Morgunblaðið - Sunnudagur - 26.04.2015, Qupperneq 23
26.4. 2015 MORGUNBLAÐIÐ SUNNUDAGUR 23
Ísland er
ríkt af auðlindum
Sjávarútvegsfræði
VIÐ HÁSKÓLANN Á AKUREYRI
Háskólinn á Akureyri er eini háskólinn á Íslandi sem
býður upp á nám í sjávarútvegsfræði.
Sjávarútvegsfræði er spennandi og krefjandi nám
sem veitir góðan grunn fyrir stjórnunarstörf í öllum
greinum sjávarútvegs.
Hlökkum til að sjá þig!
unak.is
Þeir sem stunda kynmök að með-
altali tvisvar til þrisvar í viku þéna
4-5% meira en þeir sem gera það
ekki. Þetta kemur fram í nýrri
grískri rannsókn. Þýðið var 7.500
manns.
Einnig kom fram í rannsókninni
að fólk sem glímir við vanheilsu af
einhverju tagi en ræktar eigi að síð-
ur kynhvötina af kostgæfni þénar
1,5% meira en fólk með samskonar
kvilla en stundar ekki rekkjubrögð
af neinu tagi.
Af öðrum niðurstöðum rann-
sóknarinnar má nefna að fólk sem
tekur lyf að staðaldri er 5,4%
minna virkt kynferðislega en aðrir.
Sömu sögu má segja af fólki með
krabbamein. Sykursjúkir eru 2,4%
minna virkir en aðrir og fólk með
liðagigt 3,9%. Hjartveikir eru verst
settir hvað þetta varðar, sam-
kvæmt rannsókninni, en þeir eru
11,4% minna virkir kynferðislega
en fullfrískir einstaklingar.
Kynlíf getur haft góð áhrif á budduna.
Morgunblaðið/Ásdís
Kynmaka
krókinn
Sígarettulegri rafsígarettur draga
síður úr líkum á því að reyk-
ingamenn hætti að reykja, ef marka
má nýja breska rannsókn.
Rannsóknin náði til þriggja hópa;
fólks sem studdist við rafsígarettur
sem líkjast sígarettum í útliti, fólks
sem notaði rafsígarettur sem
minna meira á kúlupenna en
sígarettur og fólks sem studdist
ekki við sígarettulíki af neinu tagi.
Niðurstaðan var sú að tæpur þriðj-
ungur þeirra sem notuðu „penn-
ana“ hætti alveg að reykja innan árs
en aðeins 11% af þeim sem studd-
ust við sígarettulíkið. Það var
tveimur prósentustigum minna en
hjá hópnum sem notaði engin
hjálpartæki.
Talið er að rafreykingamenn í
Bretlandi séu ríflega tvær milljónir.
Vísindamennirnir sem stóðu að
rannsókninni segja ástæðu til að
hafa áhyggjur af þessari þróun, ekki
síst í ljósi þess að stærstu vöru-
merkin eru í eigu tóbaksframleið-
enda. Og vilji þeirra sé ljós.
Rafsígarettur
skammgóður
vermir
Ertu slæm/ur í bakinu? Sastu mögu-
lega á stól með baki sem hallaði lítið
eitt aftur meðan þú varst í skóla?
Þessu er velt upp af því tilefni að
Samtök kennara í Alexanderstækni í
Bretlandi fullyrða að skólastólar með
baki sem hallar lítið eitt aftur séu
slæmir fyrir börnin. Þeir leiði til vondr-
ar líkamsstöðu meðan setið er og þar
sem meðalnámsmaður ver fimmtán
þúsund klukkustundum af lífi sínu á
skólastól geti þetta klárlega haft slæm
áhrif á bakheilsu á fullorðinsárum.
Í stað þess að halla lítið eitt aftur
vilja téð samtök að bökin á skóla-
stólunum séu bein eða halli lítið eitt
fram. Það hafi ekki vond áhrif á lík-
amsstöðu barnanna.
Meðal gagna sem samtökin vísa til
eru rannsóknir sem segja að fimmt-
ungur barna glími við bakveiki og að
minnsta kosti þrír í hverri skólastofu
hafi leitað til læknis af þeim sökum
fyrir sextán ára aldur.
„Hvers vegna lætur skólakerfið
börnin sitja á þessum stólum? Ekk-
ert fyrirtæki myndi láta þetta við-
gangast fyrir sína starfsmenn,“ segir
einn Alexanderstæknikennaranna,
Judith Kleinman. „Það er út í hött að
börn njóti ekki sömu réttinda og
fullorðnir.“
Herferð samtakanna, með Klein-
man í broddi fylkingar, hefur vakið
mikla athygli í Bretlandi og sumir
eru farnir að líkja framtaki hennar
við það sem stjörnukokkurinn Jamie
Oliver gerði fyrir skólamáltíðirnar.
Sumsé: Úr maganum yfir á bakið! Er
það vel.
Allt stólnum að kenna?
Hvað ætli Alexanders-
tæknin segi um þessa stóla?
Morgunblaðið/Eggert