Morgunblaðið - Sunnudagur - 12.04.2015, Blaðsíða 25
12.4. 2015 MORGUNBLAÐIÐ SUNNUDAGUR 25
fyrir mót en venjulega. Flestir taka meiri
styrktaræfingar fyrr á tímabilinu og vinna
meira í þoli og úthaldi þegar nær dregur en
ég þarf bæði að vinna í styrk og úthaldi á
síðari hluta tímabilsins.“
Hjördís: „Maður hefur verið að vinna
undir þokkalega miklu álagi yfir árið en
ákefðin eykst alltaf fyrir mót. Þá reynir
maður að taka æfingar úr fyrri Evrópu-
keppnum og bera árangurinn saman við
eldri árangur. Þá sé ég hvar veikleikarnir
liggja og vinn í þeim. Samkeppnin er mikil
og það má hvergi vera veikur hlekkur hjá
manni ætli maður að komast alla leið.“
Ragnheiður Sara tekur í sama streng.
,,Ég keyri ákefðina upp og tek eldri keppn-
isæfingar til að sjá hvort ég hafi bætt mig á
milli ára. Ég gæti þess líka að toppa mig á
réttum tíma þannig að ég sé ekki útkeyrð
þegar að keppninni kemur og eigi nóg inni.“
Þuríður: „Veikleiki minn er styrktaræf-
ingar og ég þarf að vinna í þeim en maður
má heldur ekki gleyma styrkleikum sínum,
sem eru þol og æfingar með eigin líkams-
þyngd. Ég þarf að keyra styrkinn upp ef ég
á að komast þangað sem ég vil komast.“
Stelpurnar eru allar að undirbúa sig á
fullu fyrir Evrópukeppnina. Þær munu þó
taka þátt í Íslandsmeistaramótinu í ólymp-
ískum lyftingum hinn 2. maí til að æfa sig.
Katrín Tanja: „Við stefnum við allar að
toppa á Evrópuleikunum. Samkeppnin er
hörð, það er erfitt að komast á heimsleikana
og við erum mjög margar sem erum góðar
og eigum skilið að komast á leikana.“
Mikilvægt að borða og sofa vel
Hugsið þið mikið um mataræðið?
Allar svara: ,,já“ í kór. Þær segjast reyna
að borða hreint, mikið af grænmeti, eggjum
og kjúklingi en þó án þess að ofgera.
Katrín Tanja: „Ég er með sæta tönn og
finnst gott að fá mér súkkulaði í eftirrétt.“
Hjördís: „Ég reyni bæði að borða hreint
og nógu mikið. Maður er að æfa rosalega
mikið og getur þ.a.l. ekki verið að halda í
við sig. Ég fæ mér ís einu sinni eða tvisvar
í viku. Mér finnst það nauðsynlegt fyrir sál-
ina og það hefur engin áhrif á mig.“
Ragnheiður Sara: Ég ákvað í janúar að
hætta að fá mér ,,alvöru nammi“. Ég leyfi
mér súkkulaðihjúpaðar kasjúhnetur og
súkkulaðirúsínur á laugardögum, guacamoli
og hollustusnakk á föstudögum. Ég borða
sennilega eina hnetusmjörsdollu á dag.“
Þuríður: ,,Ég borða líka hreint, mjög
mikið af eggjum, kjúklingi, beikoni og
hnetusmjöri.“ Hún segist nýlega farin að
leggja sig fram við að borða meira, sem gefi
henni meiri orku og aukinn árangur.
Þær taka allar undir mikilvægi þess að ná
að lágmarki átta tíma svefni á nóttu.
Draumur að komast á heimsleikana
Hver eru ykkar markmið í íþróttinni?
Katrín Tanja: ,,Heimsleikarnir eru okkar
ólympíuleikar og markmiðið er að standa
sig eins vel þar og maður getur. Það væri
draumur að standa uppi á palli á heimsleik-
unum. Annie Mist, sem hefur staðið á pall-
inum fjórum sinnum, hefur sýnt okkur að
markmiðið er raunhæft. Hún hefur líka sýnt
okkur að það krefst mikillar vinnu, mikillar
einbeitingar og góðs stuðningsnets.“
Hjördís: „Ég hef keppt á heimsleikunum í
liði en draumurinn minn væri að fá að
keppa þar sem einstaklingur og njóta þess
að vera þarna innan um alla þessa flottu
íþróttamenn. Mér væri nokk sama í hvaða
sæti ég væri, ef ég kæmist inn á leikana,
alla vega til að byrja með.“
Ragnheiður Sara: „Það væri meira en
draumur að komast inn á heimsleikana sem
einstaklingur. Ef maður kemst þangað, set-
ur maður sér nýtt markmið.“
Þuríður: „Markmiðið núna er að komast í
topp fimm á Evrópuleikunum.“
Innbyggt keppnisskap í þjóðinni
Hvers vegna eru svona margar íslenskar
crossfit-konur á heimsmælikvarða?
