Reykjalundur - 01.06.1971, Page 55
17. þing S.Í.B.S.
17. þing S.I.B.S. var haldið að Domus
Medica í Reykjavík dagana 11.—13. sept-
ember 1970.
Við þingsetningu mættu sem gestir m. a.
forsetafrú Halldóra Ingólfsdóttir Eldjárn,
Jóhann Hafstein forsætisráðherra, Eggert
G. Þorsteinsson heilbrigðismálaráðherra,
Geir Hallgrímsson borgarstjóri, Gunnar
Thoroddsen heiðursfélagi S.Í.B.S., Maríus
Helgason fyrrverandi forseti S.Í.B.S., auk
þess gestir frá berklavarnafélögunum á
Norðurlöndum.
Kjartan Guðnason varaforseti S.Í.B.S.
setti þingið, en Þórður Benediktsson for-
seti S.Í.B.S. ávarpaði þingheim og gesti og
alveg sérstaklega Odd Ólafsson, sem ný-
lega hafði látið af störfum sem yfirlæknir
að Reykjalundi, en því starfi hafði hann
gegnt frá stofnun Reykjalundar eða í 25 ár.
Þakkaði Þórður honum allt hans mikla
starf fyrir S.Í.B.S. og Reykjalund og óskaði
þess að S.Í.B.S. mætti sem lengst njóta hans
ágætu starfskrafta. Þá flutti Alfred Lindahl
kveðjur frá DNTC, berklavarnasambandi
Norðurlanda, færði Reykjalundi gjafir frá
Svíum. Börge Nielsen formaður danska
berklavarnasambandsins flutti kveðjur þess
og gjafir, einnig flutti hann sérstakar kveðj-
ur frá Urban Hansen yfirborgarstjóra
Kaupmannahafnar.
Þingið sátu rúmlega 60 fulltrúar frá 11
deildum. Forseti þingsins var kjörin Elín
Jósefsdóttir, Hafnarfirði, og varaforsetar
Baldvin Jónsson, Reykjavík og Jórunn Ól-
afsdóttir, Kristnesi. Ritarar voru kjörnir
Skúli Jensson, Vífilsstöðum, Gunnlaug
Baldvinsdóttir, Reykjavík og I.ára Thorar-
ensen, Reykjavík.
Oddur Ólafsson fyrrverandi yfirlæknir
flntti fræðsluerindi um endurhæfingu og
skýrði út hin nýju endurhæfingarlög.
Þá var skipað í ýmsar starfsnefndir þings-
ins og vísað til þeirra Jreim tillögum, sem
borizt höfðu. Forseti S.Í.B.S. flutti skýrslu
sambandsstjórnar um starfsemina s.l. 2 ár,
Júlíus Baldvinsson flutti skýrslu um starf-
semina að Reykjalundi, Oddur Ólafsson
um Múlalund, Ólafur Jóhannesson urn
Vöruhappdrættið, Jórunn Ólafsdóttir um
starfsemina á vinnustofunum að Kristnesi,
Björn Guðmundsson flutti skýrslu Lána-
sjóðs S.Í.B.S. og Kjartan Guðnason um
Hlífarsjóð og einnig um starfsemi DNTC.
Að lokum flutti Oddur Ólafsson skýrslu um
starfsemi Öryrkjabandalags íslands. Júlíus
Baldvinsson lagði fram reikninga sam-
bandsins og skýrði þá.
Þá fluttu fulltrúar deildanna skýrslur
um starfsemi þeirra.
Laugardaginn 12. sept. var júngi fram
haldið að Reykjalundi og setzt þar að kaffi-
bórði og minnzt 25 ára afmælis staðarins.
Maríus Helgason flutti erindi um Reykja-
lund, upphaf hans og starf og er erindi
hans birt á öðrum stað hér í blaðinu. Einn-
ig flutti Laufey Sigurðardóttir ávarp, sem
einnig er birt í blaði Jressn.
REYKJALUNDUR
55