Morgunblaðið - Sunnudagur - 03.05.2015, Blaðsíða 36

Þó að allir séu uppteknir af Apple-úrinu er þaðekki það eina forvitnilega sem frá fyrirtækinuhefur komið undanfarið, þar á meðal nýjar far-
tölvur, ný MacBook til að mynda, sem kemur á
markað eftir nokkrar vikur, en líka uppfærðar eldri
gerðir, þar á meðal á MacBook Pro, einni bestu far-
tölvu á markaðnum sem stendur. Uppfærslurnar eru
ekki miklar, betri örgjörvi, hraðvirkara minni, betra
skjákort, betri gagnagátt við harða diskinn og betri
rafhlaða, en safnast þegar saman kemur. Svo er eitt
verulega forvitnilegt við vélina, en það er nýr snerti-
flötur sem er býsna byltingarkenndur.
Það má dunda sér við sitthvað, til að mynda að
spyrja Google hvaða fartölvur séu best-
ar og sjá: Efst á flestum listum síðustu
ár hefur verið eitthvert afbrigði af
MacBook Pro og nú er það nýjasta kom-
ið á toppinn ef leitað er eftir bestu fartölvum
ársins 2015. Það spilar ýmislegt saman, útlit og hönnun er
náttúrlega fyrsta flokks, eins og
sjá má á meðfylgjandi myndum,
innvolsið er líka í fremstu röð og
svo er það rafhlaðan, sem er betri
en þig grunar og reyndar betri en
rafhlöður í flestum Windows-
fartölvum sem ég hef komist í
tæri við: Að sögn framleiðanda
endist rafhlaðan í allt að tíu tíma
með þráðlausa netið í gangi en
allt að tólf tíma ef horft er á kvik-
mynd í vélinni. Því til viðbótar gefa menn svo upp að vélin
getið verið í biðstöðu í allt að þrjátíu daga. Víst er rétt að
taka öllum slíkum tölum frá framleiðendum sem vísbendingu
en ekki staðreynd, en reynslan segir að þetta er ekki svo
ýkja langt frá sannleikanum. Einna merkilegast við þessa
rafhlöðuendingu er að skjárinn á vélinni er með magnaðri
upplausn. 13,3" skjár er á vélinni sem ég kynnti mér með
2.560 x 1.600 díla upplausn, sem gefur 227 díla á tommu.
Skjákortið sem knýr skjáinn er líka mjög gott. Væntanlega
ræður einhverju um það hve skjárinn er sprækur og spar-
neytinn að minnið í vélinni er hraðvirkara en forðum, 1.866
MHz LPDDR3 SDRAM. Það voru 8 GB í vélinni sem um
ræðir, en hægt er að kaupa uppfærslu í 16 GB þegar vélin
er keypt og þó að 8 GB séu eflaust nóg í flestum tilfellum,
þá er eiginlega ekki hægt að vera með of mikið innra minni
í tölvu.
Örgjörvinn í grunntýpunni er 2,7 GHz tveggja kjarna In-
tel i5 örgjörvi, Broadwell.
Broadwell-örgjörvinn er reyndar ekki miklu hraðvirkari
en Haswell-örgjörvarnir sem voru í eldri MacBook Pro-
vélunum, en hann er mun sparneytnari.
Að lokum má svo nefna það sem eru ein mestu tíðindin
við apparatið, í það minnsta hvað varðar daglega notkun,
en það er Force-Touch-snertiflötur eða músarflöturinn sem
frekar er greint frá hér fyrir neðan. Hann kemur á óvart
og tekur smátíma að venjast honum. Til að byrja með
fannst mér hann óþægilega næmur, en svo venst hann
fljótlega og smám saman áttar maður sig á því hve þetta
er mikil snilldar viðbót – snertingin verður miklu næmari
enda finnur maður miklu betur fyrir henni, eða finnst mað-
ur finna betur fyrir henni. Að því sögðu þá á upplifunin ef-
laust eftir að verða miklu betri með tímanum, bæði eftir
því sem maður venst fletinum og líka þegar forrit fara að
nýta hann betur.