Katrín Tanja: „Börn byrja snemma í
íþróttum hér og þau byrja nánast strax að
keppa í íþróttum. Við erum mikil keppn-
isþjóð og lítum síður á íþróttir sem tóm-
stundir. Við erum í íþróttum til að keppa og
til að vera best. Auk þess eru íslensk börn
stærri en önnur og sterkbyggð. Svo erum
við með rosalega flottar fyrirmyndir. Annie
ruddi brautina þegar hún vann heimsleikana
2011 og sýndi okkur að sigur á heimsleik-
unum er raunhæfur.“
Hjördís: ,,Stór hluti af ástæðunni er
erfðafræðilegur. Íslendingar vinna mikið og
eru sterkbyggðir. Þeir vilja alltaf vera best-
ir í öllu sem þeir gera. Á Íslandi eru líka
fleiri crossfit-stöðvar en í margfalt fjölmenn-
ari löndum. Það er líka ótrúlega dýrmætt að
hafa Annie til að líta upp til og að sjá að
það er hægt að ná svona árangri.“
Ragnheiður Sara: ,,Íslenskar stelpur eru
ekki hræddar við að vera sterkar. Allt of
margar stelpur vilja ekki lyfta og vilja ekki
vera með vöðva. Hérna eru strákar og
stelpur jöfn og strákarnir verða ekki móðg-
aðir þegar ég lyfti þyngra en þeir. Maður
er ekki dæmdur fyrir að vera sterkur.“
Þuríður tekur undir þetta. ,,Flestir
krakkar eru settir í íþróttir snemma. Auk
þess erum við með mjög góðar matvörur á
borð við mjólk, kjöt og fisk.“
Morgunblaðið/Eggert
Páskafrí og ferðalög þurfa ekki að koma í veg fyrir daglega hreyfingu.
Á heimasíðu The Traveling Wod (www.thetravelingwod.com) má
finna fjölbreytt úrval æfinga sem má framkvæma hvenær sem er, á
hvaða árstíma sem er. Kjörnar æfingar fyrir sumarbústaðinn.
Æfingar á ferðalagi * „Þú þarft að búast viðhlutum af sjálfum þéráður en þú getur gert þá. “
Michael Jordan
Forkeppnin fyrir heimsleikana, Crossfit
Open, samanstendur af fimm æfinga-
runum sem eru tilkynntar vikulega, hver á
fætur annarri, í fimm vikur. Keppnin er
haldin árlega en henni lauk 30. mars síð-
astliðinn.
Hver sem er getur skráð sig til keppni
en í ár tóku 272.667 manns þátt í henni.
Keppendur voru á aldrinum 14-86 ára og
meðalaldur þeirra var 32 ár. 41% kepp-
enda var konur, eða 113.124. Af þeim
voru 2.150 stelpur á aldrinum 14-17 ára.
30 karlar og 30 konur komast áfram úr
Crossfit Open-forkeppninni yfir í Evrópu-
leikana, sem nefnast Regionals, en þeir
standa yfir dagana 15.-31. maí. Þar mæta
þau öðrum keppendum frá Bandaríkj-
unum, Kanada, Ástralíu, Suður-Ameríku,
Asíu og Afríku.
Ísland mun eiga allmarga fulltrúa þar en
Annie Mist stóð sig best allra kvenna í
heiminum. Ragnheiður Sara er í þriðja
sæti og Katrín Tanja í því fjórtánda. Sé litið
á efstu konurnar í Evrópu er Annie sem
fyrr segir í efsta sæti, Ragnheiður Sara í
öðru, Katrín Tanja í því fjórða, Björk Óð-
insdóttir, búsett í Svíþjóð, í því fimmta,
Þuríður Erla í því níunda og Hjördís Ósk í
fimmtánda.
Íslensku strákarnir stóðu sig einnig vel í
álfukeppninni en Björgvin Karl Guð-
mundsson er í þriðja sæti í Evrópu og Sig-
urður Hafsteinn Jónsson í fimmta sæti í
Evrópu.
Leiðin á heimsleikana
Næstu heimsleikar í crossfit verða haldnir í júní næstkomandi í Carson í Kaliforníu.
AFP
Crossfit-æfingar eru æði fjölbreyttar og því mörg nöfn sem þarf að muna. Hér koma
nokkur hugtök úr crossfit-hugtakalykli Ómars Ó. Ágústssonar, sem má finna í heild sinni
á www.fjolhreysti.is:
10! = Fjöldi tiltekinna æfinga er 10, 9, 8, 7, 6, 5, 4, 3, 2, 1
AMRAP = As Many Rounds As Possible. Eins margar umferðir af uppgefnum
æfingum á tilteknum tíma og hægt er.
C&J = Clean & Jerk. Íslenska heitið er jafnhöttun. Ólympísk lyftingaraðferð til
að lyfta lóðastöng frá jörðu og upp fyrir höfuð í tveimur áföngum.
C2B = Chest To Bar. Upphífingar þar sem brjóstkassi snertir slána í efstu stöðu.
HSPU = Hand Stand Push Up. Handstöðuarmbeygjur, ýmist framkvæmdar með
sveiflu (kipping) eða dauðar pressur.
MU = Muscle Ups. Æfing gerð í fimleikahringjum þ.s. farið er úr hangandi stöðu
upp í djúpa dýfu og svo rétt úr höndum.
Rx = Ósköluð æfing. Framkvæmt með uppgefnum æfingum þyngdum og fjölda.
Sc = Sköluð æfing. Þyngd, fjöldi eða framkvæmd æfingar sköluð niður eftir getu.
WOD = Workout Of The Day.
Hvað er handstöðupressa?
Hér má sjá T2B eða ,,Toes-
to-bar“ framkvæmt.
Morgunblaðið/Árni Sæberg