið
hafði samband við hann. Hópurinn
átti að dvelja á hótelinu núna um
helgina.
„Þetta hefur ekki bara afleiðingar
fyrir okkur á hótelinu því þessi hópur
hefði farið í búðir og á kaffihúsin og
svona. Það tapa allir hérna á þessu,“
segir hann.
Aðspurður segir hann hótelið hafa
orðið af tugum milljóna vegna gesta
sem hafa afbókað gistingu á undan-
förnum mánuðum. Eins segir hann að
fyrir vorið hafi ríkt mikil bjartsýni
meðal ferðaþjónustufyrirtækja í
Vestmannaeyjum og að bæjarbúar
hafi talið að samgöngurnar ættu bara
eftir að lagast, en ekki að þetta ætti
eftir að versna. „Nú er þetta orðið
hálft ár sem er dottið út,“ segir hann.
Sigurður Gíslason, annar eigandi
Gott veitingahúss í Vestmannaeyjum,
hefur sömu sögu að segja og Magnús.
Hann segir að ef gisting er afbókuð á
gististöðum í Eyjum hafi það neikvæð
áhrif á fyrirtæki og þjónustu sem
starfa við ferðaþjónustu. Þónokkrir
hópar hafa afbókað á veitingastaðn-
um hjá honum í þessum mánuði og
eitthvað inn í maímánuð.
„Það hafa svona átta eða níu 30 til
40 manna hópar afbókað hérna því
þeir hafa ekki komist frá Landeyja-
höfn. Trúin á Landeyjarhöfn er orðin
svo dauf því upplýsingarnar eru litlar,
og svo misvísandi að fólk treystir sér
ekki til að koma hingað með sitt fyr-
irtæki,“ segir Sigurður en það eru að
mestu Íslendingar sem sækja Eyjar
heim á þessum tíma árs.
Fáir erlendir ferðamenn
„Mjög fáir erlendir ferðamenn
koma til Eyja eins og staðan er núna.
Yfir hásumarið er allt fullt hérna en
þú sérð erlenda ferðamenn bara á
stangli hérna yfir vetrartímann út af
samgöngunum,“ segir hann og bætir
við að hann sé í góðu sambandi við
matreiðslumenn í borginni og á Suð-
urlandi þar sem hann fær þau svör að
nóg sé að gera.
Sigurður er bjartsýnn á að það tak-
ist að opna Landeyjahöfn á næstu
dögum og segir hann að bókunar-
staðan sé víðast góð fyrir sumarið.
„Það er greinilega stemning fyrir
Eyjum,“ segir hann.
Ljósmynd/Ómar Garðarsson
Ferð Þau Clara Salducci, Ethel Salducci , Rachel De la Rüe og Théhis de la Rüe frá Frakklandi tóku Herjólf frá Þor-
lákshöfn. Á myndinni eru þau að skrá sig inn á Hótel Vestmannaeyjar hjá Öddu Sigurðardóttur.
Mikið um afbókanir
Ferðaþjónustufyrirtæki í Vestmannaeyjum segja slæmar
samgöngur milli lands og Eyja koma niður á rekstrinum
„Humarveiðarnar fara vel af stað og
það hefur verið fín veiði,“ sagði Þor-
varður Helgason, skipstjóri á Skinn-
ey SF. Þeir voru í gærkvöld í Horna-
fjarðardýpi um 30 sjómílur suður af
Höfn. Þorvarður sagði að hum-
arbátar væru að veiðafrá Hornafjarð-
ardýpi og vestur í Skeiðarárdýpi.
„Menn verða alls staðar varir við
humar og það í ágætu magni.“
Skinney SF byrjaði humarveiðar
12. apríl sl. að lokinni netavertíð. Þor-
varður sagði að veðrið hefði verið
leiðinlegt nær alveg síðan þá. Hann
sagði að sjö bátar væru byrjaðir á
humri, þrír frá Hornafirði, tveir úr
Eyjum og tveir úr Þorlákshöfn.
