Morgunblaðið - Sunnudagur - 26.04.2015, Blaðsíða 4
* Árið 2006 voru tveir metanvagnar teknir í notkun hjáStrætó. Til stóð að fjölga þeim í allt að 44 vagna. Árið 2015 eru enn bara tveir metanvagnar hjá Strætó.ÞjóðmálEYRÚN MAGNÚSDÓTTIR
eyrun@mbl.is
4 MORGUNBLAÐIÐ SUNNUDAGUR 26.4. 2015
Beygt af metanleiðinni
Aðeins tveir af 95 stræt-isvögnum í eigu Strætó bs.eru knúnir metani sem
framleitt er úr hauggasi á urðunar-
stað SORPU í Álfsnesi. Til stóð að
fjölga þeim en nú er talið hagkvæm-
ast að keyra á dísilolíu þar til raf-
magnsvagnar verða orðnir að raun-
hæfum kosti. Reynslan af
metanvögnunum hefur einfaldlega
ekki verið nægilega góð til þess að
réttlæta frekari kaup á fleiri vögn-
um knúðum metani auk þess sem
aðgengi að eldsneytinu er ekki
nægjanlegt fyrir Strætó bs.
Metanvagnar áttu að vera
orðnir allt að 44 árið 2012
Metanvagnarnir tveir voru keyptir
til Strætó bs. árið 2006 og þáver-
andi borgarstjóri dældi metani á
strætó í fyrsta sinn á Íslandi. Á
þessum tíma stóð til að vagnarnir
tveir, knúnir hinu vistvæna öku-
tækjaeldsneyti, yrðu aðeins upphaf-
ið að frekari metanvæðingu strætó-
flotans. Reykjavíkurborg á hlut í
bæði SORPU og Strætó og rætt var
um að metanið gæti einmitt hentað
vel til notkunar fyrir ökutæki þess-
ara fyrirtækja, auk þess sem til stóð
að bílafloti borgarinnar yrði met-
anknúinn.
Engin áform eru nú um að fjölga
strætisvögnum sem knúnir eru af
metani heldur eru langflestir vagnar
Strætó knúnir dísilolíu sem er
blönduð lífrænum efnum sem gera
útblásturinn hreinni.
Í viðtali við Morgunblaðið þann
28. febrúar 2008, tveimur árum eftir
að fyrstu metanvagnarnir voru
teknir í notkun, sagði Reynir Jóns-
son, þáverandi framkvæmdastjóri
Strætó bs., að stefnan væri að fjölga
metanvögnum enn frekar og að árið
2012 gætu metanvagnar Strætó ver-
ið orðnir að minnsta kosti 28 og
jafnvel allt að 44 talsins.
Þetta hefur ekki gengið eftir og
metanfloti Strætó bs. er enn aðeins
þessir tveir vagnar.
„Eins og staðan er í dag hefur
verið beygt af þessari leið og við er-
um ekkert að tala um að fjölga met-
anvögnum. Það hefur orðið mikil
þróun í dísilvélum með tilliti til
staðla um mengunarvarnir. Á síð-
asta ári voru keyptir 20 dísilvagnar
sem uppfylla svokallaðan Euro 6
staðal um umhverfisvænleika. Við
blöndum dísilolíuna með svokallaðri
vetnismeðhöndlaðri lífrænni dísil-
olíu. Samkvæmt reglum Evrópu-
sambandsins er skylda að hafa 7,5%
blöndu en við erum með 15% af líf-
rænni dísilolíu hjá Strætó og göng-
um því lengra í að minnka útblástur
en reglugerðin segir til um,“ segir
Jóhannes Rúnarsson, framkvæmda-
stjóri Strætó.
Hann segir reynsluna af metan-
vögnum ekki nógu góða. „Þessir
bílar gengu einfaldlega ekki nógu
vel, það voru ýmsar truflanir vegna
þess að hreinleiki metansins hér á
landi er ekki nægilega mikill. Auk
þess er bara einn birgir á Íslandi
með metan og það nægir ekki til að
uppfylla okkar öryggiskröfur.“
Jóhannes segir að til framtíðar sé
frekar horft til þess að bæta raf-
knúnum strætisvögnum í flotann en
þeir séu þó enn of dýrir til að geta
talist raunhæfur kostur.
