Morgunblaðið - Sunnudagur - 26.04.2015, Page 48
Dóra Lena Christians er ástríðugæludýraeigandi og er með sérsmíðuð búr
heima fyrir nagdýrin sín sem kettirnir eru afar hrifnir af að skoða.
Halldóra Lena Christians kvik-
myndagerðarkona býr í litlum
heimagerðum húsdýragarði í 101
Reykjavík, með fjórum hömstrum,
tveimur kanínubræðrum sem
ganga frjálsir um íbúðina þegar
Halldóra er heima við og ekki nóg
með það, því á heimilinu eru líka
kettirnir Snúður og Snælda.
„Snælda er afskaplega sjálfstæð
og fer sjálf í skammarkrókinn þegar
hún veit að hún gerði eitthvað
rangt eins og að setjast ofan á
hamstrabúrin eða reyna að veiða
kanínurnar.“
Snúður er prúðari og sefur ofan
á Halldóru og nuddar á henni haus-
inn þangað til hún sofnar. „Það er
stundum erfitt að vera með tvær
kisur innan um 6 önnur dýr sem í
náttúrunni teljast bráð,“ viður-
kennir Halldóra en Snúður og
Snælda stara allan daginn á hamstr-
ana í búrunum og verða brjáluð ef
eigandinn lokar sig af með hömstr-
unum. Stundum fara kettirnir líka í
ljónaleik og umkringja kanínurnar,
kanínunum til mikils ama.
„Það hjálpaði til að við fengum
kettina á eftir kanínunum þannig að
oft kúra þau bara saman. En Snúð-
ur passar sig að halda uppi stuðinu,
hann rústaði til dæmis núna nýlega
páskaskreytingunni minni, stal
gervigrasinu af henni og gaf kan-
ínunum að borða. Hann ákvað að í
staðinn fengi hann salatið þeirra.
Sérstaklega þarf að vakta Snúð á
heimilinu því ef það gleymist að
loka klósettinu hendir hann leik-
föngunum sínum þar ofan í.“
Halldóra er mikill dýravinur og á
heiðurinn af geysivinsælum Face-
bookhópum sem heita Gæludýrin
okkar sem og hamstra-, naggrísa-
og kanínusíðum. Hún segir að hér
á landi skorti mikið á fræðslu um
umönnun nagdýra og einnig vanti
að gæludýraverslanir bjóði upp á
vörur fyrir þessar tegundir gælu-
dýra.
„Í gæludýrabúðum eru seld
hættuleg hamstrahjól, hættuleg
bómull til að hafa í búrinu og jafnvel
nagdýrasjampó. Fyrir utan naggrísi
er harðbannað að baða bæði
hamstra og kanínur. Það getur leitt
til sýkinga í húðinni sem getur
hreinlega drepið dýrin. Svo er
mesti hryllingurinn hamstrabúrin
sem eru hér seld. Það sem er kall-
að ferðabúr úti í Þýskalandi til
dæmis er dverghamstrabúr hér á
landi. Sem er hræðilegt þar sem
hamstrar þurfa miklu meira pláss
en við gerum okkur grein fyrir.
Kanínur eiga þá að fá að hlaupa um
eins mikið og þær geta og því eiga
þær alls ekki að vera stöðugt í búr-
um heima hjá fólki. Það er synd og
skömm hvað við erum eftir á varð-
andi litlu dýrin okkar.“
Snúður á milli tveggja kanínuvina sinna sem kallast Bjartur í Sumarhúsum og Álfgrímur í Brekkukoti en Dóra er einmitt
barnabarn Halldórs Laxness, dóttir Sigríðar Halldórsdóttur.
Morgunblaðið/Kristinn
Snælda hefur það náðugt ofan á sérsmíðuðu búrinu sem Dóra Lena lét smíða
fyrir sig en hún er baráttukona fyrir bættum aðbúnaði nagdýra hérlendis.
Í sátt og samlyndi búa kettir, hamstr-
ar og kanínur á heimilinu.