Á SÍÐUSTU ÁRUM HAFA MACBOOK PRO
VERIÐ ÞAULSÆTNAR Í EFSTU SÆTUM YFIR
BESTU FARTÖLVUR HEIMS FYRIR FRÁBÆRT
ÚTLIT, ÖFLUGA TÆKNI OG FRAMÚRSKAR-
ANDI RAFHLÖÐUENDINGU. NÝ ÚTGÁFA
Á 13" GERÐINNI FESTIR HANA ENN Í SESSI
Á TOPPNUM ÞÓ AÐ UPPFÆRSLAN SÉ EKKI
BYLTINGARKENND.
* Á netinu hefur gengið myndband þar sem spænskispaugarinn El Risitas gerir grín að væntanlegri MacBook,
og það sem vekur hjá honum hvað mesta kátínu er að á
vélinni er ekki nema eitt tengi, USB-C-tengi sem virkar
eins og einskonar fjöltengi fyrir straum og gagnatengi.
Ekki er hægt að kvarta yfir skorti á tengju á MacBook
pro – á henni eru tvö USB 3-tengi, Thunderbolt-tengi og
HDMI-tengi og einnig rauf fyrir SDXC minniskort.
* Vélin sem ég skoðaði var 13" MacBook Pro með13,3" Retina-skjá og 512 GB SSD-diski. Í vélinni er 2,9
GHz tveggja kjarna Intel Core i5-örgjörvi, með Turbo
Boost í allt að 3,1 GHz. Skyndiminni er 3 MB og 8 GB-
vinnsluminni. Skjákortið er Intel Iris 6100. Hún kostar
369.990 kr. hjá Epli.is. Hægt er að kaupa uppfærslu í 2,9
GHz Broadwell eða í 3,1 GHz i7 Broadwell, sem er
með 4 MB skyndiminni og þá erum við farin að fara
býsna hratt.
Græjan
ÁRNI
MATTHÍASSON
MacBook Pro
með 13,3"
Retina-skjá.
ENDURBÆTT MACBOOK PRO
Græjur
og tækni
Spjaldtölvur á fallanda fæti
Microsoft
Surface 3 *Heldur dró úr sölu á spjaldtölvum á síðastaári og samdrátturinn heldur áfram ef markamá nýjustu tölur. Samdrátturinn er mestur áiPad og álíka lyklaborðslausum spjaldtölvum,en sala eykst aftur á móti á spjaldtölvum sembreyta má í fistölvur á einfaldan hátt endafylgir þeim lyklaborð, jafnvel í loki tölvunnar,
eins og til að mynda í Microsoft Surface 3,
sem er nær fistölvu en spjaldtölvu.
Eins og getið er um hér fyrir ofan byggist
snertiflöturinn á tölvunni, músarflöt-
urinn, á nýrri tækni sem Apple kallar
Force Touch, en hefur líka verið kallað
snertivél. Það eru engir hnappar lengur
við músarflötinn, líkt og hefur verið, enda
má segja að flöturinn allur sé einn hnapp-
ur, en það eru skynjarar í hverju horni
hans.
Þegar maður styður á flötinn finnst
manni sem hann sé að svara, enda er lítill
mótor í fletinum sem framkalla samsvar-
andi viðbragð. Það er nánast eins og
maður sé að ýta fingrinum í gegnum flöt-
inn – frekar sérkennilegt til að byrja með,
en venst fljótt.
Það er reyndar hægt að stilla snerti-
flötinni nýja svo að hann hagi sér eins og
venjulegur músaflötur nánast að öllu
leyti, en það borgar sig að gefa honum
smátíma og eins að prófa mismunandi
stillingar til að ná sem bestum tökum á
honum. Mér fannst flöturinn fullnæmur
til að byrja með, allt val var í tómu rugli,
enda búinn að vera með ýmsar gerðir af
snertiflötum og suma ansi frumstæða –
ég var eiginlega ekki viðbúinn því hve
hann svaraði snertingunni vel.
Vélin bregst við á mismunandi hátt eftir
því hve fast er þrýst á flötinn og til að
mynda er hægt að hraðspóla bíómynd eð
þrýsta fast á flötinn. Mér fannst það líka
sniðugt að ef ég þrýsti aðeins fastar á
tengil í Safari með fingrinum þá birtist
smámynd af viðkomandi vefsíðu og svo
er það líka snjallt að hægt er að fá upp
kort af heimilisfangi í dagbókinni með því
að þrýsta fast á það.
SNERTIVÉLIN
Snerting í öðru veldi
Það borgar sig að
taka smátíma í að
stilla snertiflötinn
nýja og prófa mis-
munandi stillingar.