Landa tíu tonnum í dag
„Humarinn er mjög fallegur,“
sagði Þorvarður. Hann sagði að hum-
arinn hefði verið jafnari að stærð nú
en oft áður, mjög góður millihumar.
Humarinn er hirtur heill og snögg-
kældur og ísaður í krapa sem er undir
frostmarki. Aflinn er því mjög fersk-
ur þegar honum er landað. Skinney
er oft um þrjá sólarhringa að veiðum
og er reynt að landa alltaf á fjórða
degi. Landa átti á Höfn í morgun og
reiknaði Þorvarður með að þeir
myndu landa um tíu tonnum af heil-
um humri. Eftir síðasta túr þar á
undan lönduðu þeir þrettán tonnum.
Skinney SF dregur tvö troll sam-
tímis og er að veiða kvóta sem áður
fyrr var á 10-15 bátum. Tíu menn eru
í áhöfn Skinneyjar SF.
Nú er hrygningarstopp í þorsk-
veiðum og lokað fyrir veiðar út á tólf
mílur. Þorvarður sagði að fiskurinn
væri þar fyrir innan og því sáralítill
meðafli með humrinum.
Humarvinnslan er komin á fullt á
Höfn og var unnið þar í humri í gær,
sumardaginn fyrsta. gudni@mbl.is
Morgunblaðið/Sigurður Bogi
Skinney Dregur tvö humartroll og
humarinn er geymdur í krapa.
Humar-
veiðarnar
byrja vel
Skinney SF landar
tíu tonnum í dag
Fyrstu kríur ársins sáust í Óslandi á Höfn á miðvikudag, tíu fuglar að því
er segir á fuglar.is. Þar segir einnig að líklega sjáist lítið af kríum næstu
daga, en þegar aftur snúi til sunnanáttar sé líklegt að þær sjáist fljótlega
um allt land. Á þriðjudag sást fyrsti spói ársins við Dilksnesholt í Nesjum.
Tíu kríur á flugi á Höfn í Hornarfirði
Framsýn stéttarfélag hefur við-
ræður á morgun við tólf fyrirtæki á
félagssvæði sínu. Þau gætu orðið
fleiri. Fyrirtækin höfðu óskað eftir
viðræðum við Framsýn um nýjan
kjarasamning og áttu viðræður að
hefjast eftir helgina. „Vegna mikils
þrýstings frá fyrirtækjunum hefur
verið ákveðið að hefja viðræðurnar á
laugardaginn. Fyrirtækin sem eiga í
hlut leggja mikið upp úr því að klára
viðræðurnar fyrir 30. apríl þegar
verkfallsaðgerðir hefjast á vegum
aðildarfélaga Starfsgreina-
sambandsins, verði ekki búið að
semja fyrir þann tíma,“ sagði í til-
kynningu Framsýnar.
Fyrirtækin sem um ræðir eru í
ýmsum starfsgreinum, að sögn Að-
alsteins Á. Baldurssonar, formanns
Framsýnar. Þar á meðal eru fyr-
irtæki sem annast vélaviðgerðir, eru
í byggingariðnaði, matvælaiðnaði,
þjónustu, landbúnaði og ferðaþjón-
ustu. „Ef ég kemst um svæðið á
laugardag vegna veðurs þá hefjum
við viðræður. Við erum að skipu-
leggja fundi allan laugardaginn,“
sagði Aðalsteinn. „Við erum með
kröfugerð Starfsgreinasambandsins
um 35 þúsund króna hækkun á
lægstu laun á mánuði. Ég hef sagt
fyrirtækjunum að það sé ekkert
annað í boði. Við erum tilbúnir að
skrifa upp á það.“
Framsýn hefur boðað til félags-
fundar á sunnudag og verður þar
óskað eftir umboði til að ganga frá
kjarasamningum við þau fyrirtæki
sem þess óska. gudni@mbl.is
Framsýn
í viðræður
á morgun
Páll Skúlason, pró-
fessor og fyrrverandi
rektor Háskóla Ís-
lands, lést á Land-
spítalanum við
Hringbraut 22. apríl
sl. á 70. aldursári.
