Morgunblaðið - Sunnudagur - 26.04.2015, Blaðsíða 13
26.4. 2015 MORGUNBLAÐIÐ SUNNUDAGUR 13
spurt um ferðina, fólki finnist hún
forvitnileg þegar það rekst á upp-
lýsingarnar á heimasíðu fyrirtæk-
isins og búast megi við að margir
fari um svæðið í sumar.
Heimamenn sem komu að ein-
hverju leyti að gerð þáttanna eru
nú heiðursborgarar í sýndarbænum
Fortitude! Þar á meðal eru veit-
ingahjónin Jónas og Sandra. Skjal
því til staðfestingar er undirritað af
Hildi Odegaard bæjarstjóra. Með
hlutverk hennar í þáttunum fór
danska leikkonan Sofie Gråbøl.
„Ég veit reyndar ekki hvort hún
skrifaði sjálf undir skjalið!“ segir
Jónas. Þeim hjónum var meira að
segja boðið til Englands, af fyr-
irtækinu sem gerði þættina, til að
skoða kvikmyndaverið þar sem
megnið af atriðum innandyra var
tekið upp. Þar höfðu útveggir veit-
ingahúsa þeirra verið reistir, vegna
þess að ákveðin atriði fara fram í
portinu á milli þeirra.
Blessað flugið …
Jónas segir jákvætt og skemmti-
legt að þættirnir veki athygli og
áhuga útlendinga á svæðinu. „Það
sem okkur er þó efst í huga er
blessað flugið; flugfélög sem flytja
ferðamenn til landsins gætu sparað
sér tíma með því að fljúga til Eg-
ilsstaða frekar en Keflavíkur en á
móti kemur að flugvélabensín hér
er 20 til 30% dýrara en þar,“ segir
Jónas og bætir við að enginn áhugi
virðist á að breyta því. Fyrsta
skrefið væri að minnsta kosti að
vinna að því að lækka verð á flugi
innanlands. „Hvernig á ég að fá
mann, sem kemur frá London til
Reykjavíkur, til að koma austur
þegar hann þarf að borga meira
fyrir flugið hingað til okkar en á
milli landa. Þetta ástand gerir út af
við okkur. Það eru skipaðar nefnd-
ir og málin rædd – en ekkert ger-
ist.“
Á vegum Eldvarnabandalagsins og
Akraneskaupstaðar var á dögunum
gert samkomulag um að efla eld-
varnir á heimilum og í fyrirtækjum
og stofnunum á Skaganum. Mark-
miðið með þessu er meðal annars að
þróa verkefni sem geta nýst öðrum
við fræðslu og innleiðingu eigin eld-
varnaeftirlits á vegum fyrirtækja og
stofnana. Tekið verður upp eftirlit
með eldvörnum í byggingum Akra-
nesbæjar – og munu bæjarstarfs-
menn hafa eftirlit þetta með hönd-
um. Jafnframt verður fræðslu um
eldvarnir beint að þeim sem búa í
leiguhúsnæði, en rannsóknir sýna
að þessi mál eru frekar í ólagi hjá
leigjendum en hjá þeim sem búa í
eigin húsum.
„Sveitarfélög hafa samkvæmt
lögum ríkar skyldur í eldvörnum
með rekstri slökkviliðs og opinberu
eldvarnaeftirliti,“ segir í tilkynn-
ingu, haft eftir Regínu Ásvalds-
dóttur bæjarstjóra. Hún segir að ef
vel takist til geti þetta verkefni
raunar skapað gott fordæmi fyrir
aðra sem að þessum málum starfa.
Á vegum Akraneskaupstaðar eru
reknar nærri 20 stofnanir og starfs-
menn eru nærri 600 talsins.
sbs@mbl.is
AKRANES
Gengið frá samningum. Björn Karlsson, forstjóri Mannvirkjastofnunar, og
Regína Ásvaldsdóttir, bæjarstjóri á Akranesi, fyrir miðju í fremri röðinni.
Slökkva elda á Skaga
Kóræfingar á mánudagskvöldum eru heil-agur tími í minni stundaskrá. Allt annaðvíkur. Þátttaka í starfinu veitir mér
mikla ánægju og sjálfum finnst mér ég þarna
gefa svolítið til baka til samfélagsins sem hefur
fóstrað mig,“ segir Þórir Haraldsson á Selfossi.
Á sumardaginn fyrsta var fyrsta samkoman í
lotu fernra vortónleika Karlakórs Selfoss. Um
þessar mundir er kórinn 50 ára og alveg frá
stofndögum hafa verið tónleikar á fyrsta degi
sumars. Hinir næstu verða í Selfosskirkju 28.
apríl, í Fella- og Hólakirkju í Reykjavík 30. apr-
íl og þeir fjórðu á Flúðum 2. maí.
