Morgunblaðið - Sunnudagur - 03.05.2015, Blaðsíða 25
Lífræn Jurtablanda
• Bætir meltinguna
• Brýtur niður fitu í fæðunni
• Hjálpar gegn brjóstsviða
• Dregur úr uppþembu
• Vatnslosandi
• Virkar fljótt
Nánari upplýsingar á www.heilsa.is
Fæst í apótekum og heilsuvöruverslunum
sem léttir
meltinguna
3.5. 2015 MORGUNBLAÐIÐ SUNNUDAGUR 25
Kylfingurinn Rúnar Arnórsson er kempa vikunnar.
Hann er fæddur og uppalinn í Hafnarfirði en nemur nú
sálfræði við University of Minnesota í Bandaríkjunum
og leikur golf með golfliði skólans.
Hvenær og hvernig kviknaði golfáhugi þinn?
Niðri í geymslu voru gamlar kylfur sem bróðir minn
hafði notað. Ég fór að leika mér að þessum kylfum og
fór síðan á námskeið. Ég var níu ára og hef ekki hætt
síðan.
Stundaðirðu íþróttir áður en golfið kom til?
Ég spilaði fótbolta frá fimm til tólf ára aldurs. Síðan
spilaði ég handbotla frá sextán ára til tvítugs.
Hvernig kom það til að þú færir til Bandaríkjanna?
Ég var búinn að spá lengi hvort ég ætti að fara. Í jan-
úar 2014 hafði gamall klúbbfélagi minn sam-
band við mig og spurði hvort ég hefði
áhuga á því að spila fyrir skólann. Hann
þekkir þjálfara skólans og það var eitt
laust pláss í liðinu. Ég var fljótur að
hoppa á þetta boð.
Hvernig er hefðbundinn
dagur hjá þér?
Ég vakna milli 5 og 7, er í
skólanum frá 9:30 til 12. Fer í
ræktina milli 12:30 og 13:30
og jóga einu sinni í viku
frá 6 til 7. Æfingar eru
alltaf milli 14 og 17. Eft-
ir það tekur lærdóm-
urinn við. Þarna inn á milli reyni ég að borða.
Hversu oft æfirðu?
Ég æfi að meðaltali fimm til sex daga vikunnar. Sum-
ar vikur er mót, þannig að þá keppi ég í stað þess að
æfa.
Áttu einhver áhugamál, fyrir utan golfið?
Mér finnst rosalega gaman að ferðast en að fara á
skíði með fjölskyldunni er uppáhaldsáhugamálið mitt
fyrir utan golfið.
Leggurðu mikið upp úr heilbrigðu líferni?
Ég reyni að passa hvað ég borða og að borða
nóg og reglulega. Þar sem dagskráin hjá mér
er þétt er stundum erfitt að borða bara hollt
en ég reyni eins og ég get. Einnig erum
við í líkamsrækt tvisvar til fimm sinnum
í viku.
Hverju þakkarðu
velgengni þína?
Ég segist oft vera hálfgert
íþróttanörd. Ég hef alltaf haft
rosalega gaman af því að stunda
íþróttir og að reyna að bæta
mig. Þannig að viljinn til að
verða betri hefur eflaust fleytt mér
langt. Einnig á ég góða að, bæði fjölskyldu og vini, sem
hafa stutt við bakið á mér. Það er ómetanlegur stuðn-
ingur.
Hvert telurðu vera þitt helsta afrek á sviði íþrótta?
Ég varð stigameistari á mótaröðinni heima sumarið
2013. Síðan á ég nokkra Íslandsmeistaratitla, bæði ein-
staklings og með klúbbnum.
Hvaða ráðleggingar hefurðu handa
byrjendum í golfi?
Þetta er þolinmæðiíþrótt. Það þarf vinnu til að ná
árangri en það er þess virði þegar æfingarnar fara að
skila sér. Ég segi líka oft að golf sé þannig íþrótt að
hvort sem þú talar við mig eða einhvern sem er
skemmra á veg kominn, þá eru sömu hlutirnir að valda
fólki vandræðum. Síðan er það gamla klisjan, að leggja
sig fram við æfingar, æfa meira en aðrir og þora að ná
árangri.
Hverjar eru helstu fyrirmyndir þínar?
Tiger Woods og Rory McIlroy eru mínir
uppáhaldskylfingar. Þeir hafa báðir verið bestir
í heimi í golfi og eru frábærir íþróttamenn. Ég
hef einnig alltaf litið upp til Guðjóns Vals Sig-
urðssonar handboltamanns. Hann er ótrúlegur
afreksmaður og fyrir mér er hann frábær
leiðtogi og einstaklingur sem allir ungir
íþróttamenn ættu að geta litið upp til.
Einnig get ég ekki annað en litið upp til
foreldra minna og systkina. Þau eru
alltaf til taks, hvort sem er til að fagna
sigri eða að komast yfir tap.
Hvaða áfanga fagnaðir
þú síðast í golfinu?
Við í liðinu mínu hér úti enduðum
í þriðja sæti í deildinni okkar núna
um helgina. Við erum ungt lið og all-
ir mjög spenntir fyrir næstu tímabil-
um.