Páll fæddist á Ak-
ureyri 4. júní 1945.
Foreldrar hans voru
Þorbjörg Pálsdóttir
kennari og Skúli
Magnússon kennari.
Hann lauk stúd-
entsprófi frá MA
1965, BA-prófi frá
Université Catholi-
que de Louvain í Belgíu 1967 og
doktorspróf frá sama skóla 1973.
Páll byggði upp kennslu í
heimspeki við HÍ ásamt þeim
Þorsteini Gylfasyni og Mikael
Karlssyni. Hann var lektor í
heimspeki við HÍ 1971-75, pró-
fessor í heimspeki frá 1975 og
rektor Háskóla Íslands 1997-
2005. Páll var þrívegis forseti
heimspekideildar HÍ.
Hann var formaður Félags há-
skólakennara 1983-84. Páll var
einn af stofn-
endum Norrænu
heimspekistofn-
unarinnar, formað-
ur stjórnar Menn-
ingarsjóðs
útvarpsstöðva
1986-90 og í
vísindasiðanefnd
Læknafélags Ís-
lands 1986-95. Páll
var formaður
stjórnar Siðfræði-
stofnunar frá
stofnun hennar
1989 og fram til
1997. Á árunum
1997 til 2001 var Páll formaður
stjórnar Reykjavík menning-
arborg Evrópu árið 2000.
Páll sat í háskólaráði Háskól-
ans í Lúxemborg frá 2004 til
2009. Hann sinnti umfangs-
miklum nefndarstörfum vegna út-
tekta á háskólum á vegum Sam-
taka evrópskra háskóla (EUA)
frá 2005 og hefur verið formaður
alþjóðlegrar nefndar um ytra mat
á Háskólanum í Lúxemborg frá
2007.
Á meðal helstu rita Páls eru
Du cercle et du sujet, dokt-
orsritgerð (1973); Hugsun og
veruleiki (1975); Samræður um
heimspeki, ásamt Brynjólfi
Bjarnasyni og Halldóri Guðjóns-
syni (1987); Pælingar (1987);
Pælingar II (1989); Siðfræði
(1990); Sjö siðfræðilestrar
(1991); Menning og sjálfstæði
(1994); Í skjóli heimspekinnar
(1995); Umhverfing (1998) og
Saga and Philosophy (1999). Síð-
astliðin tvö ár birti hann sex
bækur um háskóla, stjórnmál og
náttúru: Ríkið og rökvísi stjórn-
mála (2013); Náttúrupælingar
(2014); Hugsunin stjórnar heim-
inum (2014); Háskólapælingar
(2014); Veganesti (2015) og A
Critique of Universities (2015).
Auk þess er um þessar mundir
verið að ganga frá tveimur bók-
um Páls til prentunar, Pælingar
III og Merking og tilgangur.
Páll var sæmdur riddarakrossi
Hinnar íslensku fálkaorðu 1999.
Páll kvæntist Auði Þ. Birgis-
dóttur (f. 1945) hinn 14. ágúst
1965 og eignuðust þau þrjú börn.
Andlát
Páll Skúlason, fyrrverandi rektor HÍ
Ríkissáttasemjari boðaði fulltrúa
Starfsgreinasambandsins (SGS) og
Samtaka atvinnulífsins (SA) á fund
sem stóð frá klukkan 10 til 12 í gær-
morgun. Það var fyrsti fundurinn
eftir að félagar í SGS samþykktu
verkfallsboðun í atkvæðagreiðslu
sem lauk á mánudag.
Björn Snæbjörnsson, formaður
SGS, sagði að menn hefðu rætt mál-
in en ekkert stórkostlegt gerst.
Ríkissáttasemjari varpaði fram
hugmynd um að koma á fót tveimur
starfshópum til að skoða ýmis mál,
starfsmenntun og fleira.
Allsherjar tólf klukkustunda
löng vinnustöðvun SGS á að hefjast
á hádegi 30. apríl nk. gudni@mbl.is
Tveir starfshópar til
að skoða ýmis mál