NOKKRAR DÝRATEGUNDIR Í SÁTT OG SAMLYNDI
Skrautlegt sambýli katta,
kanína og hamstra
Gæludýr
48 MORGUNBLAÐIÐ SUNNUDAGUR 26.4. 2015
Svarti Pétur er kröfuharður en sérstaklega klár köttur
en hann býr um þessar mundir á Álftanesi hjá Guðrúnu
Jóhannsdóttur. Það er fyrir neðan hans virðingu að
mjálma eða krafsa í hurðir til að komast inn eftir að hafa
spókað sig úti. Svarti Pétur bankar hraustlega, eins og
hann sé að koma í kvöldheimsókn, á útidyrahurðina eða
stofugluggann til að láta vita að hann er kominn heim og
það þurfi einhver vinsamlegast að koma til dyra.
„Það var fyrst eitt kvöldið sem hann gerði þetta, þá
var hann kominn heim og það var farið að dimma þegar
ég heyri að það er allt í einu bankað nokkrum sinnum á
gluggann. Ég hef verið að velta því fyrir mér hvort hann
þyrfti ekki að eiga farsíma svo hann geti hringt til mín og
látið mig vita af ferðum sínum,“ segir Guðrún sem segir
Svarta Pétur vera einn sérstakasta kött sem hún hafi á
ævi sinni kynnst. Hann hefur þó ekki aðeins látið duga að
banka á gluggann þegar hann vill komast inn heldur líka
þegar hann vill fara út að leika.
„Þegar hann hefur látið mig hleypa sér út og aftur inn
mörgum sinnum á nokkurra mínútna fresti og ég orðin
leið á að vera sífellt að opna fyrir honum dyr eða glugga
og segi svo ákveðið „Nei“ þegar hann ætlar út í tíunda
skiptið á sama klukkutíma skilur hann nei-ið og hættir að
rella. Um daginn fann hann hins vegar upp á afar
skemmtilegum leik, að því er honum sjálfum fannst.
Hann stökk út um opinn glugga á svefnherberginu, hljóp
í kringum húsið og bankaði á stofugluggann til að láta
mig hleypa sér inn. Strax og hann var kominn inn hljóp
hann inn í svefnherbergið og fór út um gluggann þar og
kom samstundis aftur á stofugluggann og bankaði til að
láta hleypa sér inn. Og hljóp svo strax inn í svefn-
herbergið og út um gluggann og kom svo og bankaði á
stofugluggann. En þar með setti kerlingarvarg-
urinn ég stopp á þennan fjöruga leik og
lokaði svefnherbergisglugg-
anum.“
Þótt Svarti Pétur líti svo á að
hann eigi bæði húsið, lóðina,
hundinn á heimilinu sem heitir
Kasper og auðvitað Guðrúnu
sjálfa þá er hann í fóstri hjá
henni fyrri milligöngu Dýrahjálpar
Íslands. Guðrún ákvað að taka hann að sér meðan leitað
er að góðu heimili fyrir kisa en hann hafði verið á ver-
gangi á Álftanesi í nokkurn tíma þegar honum var bjarg-
að. Dýrahjálp Íslands er félag sjálfboðaliða sem leitast við
að sjá heimilislausum dýrum fyrir heimili og skjóli, bæði
dýrum sem þurfa á nýju heimili að halda með skömmum
fyrirvara og dýrum sem hafa verið á vergangi.
Þess má geta að Dýrahjálp Íslands hefur
hingað til aðstoðað 2.307 ketti í heim-
ilisleit, auk fjölda annarra dýrategunda.
Þangað til heimili finnst handa Svarta
Pétri er hann í miklu stuði hjá Guðrúnu
og hún segist vera eins og tveggja barna
móðir þangað til það verður en hundurinn
Kasper og Svarti Pétur taka stríðnisköst
hvor á annan og hún er sífellt að siða
drengina til og stilla til friðar.
Svarti Pétur með fóstru sinni Guðrúnu Jóhannsdóttur en
Svarti Pétur stjórnar heimilinu og er einkar ákveðinn enda
þurfti hann að læra að bjarga sér á vergangi í lengri tíma
áður en Dýrahjálp Íslands tók hann að sér.
Morgunblaðið/Árni Sæberg Svarti Pétur lætur ekki hleypa sér inn með ámulegu mjálmi, hann ber að dyrum
- já og gluggum.
Svarti Pétur var einkar ósáttur með heimsókn blaðamanns sem bar upp á þann
tíma sem hann ætlaði sér einmitt í göngutúr og lét vita af því á allan þann hátt
sem hann gat, hann var mjög glaður þegar kvatt var.
HLEYPIÐ MÉR INN
Bankar hraustlega á hurðir og glugga
Það þarf að hella sósu
á mat Svarta Péturs
og miklu af henni.