Hvað er á döfinni?
Tímabilið með liðinu mínu er búið
núna. Ætli ég taki ekki nokkra daga í
frí og undirbúi svo sumarið. Ég byrja
að keppa á Íslandi í lok maí.
Hvernig sérðu lífið fyrir
þér eftir tíu ár?
Þetta erfið spurning! Ég er búinn
með eitt ár af fjórum hér í Bandaríkj-
unum. Markmið mitt þessi fjögur ár er
að njóta þess sem ég er að gera. Ég vil
klára nám en einnig verða eins góður og
ég get í golfi. Ef golfið gengur vel get ég
hugsað mér að reyna atvinnumennsku.
Vonandi get ég litið til baka og verið sátt-
ur við þær ákvarðanir sem ég hef tekið.
KEMPA VIKUNNAR RÚNAR ARNÓRSSON
Æfir golf í Bandaríkjunum
Smáforritið Drugs.com heldur utan um lyf notenda, veitir upplýs-
ingar um auka- og milliverkanir lyfja og getur einnig greint óþekktar
töflur eftir útliti þeirra. Drugs.com fæst fyrir Android og iOS en
kemur að sjálfsögðu ekki í stað ráðgjafar heilbrigðisstarfsfólks.
Óþekkt lyf greind til tegunda* Dýrmætasta gjöfin sem þú getur gefiðfjölskyldu þinni og heiminum öllum erað mínu mati að huga að heilsu þinni.
Joyce Meyer
Rannsóknum á flestum sviðum vís-
inda fleygir ört fram. Meðal þess
heitasta á sviði næringar- og lækn-
isfræði þessi misserin er áhrif eðli-
legrar örveruflóru í meltingarvegi á
starfsemi líkamans. Rannsóknir
hafa sýnt að breytingar á örveru-
flóru músa virðast breyta hegðun
þeirra. Vísindamenn við California
Institute of Technology (Caltech)
gætu nú hafa komist nær ástæðu
slíkra atferlisbreytinga. Álitið er að
allt að 90% alls serotonins sé fram-
leitt í meltingarvegi og að ýmsir al-
gengir sjúkdómar geti raskað þeirri
framleiðslu, t.d. beinþynning og
hjartasjúkdómar. Í rannsókn vís-
indamannanna kom fram að mýs án
allra örvera í meltingarvegi fram-
leiddu allt að 60% minna serotonin
í meltingarvegi sínum en mýs sem
höfðu eðlilega örveruflóru. Sero-
tonin er eitt mikilvægasta tauga-
boðefni líkamans og er gjarnan
tengt vellíðan og hamingju. Sero-
tonin er einnig undirstaða virkni
margra algengra geðlyfja og gæti
uppgötvun vísindamannanna því
haft mikið vægi þegar fram í sækir
og bætt virkni slíkra lyfja.
Örverur og hamingja
Framleiðsla músa á taugaboðefninu
serotonini var mæld í rannsókninni.
Morgunblaðið/G.Rúnar
Maímánuður færir flestum nem-
endum landsins miklar annir og er
þá hætt við því að hreyfing og hollt
mataræði gleymist enda ganga ein-
kunnirnar oft fyrir. Engin ástæða er
þó til að láta heilsusamlega lifn-
aðarhætti sitja á hakanum þennan
annasama tíma og raunar getur það
ýtt undir góðan námsárangur að
sinna jafnt líkamlegri sem andlegri
heilsu þegar álagið er mikið. Auð-
velt er að gæta þess að hafa ávallt
hollt snarl við höndina ef verslað er
fyrirfram. Tímafrekt getur verið að
fara í ræktina en rösklegur göngu-
túr um nágrennið tekur oft styttri
tíma og er jafnhressandi. Arm-
beygjur, magaæfingar og fleiri æf-
ingar má gera hvar sem er. Lesi
nemendur heima við getur einnig
verið ómetanleg hvíld í því að loka
bókunum í nokkrar mínútur, setja
fjörugt lag á fóninn, stilla hátt og
dansa líkt og enginn sjái til.
Hætt er við því að hreyfing og hollt mataræði séu ekki í forgangi nemenda þeg-
ar próf nálgast. Hreyfingin þarf þó ekki að taka langan tíma frá próflestri.
Morgunblaðið/Ernir
Dansað í prófatíð
M
or
gu
nb
lað
ið
/St
yr
m
ir
Ká
ri
Ávaxtasafar innihalda oftar en ekki
mikið magn af sykri. Í rauninni eru
ávaxtasafar ekki svo frábrugðnir
gosdrykkjum hvað sykurmagn
varðar. Ef ávaxtasafar eru í miklu
uppáhaldi er snjallt að skera niður
ávexti og setja þá í könnu af vatni.
Appelsínur, jarðarber, sítrónur,
greip, kíví og fleiri ávextir eru til-
valdir út í vatnið til að gera það að-
eins meira spennandi.
Skerum allskonar ávexti út í vatn í
staðinn fyrir að drekka ávaxtasafa.
Ávextir í vatni
í staðinn