Mikilvægt í menningarflóru
Þórir sem er frá bænum Urriðafossi í Flóa seg-
ir að á uppvaxtarárum hafi kann kynnst vel
sterkri félagslegri hefð og samstaða fólksins um
helstu mál hafi verið áberandi.
„Hver byggð þarf nokkrar lykilstofnanir. Við
þurfum að hafa góða skóla, lækni, prest, björg-
unarsveit og svo framvegis. Og kórstarf er ekki
síður mikilvæg í hina menningarlegu flóru. Fólk
hefur raunar verið að gera sér enn betur grein
fyrir því á undanförnum árum að þessar stoðir
þurfa allar að vera sterkar svo samfélagið gangi
upp,“ segir Þórir. Hann hefur lengi verið virkur
í starfi ungmennafélagshreyfingarinnar og segir
kórstarfið á margan hátt líkt því, það er að
blanda sér í leikinn með góðum félögum sem
skila sínu til nærsamfélagsins.
Karlakórsfélagar á Selfossi, sem eru um 70
talsins, æfa undir stjórn Lofts Erlingssonar, að
jafnaði einu sinni í viku en oftar eftir atvikum.
Sú hefur til dæmis verið raunin að undanförnu,
svo sem vegna hljómdisksins Elfur tímans sem
var hljóðritaður í apríl og kom út fyrir nokkrum
dögum. Á disknum eru lög úr ýmsum áttum,
bæði sígild og krafmikil karlakórslög en annað í
bland, svo sem Söknuður sem Vilhjálmur Vil-
hjálmsson gerði frægt, Líttu sérhvert sólarlag
eftir Braga Valdimar Skúlason úr Baggalút og
Rósin, sem um margt er einkennislag Álftagerð-
isbræðra. Ýmis fleiri lög mætti þá nefna.
Elfur tímans og gleðin í starfinu
„Gleðin fylgir þessu starfi. Enginn syngur nema
hann sé í góðu skapi og upplifunin í sam-
hljómnum er góð tilfinning,“ segir Þórir Har-
aldsson sem gekk í raðir Karlakórs Selfoss árið
2002 og er því kominn með þrettán ár. Nokkrir
karlar hafa verið í kórnum í áratugi og einn,
Sigurdór Karlsson, frá upphafi.
SELFOSS
Upplifun í samhljómi er góð
KARLAKÓRSFÉLAGAR TAKA NÚ SÍNA
50. LOTU VORTÓNLEIKA. GEISLA-
DISKUR ÞEIRRA ER NÝKOMINN ÚT OG
HANN ER FRAMLAG TIL SAMFÉLAGSINS
Sigurður Bogi Sævarsson sbs@mbl.is
Karlakórsfélagar á Selfossi sungu af mikilli innlifun á dögunum þegar þeir fóru milli helstu fyrirtækja á Sel-
fossi og tóku lagið fyrir gesti og gangandi í tilefni af hálfrar aldar afmæli kórsins sem er um þessar mundir.
Ljósmynd/Guðmundur Karl
Þórir Haraldsson með nýjan geisladisk kórsins.
Morgunblaðið/Árni Sæberg
Íþróttasambönd á vestanverðu landinu og frjáls-
íþróttadeild FH ætla í samstarf. Samningar voru und-
irritaðir nýega. Krakkar að vestan æfa í Firðinum
öðru hverju. Ýmsar útfærslur í samstarfi bjóðast.
Vesturland
Gatnagerðargjöld á Hornafirði hafa verið felld niður, sam-
kvæmt ákvörðun bæjarstjórnar. Markmið nýrra reglna er
hvatning til fólks um að fara að byggja, enda leiði slíkt til
aukins framboðs á íbúðarhúsnæði til eignar og útleigu.
Hornafjörður
Umferðarmiðstöðin BSÍ • 101 Reykjavík • 580 5400 • main@re.is • www.re.is
VIÐ
SKUTLUM
ÞÉR! Alltaf laus sæti
Frí þráðlaus internet-
tenging í öllum bílum
Hagkvæmur kostur
Alltaf ferðir
Ferðatími u.þ.b.
45 mínútur
Umhverfisvænt
Kauptu miða núna á
www.flugrutan.is
Áætlunarferðir Flugrútunnar eru í tengslum við allar
komur og brottfarir flugvéla um Keflavíkurflugvöll.
OR
*Miðast við að keyptur sé miði fram og til baka frá BSÍ eða Keflavíkurflugvelli á 3.500 kr.
1.750 kr.*
FYRIR AÐEINS