Morgunblaðið - Sunnudagur - 05.04.2015, Blaðsíða 25

Roger Milla, elsti markaskorari á HM.
Eins og fram hefur komið er Eiður
Smári fjórði elsti markaskorarinn í
sögu undankeppni EM. Fyrir ofan
hann eru Krasimir Balakov, sem var
36 ára og 201 dags gamall þegar
hann skoraði beint úr aukaspyrnu í
sigri Búlgaríu á Andorra árið 2002;
John Aldridge, sem var 37 ára og 23
daga gamall þegar hann skoraði úr
vítaspyrnu fyrir Íra gegn Lettum
1995 og Jari Litmanen, sem var 39
ára og 270 daga gamall þegar hann
gerði eitt af átta mörkum Finna í
sigri á San Marínó árið 2010. Ólseig-
ur miðherji Litmanen og vel að
þessu meti kominn.
Eiður Smári má skerpa skotskóna
lengi enn ætli hann að slá heims-
metið. Elsti leikmaðurinn til að
skora í landsleik í knattspyrnu er
Walesverjinn Billy Meredith sem var
hvorki meira né minna en 45 ára og
73 daga gamall þegar hann skoraði
gegn Englendingum árið 1919.
Meredith þessi er ein af fyrstu
stjörnum knattspyrnunnar en á
löngum ferli lék hann fyrir bæði
Manchester-liðin. Hann var óvenju
slitgóður leikmaður – rétt óorðinn
fimmtugur þegar hann lagði skóna á
hilluna. Meredith er elstur allra í
sögu þessara tveggja stórliða og
velska landsliðsins. Var að verða 47
ára þegar hann kvaddi United.
Meredith kunni best við sig á hægri
kantinum og hafði þann óvenjulega
sið að kjammsa alltaf á tannstöngli í
leikjum. Bragð fyrir lengra komna.
Í fjórða sæti á þessum ágæta lista,
yfir elstu markaskorara landsliðs-
sögunnar er Kamerúninn knái Ro-
ger Milla. Hann var orðinn 42 ára og
39 daga gamall þegar hann klóraði í
bakkann gegn Rússum í leik liðanna í
lokakeppni HM 1994. Eldri maður
hefur ekki skorað í lokakeppni þess
ágæta móts.
Dugði til fimmtugs
Tveimur sætum neðar á listanum er
enn ein goðsögnin, Stanley Matt-
hews, sem orðinn var 41 árs og 248
daga gamall þegar hann skoraði fyrir
England gegn Norður-Írum haustið
1956. Eins og Meredith dugði Matt-
hews til fimmtugs með félagsliði
sínu, Stoke City. Hann er elsti leik-
maðurinn í sögu efstu deildar í Eng-
landi, eins landsliðsins. Engin tilviljun
að Matthews sé eini maðurinn til að
verða aðlaður meðan hann var enn
að leika knattspyrnu.
Alls hafa níu leikmenn gert lands-
liðsmark komnir yfir fertugt. Það
hlýtur að vera freistandi fyrir Eið
Smára að reyna að troða sér inn á
þann virðulega lista.
Knattspyrnumenn, markaskor-
arar og aðrir endast almennt betur í
seinni tíð og téður listi yfir tíu elstu
markahróka sögunnar rennir stoð-
um undir það. Fimm af þessum tíu
skoruðu lokamörk sín eftir alda-
mótin 2000 og sjö eftir 1990. Það
eru aðeins Meredith, Matthews og
Fung King-Cheung frá Hong Kong
sem eru eldri. Sá síðastnefndi var
síðast á skotskónum fyrir landslið
sitt á því herrans ári 1948.
Elsti markaskorarinn 45 ára
Billy Meredith, elsti markaskorari í
landsleik. Var orðinn 45 ára gamall.
Jari Litmanen, elstur til að skora í undankeppni EM.
Eiður Smári Guðjohnsen
stefnir ótrauður að því að
leika með íslenska landsliðinu
í lokakeppni EM í Frakklandi
að rúmu ári liðnu, að því
gefnu að liðið komist þangað.
Hann yrði þá 37 ára og níu
mánaða gamall.
Nokkur dæmi eru um að
eldri leikmenn hafi tekið þátt í
lokakeppni EM eða HM.
Frægasta dæmið er líklega
Dino Zoff, sem var fyrirliði
Ítala þegar þeir urðu heims-
meistarar á Spáni sumarið
1982. Hann var þá nýorðinn
fertugur og elsti maðurinn í
sögunni til að verða heims-
meistari í knattspyrnu.
Elsti Evrópumeistarinn er
Arnold Mühren sem var 37
ára þegar hann var í lykilhlut-
verki í liði Hollands sem varð
Evrópumeistari í Vestur-
Þýskalandi sumarið 1988. Átti
meðal annars sendinguna á
Marco van Basten í markinu
fræga í úrslitaleiknum gegn
Sovétmönnum. Synd væri þó
að segja að hann hafi lagt upp
dauðafæri.
Dino Zoff er í fimmta sæti
yfir elstu leikmenn HM-
sögunnar. Efstur á blaði er
markvörðurinn Faryd
Mondragon sem var hvorki
meira né minna en 43 ára
þegar hann lék fyrir Kólumbíu
í lokakeppni HM í Brasilíu í
fyrra. Hann skákaði þar með
Kamerúnanum Roger Milla
sem var 42 ára á HM 1994 og
er þar með elsti útileikmað-
urinn. Norður-Írinn Pat Jenn-
ings var 41 árs í Mexíkó 1986
og Englendingurinn Peter Shil-
ton 40 ára á Ítalíu 1990.
Elsti leikmaðurinn í sögu
EM er Þjóðverjinn Lothar
Matthäus, sem var 39 ára árið
2000. Annar Þjóðverji, Jens
Lehmann, var 38 ára á EM
2008.
Þarna er mögulega met
sem Eiður Smári gæti slegið,
hann yrði 41 árs á EM 2020
sem fram fer í þrettán lönd-
um.
Lothar Matthäus, elstur á lokamóti EM.
Arnold Mühren, elsti meistari á EM.
Dino Zoff, elsti meistari á HM.
Zoff og Mühren
elstu meistararnir
Faryd Mondragon, elstur á loka-
móti HM. Það var í Brasilíu í fyrra.
5.4. 2015 MORGUNBLAÐIÐ SUNNUDAGUR 25
Ítalinn Francesco Totti, leikmaður Roma, varð í vetur elsti marka-
skorarinn í sögu Meistaradeildar Evrópu, 38 ára. Skaut þar með aft-
ur fyrir sig köppum á borð við Ryan Giggs, Filippo Inzaghi og Javier
Zanetti, sem allir voru 37 ára þegar þeir gerðu mark í þeirri keppni.
Totti elstur í Meistaradeildinni*Mér líður eins og ég sénítján ára – þó ég líti ekki út fyrir það.
Eiður Smári þegar hann samdi við Bolton fyrr í vetur.
Skjól í amstri dagsins
Smiðjuvegur 9 • 200 Kópavogur • Sími 535 4300 • Netfang axis@axis.is • www.axis.is
EINRÚM Hönnuður: Sturla Már Jónsson Húsgagna og innanhúsarkitekt