Reykjalundur - 01.06.1971, Blaðsíða 21
9. gr.
Til þess að koma á fót vinnustöðvum
fyrir öryrkja, er heimilt að veita styrki og
lán sem hér segir:
a. Styrk úr erfðafjársjóði, sem nemur allt
að 40% af stofnkostnaði.
b. Lán úr atvinnuleysistryggingasjóði til
20 ára með 5% ársvöxtum, sem nemur
allt að 40% stofnkostnaðar.
Skýring við 9. gr.
Grein þessi fjallar um aðstoð til þess að
koma á fót vinnustöðvum fyrir öryrkja.
Hlutdeild erfðafjársjóðs í þessu efni er ekki
nýmæli, því að erfðafjársjóður hefur veitt
aðstoð af þesu tagi. IJað er hins vegar ný-
mæli í b-lið greinarinnar, þar sem gert er
ráð fyrir 20 ára hagkvæmu láni úr atvinnu-
leysistryggingasjóði. Hlutverk vinnustöðva
er að veita öryrkjum atvinnu eða þjálfa þá,
svo að þeir geti séð sér farborða með eigin
starfi. Hlutverk atvinnuleysistrygginga er
að Ixeta böl þeirra, sem atvinnulausir eru
og því í raun og veru hið sama og hlutverk
vinnustöðva samkvæmt frumvarpi þessu. Er
því eðlilegt að gera ráð fyrir aðstoð trygg-
inganna í þessu skyni.
10. gr.
Verði halli á rekstri endurhæfingarstöðv-
ar eða öryrkjavinnustofu, getur endurliæf-
ingarráð lagt til, að hann verði að einum
þriðja hluta greiddur úr atvinnuleysis-
tryggingarsjóði, að einum þriðja hluta af
lífeyrisdeild Tryggingastofnunar ríkisins og
að einum þriðja hluta af rekstraraðila, og
er þá stjórn atvinnuleysistryggingasjóðs og
tryggingaráði, hvoru um sig, heimilt að
veita styrki samkvæmt tillögum endurhæf-
ingarráðs.
Skýring við 10. gr.
Samkvæmt núgildandi lögum eru eng-
in ákvæði um aðstoð vegna rekstrarhalla
endurhæfingar- eða öryrkjavinnustofa. í ná-
grannalöndum okkar er þessu þó á annan
veg farið, þar bera opinberir aðilar eðlileg-
an halla af slíkum rekstri.
í grein þessari er lagt til, að halla slíkra
stöðva verði skipt jafnt á milli þriggja aðila,
atvinnuleysistryggingasjóðs, lífeyrisdeildar
Tryggingastofnunar ríkisins og rekstrarað-
ilans. Um hlutdeild atvinnuleysistrygginga-
sjóðs vísast til athugasemda við 9. gr. Þar
eð vel heppnuð endurhæfing mun létta
bótagreiðslur til ýmissa öryrkja eða jafnvel
spara þær alveg, virðist eðlilegt, að sá aðili,
nefnilega lífeyrisdeildin, sem greiðir ör-
orkubætur, styðji endurhæfingarstarfið, svo
sem hér er gert ráð fyrir. Til þess að tryggja
hagkvæman rekstur þessara stofnana þykir
nauðsynlegt, að þeir, sem annast rekstur
þeirra, beri sinn hluta í halla þeim, sem
óhjákvæmilega leiðir af rekstri stöðvanna,
ef þær annars eiga að ná þeim tilgangi, sem
þeim er ætlað.
11. gr.
Heimilt er að veita fé úr erfðafjársjóði
til þess að koma á fót dvalarheimilum fyrir
öryrkja, svo sem hér segir:
a. Lán, sem nemur allt að fjórðungi bygg-
ingarkostnaðar, sem vera skal með sömu
afborgana- og vaxtakjörum og lán ])au,
sem um ræðir í 7. gr. b.
b. Styrk, sem má nema allt að fjórðungi
byggingarkostnaðar.
Skýring við 11. gr.
Hentugt og gott húsnæði er eitt torleyst-
asta vandamál margra öryrkja. Greininni er
ætlað að létta undir byggingu íbúðarhús-
næðis fyrir öryrkja og skapa möguleika til
lágrar húsaleigu, sjá staflið b. í joessari grein.
Ætlazt er til þess, að þær framkvæmdir í
þessu efni, sem nú er byrjað á, hús Oryrkja-
bandalags íslands, Sjálfsbjargar og Blindra-
félagsins, geti notið þessarar fyrirgreiðslu.
R EYKJALUNDUR
21