Metanleiðslu hefði þurft
á Hestháls
Ein af forsendum þess að Strætó
færðist meira yfir á metan sem elds-
neyti var sú að sérstök metanleiðsla
yrði lögð upp á Hestháls, þar sem
höfuðstöðvar Strætó eru. „Það lá
alltaf fyrir að þessi lögn yrði að
koma ef Strætó ætti að vera með
fleiri en þessa tvo vagna á metani. Á
sínum tíma var búið að hanna met-
anlögn frá Álfsnesi upp á Hestháls
og teikna áfyllingarstöð sem þar átti
að rísa. Af þeirri fjárfestingu hefur
hins vegar ekki orðið og setti hrunið
meðal annars strik í reikninginn,“
segir Björn H. Halldórsson, fram-
kvæmdastjóri SORPU.
Framleiðsla á metani er í fullum
gangi hjá SORPU í Álfsnesi en að
sögn Björns hefur aðeins dregið úr
sölu. „Það er ekki endilega af því að
metanbílum hafi fækkað heldur eru
nýjustu tækin orðin sparneytnari.“
Samkvæmt upplýsingum frá Sam-
göngustofu eru alls 1.432 ökutæki
skráð hér á landi sem knúin eru af
metani. Ýmist eru ökutækin aðeins
knúin metani eða svokallaðir tví-
orkubílar sem gengið geta fyrir
annaðhvort metani eða bensíni/dísil.
Allir sorpbílar á metani
Þótt áform um metanvæðingu al-
menningssamgangna hafi ekki geng-
ið eftir er stærstur hluti þeirra bíla
sem Reykjavíkurborg á og rekur
metanbílar eða tvíorkubílar, alls 97
ökutæki af 119. Sex af bílum borg-
arinnar eru rafbílar. Allir sorpbílar
ganga eingöngu fyrir metani. Met-
anframleiðandinn SORPA á og rek-
ur 16 ökutæki og af þeim eru 15
metan-tvíorkubílar og einn dísilbíll.
2 strætisvagnar
2 sorpbílar
2 borgarstjórar
Snemma árs 2006 dældi borg-
arstjórinn Steinunn Valdís Ósk-
arsdóttir metanskammti af rögg-
semi á glænýjan metanstrætó, annan
tveggja sem þá voru keyptir til
Strætó bs. Í október sama ár bar
borgarstjórinn Vilhjálmur H. Vil-
hjálmsson sig fagmannlega þegar
hann aðstoðaði við að koma sorp-
tunnum á tvo nýja metanknúna
sorpbíla sem þá voru nýkeyptir til
Reykjavíkurborgar. Allur sorpbíla-
flotinn, alls 10 bílar, er knúinn met-
ani en metanvagnarnir hjá Strætó
eru enn aðeins tveir og ekki útlit
fyrir að þeim fjölgi í bráð. Morgunblaðið/Kristinn
FYRIR NOKKRUM ÁRUM STÓÐ TIL AÐ METANVÆÐA STRÆTÓFLOTANN AÐ STÓRUM HLUTA EN ENGIN ÁFORM ERU UPPI UM SLÍKT NÚ.
RAFVAGNAR ERU ENN OF DÝRIR OG HAGKVÆMAST ÞYKIR EINS OG STAÐAN ER AÐ NOTA DÍSILVAGNA OG BLANDA DÍSILINN MEÐ LÍFRÆNNI OLÍU.
Morgunblaðið/ÞÖK
Full búð af fallegum sumargjöfum
fyrir flotta krakka á öllum aldri
DIMMALIMM
Laugavegi 53 | Sími 552 3737 | Opið mán.-fös. 10-18, lau. 10-17
Gleðilegt
sumar