Reykjalundur - 01.06.1971, Qupperneq 54

Landsfundur S.f.B.S.
1971
Landsfundur sambandsstjórnar S.Í.B.S.
og fulltrúa deilda sambandsins var haldinn
á Akureyri dagana 18,—19. júlí 1971.
Fundinn sátu auk 7 sambandsstjórnar-
manna fulltrúar 10 deilda eða 17 menn
alls.
Þessi mál voru tekin til umræðu:
1. Fjárhagsáætlun S.Í.B.S. fyrir árið 1971.
2. Fyrirhugaðar framkvæmdir að Reykja-
lundi og samvinna við Geðverndarfélag
íslands.
3. Endurhæfingarlögin og viðhorfið til
samvinnu við önnur öryrkjafélög um
rekstur öryrkjavinnustofa.
Kjartan Guðnason varaforseti S.Í.B.S.
setti fundinn föstudaginn 18. júní kl. 2, en
Þórður Benediktsson forseti S.Í.B.S. gat
ekki sótt fundinn vegna veikinda.
Júlíus Baldvinsson skýrði fjárhagsáætl-
unina og bar saman við niðurstöðutölur
reikninga síðasta árs.
Árni Einarsson flutti erindi um fram-
kvæmdir þær, sem unnið er að á Reykja-
lundi, húsbyggingar og lagfæringu staðar-
ins utanhúss. Einnig ræddi hann um samn-
inga við Álafosshérað og samstarf að heil-
brigðismálum í héraðinu og að Reykja-
lundi, en héraðslæknirinn hefur setið þar
síðan árið 1966. Þá rifjaði hann upp samn-
inga S.I.B.S. og Geðverndarfélags fslands
frá árinu 1967 og fyrirhugaðan viðbótar-
samning milli félaganna í sambandi við
stækkun Reykjalundar. En að Reykjalundi
standa nú yfir miklar framkvæmdir, leng-
ing aðalhúss með bættri aðstöðu fyrir þjálf-
unardeildina, breikkun bakálmu og ýmsar
aðrar framkvæmdir til bættrar aðstöðu
vegna fjölgunar vistmannaplássa, en þeim
mun fjölga um 45. Eftir stækkun staðarins
munu verða þar um 190 vistmenn.
Oddur Ólafsson ræddi um höfuðmark-
mið endurhæfingar og þýðingu endurhæf-
ingar fyrir einstaklinginn og þjóðfélagið,
þá skýrði hann út hin nýju lög um endur-
hæfingu og frá skipan og starfi Endurhæf-
ingarráðs.
Jónas Björnsson, Siglufirði, ræddi um
nauðsyn þess að safna gögnum að sögu
S.Í.B.S. með því að safna saman fundar-
gerðum deilda sambandsins. Þar væri mik-
inn fróðleik að finna, sérstaklega um fyrstu
árin og aðdragandann að stofnun S.Í.B.S.
Eftir hádegi á laugardeginum 19. júní
var farið í heimsókn að Kristnesi og stað-
urinn skoðaður undir leiðsögn Snorra Ól-
afssonar yfirlæknis og síðan setzt að veizlu-
fagnaði í boði Kristneshælis. Jórunn Ólafs-
dóttir flutti fundinum ávarp og kveðjur frá
Sjálfsvörn að Kristnesi.
Kjartan Guðnason jrakkaði Berklavörn á
Akureyri og formanni deildarinnar Sigrúnu
Bjarnadóttur fyrir ágæt störf við undirbún-
ing fundarins og einnig þakkaði hann fyrir
ágætar móttökur að Kristnesi og sleit síðan
fundi.
Að loknum fundi bauð Berklavörn á Ak-
ureyri fundargestum til kvöldfagnaðar í
Sjálfstæðishúsinu á Akureyri.
54
REYKJALUNDUR