Reykjalundur - 01.10.1979, Blaðsíða 15
ast við störf hjá fyrirtæki því, er hann réðst
til.
Komi til riftunar samnings á atvinnurek-
andi ekki rétt á greiðslum frá Tryggingastofn-
un ríkisins nema hlutfall af þeim launum, sem
hann hefur greitt launþega.
9. gr.
Lífeyrisdeild Tryggingastofnunar ríkisins
skal hafa eftirlit með því að ákvæðum þessar-
ar reglugerðar sé fylgt.
10. gr.
Reglugerð þessi, sem sett er samkvæmt
ákvæðum til bráðabirgða í lögum nr. 59 20.
maí 1978 um breytingu á lögum nr. 67 20.
apríl 1971 um almannatryggingar, öðlast gildi
þegar við birtingu.
Heilbrigðis-
og tryggingamálaráðuneytið
19. júlí 1979
Magnús H. Magnússon
Páll Sigurðsson
Hér er, eins og sjá má, um að ræða tilraun
til þess að auðvekla öryrkjum leiðina út í at-
vinnulífið.
Þótt hundruð öryrkja séu að jafnaði úti á
vinnumarkaðinum hjá okkur, er það jafnan
nokkur hópur, sem ekki heppnast að koma
í vinnu á almenna vinnumarkaðinum, þótt
vitað sé, að hluti af þessum hópi hafi um-
talsverða vinnugetu.
Margt kemur til, að ekki tekst að nýta
þetta vinnuafl, jafnvel þótt gott ástand sé
á vinnumarkaðinum.
Þar á meðal er skortur á þjálfun í þeirri
starfsgrein, þar sem öryrkinn á auðveldast með
að njóta sín. Einmitt hérna kemur að haldi
nýmæli, sem reglugerðin fjallar um. Öryrkinn
fær starfsþjálfun í þeirri vinnu, sem liann get-
ur hugsað sér til frambúðar, á vinnustað, við
eðlileg skilyrði, þar sem hann umgengst fram-
tíðar vinnufélaga og lýtur stjórn, sem ein-
kennist af þörfum vinnumarkaðarins.
Hér er því um nýstárlegan lið í markvissri
starfsendurhæfingu að ræða og bæði eðlilegt
og skynsamlegt, að sá aðili, sem kostar endur-
hæfingu í landinu veiti hér þá fyrirgreiðslu,
sem um er rætt.
Trúlegt er að ýmsir örðugleikar komi í ljós
við framkvæmd þessa máls. Ég vona, að þeir,
sem að þessum málum vinna, gefist ekki upp,
jiótt á móti blási, heldur reyni að sneiða burt
vankantana, þannig að þessi leið til nýtingar
vinnuafls verði verulegur áfangi á leiðinni að
því marki að gefa öllum, sem það vilja og
geta, kost á því að vinna fyrir sér.
Reykjalundur
13