Reykjalundur - 01.06.1971, Qupperneq 34

Gísli Jónsson
h e iðursfélagi S.I.B. S.
F. 17. ágúst 1889. — D. 7. október 1970
Þegar fregnin um andlát Gísla Jónssonar
barst, var mikill harmur kveðinn að hinum
mörgu vinum hans, ekki sízt félögum hans
innan S.I.B.S. Svo sár var harmurinn að
líkja mætti við missi göfugs föður, svo
traustum og ljúfum tengslum var hann
bundinn félaginu, svo djúp og elskurík
var vináttan og samstarfið heillaríkt. Við
vorum stolt og glöð yfir því hnossi að eiga
hann sem styrkan og föðurlegan vin. Við
vorum sæl að mega hlýta ráðum hans og
njóta verndar hans. Óhætt er að fullyrða,
að utan fjölskyldu hans þekktum við bezt
göfgi lians og kærleiksþel, enda nutum við
þess í ríkum mæli. Gísli Jónsson var um
áratuga skeið landskunnur að ágætum og
víðkunnur í nágrannalöndum, bæði á sviði
stjórnmála og viðskipta. Hans var rækilega
minnst við fráfall hans af einstaklingum
og félögum, sem með honum stijrfuðu á
furðulega mörgum sviðum mannlífsins,
Gisli Jónsson
enda margt frásagnarvert. Þótt hann kæmi
víða við sögu og dreifði kröftum sínum
meira en flestir aðrir, kom jrað eigi að sök,
alltaf var nóg af kjarki, dugnaði og hygg-
indum til alls þess, er hann tók sér fyrir
hendur. Hann var mikill á hvaða sviði
sem hann vann. Sú mikla saga verður ekki
rakin hér. Þess í stað viljum við í fáum
orðum orðum segja frá þeim þætti lífs hans,
sem við þekktum bezt, söguna af miskunn-
sama samverjanum í gervi Gísla Jónssonar.
34
REVKJALUNDUR