Morgunblaðið - Sunnudagur - 17.05.2015, Blaðsíða 40
Tíska
Cara Delevingne í Sci-fi kvikmynd
AFP
*Ofurfyrirsætan Cara Delevingne hefur landaðhlutverki í nýjustu mynd leikstjórans Luc Bes-son. Kvikmyndin er gerð eftir Sci-fi-bókaflokkn-um Valerian eftir Pierre Christin and Jean-Claude Mezieres. Besson leikstýrði til aðmynda Sci-fi-myndinni The Fifth Element og lékþá fyrrverandi fyrirsætan Milla Jovovich eitt af
aðahlutverkunum.
H
ver hafa verið bestu kaupin þín fatakyns? Ég reyni að taka ekki miklu ástfóstri við
fötin mín og tekst það misjafnlega vel því sum kaup eru hreinlega bara betri en
önnur – það verður að viðurkennast. En ég myndi segja að bestu kaupin mín núna
nýverið séu án efa Vila-leðurjakkinn minn og Selected-gallaskyrtan mín. Geggjaðar
flíkur sem ég er búin að nota mjög mikið og ganga við allt.
En þau verstu? Það gef ég ekki upp svona opinberlega …
Manstu eftir einhverjum tískuslysum sem þú tókst þátt í? Já, eflaust ef ég myndi leggja
höfuðið í bleyti. Annars held ég að ég hafi sloppið nokkuð vel að frátöldum Buffalo-skónum hér
um árið – það var nú meira tískuslysið.
Hvaða þekkta andlit finnst þér með flottan stíl? Það eru nokkrar flottar skvísur þarna úti
sem hafa skemmtilegan stíl en ég hef aðeins verið að fylgjast með Robin Wright núna upp á
síðkastið en hún hefur ofboðslega flottan og klassískan stíl sem ég fíla.
Ef þú fengir aðgang að tímavél sem gæti flutt þig aftur til árs að eigin vali og þú fengir
dag til að versla, hvaða ár myndirðu velja og hvert færirðu? Ég hugsa að ég myndi fara
aftur til ársins 1950 þegar konur voru að mestu í kjólum og kvenlegar línur endurspegluðu
klæðaburð þeirra. Á þessum tíma var mikið lagt upp úr efnisvali, smáatriðum og sniðum og
það væri gaman að fá að máta alla þessu flottu kjóla. Spurning hvort maður
myndi ekki skella sér í Selfriges og upplifa stemninguna.
Hvernig myndir þú lýsa þínum fatastíl? Ég hugsa að ég myndi lýsa
fatastílnum mínum sem frekar klassískum, ég kann vel við mig í galla-
buxum, þægilegum bol og leðurjakka en finnst alveg svakalega gaman
að klæða mig upp við skemmtileg tilefni og ég elska að vera í kjólum.
Kjólarnir mínir eru flestir frekar einfaldir og fallegir en mér finnst
skipta máli að þeir hafi einhverja „deataila,“ eitthvað sem brýtur upp
einfaldleikann. Fylgihlutir eru nauðsynlegir og dásamleg
leið til að brjóta upp hefðbundinn, klassískan fatnað og
ég efa að þú nappir mig einhvers staðar án þess að ég sé
með einhvern fylgihlut, þeir skipta bara svo miklu máli.
Og svo eru það skórnir, við konurnar eigum þetta eflaust sam-
eiginlegt … Ég elska skó. Því fleiri skór því betra! „Give
a girl the right shoes and she can conquer the world.“ –
Marilyn Monroe
Hverju er mest af í fataskápnum? Ég hugsa að það
sé mest af jökkum í fataskápnum mínum þessa
stundina. Það er svo mikið til af fallegum jökkum
og sérstaklega núna þegar sumarið fer að nálgast
þá fyllast búðirnar af geggjuðum jökkum, blaser-
um og trenchcoat. Ég hef verið svolítið dugleg að
heimsækja Vero Moda og Vila undanfarið enda
endalaust úrval af fallegum jökkum. Næst á eftir jökk-
unum held ég að það séu kjólarnir mínir, klassískir kjólar
sem ég get dressað upp og niður eftir því hvert ég er að
fara. Kjólarnir í Selected eru í sérstöku uppáhaldi og eru
plássfrekastir í skápnum mínum þessa stundina.
Áttu þér eitthvert gott stef, ráð eða mottó, þegar kemur að fatakaupum?
Já, ég á alveg nokkur góð stef sem hjálpa mér móralslega og vitnaði ég í eitt
hérna áðan þegar við fórum aðeins yfir mikilvægi þess að eiga nóg af skóm. Ég
skal líka deila einu skemmtilegu með ykkur sem ég rakst á fyrir einhverjum ár-
um „Whoever said that money cant buy happiness, simply didn’t know where to
go shopping.“
Hvaðan sækir þú innblástur? Ég held að ég sæki innblástur í tíðarandann
hverju sinni, ég reyni að fylgjast vel með því sem er að koma og hvað er í
gangi enda kannski annað óhjákvæmilegt starfandi hjá Bestseller. Innblást-
urinn kemur sjálfsagt mikið þaðan, þegar maður lifir og
hrærist í tískunni alla daga, vinnur með myndir, liti, stíla og
mynstur og veit hvað verður inn næstu jól og næsta vor
smitast maður eflaust hratt.
Hvað heillar þig við tísku? Sniðin, litirnir, mynstrin, sam-
setningarnar og karakterinn sem tískan skapar, það er það
sem heillar mig mest. Það er svo gaman að sjá hvernig tísk-
an endurspeglar mismunandi karaktera hjá fólki. Eins er
gaman að fylgjast með því hvað tískan hefur mikil áhrif, á
alla hvort sem það eru konur eða karlar, börn eða unglingar
og hvaða hún kemur. Við sjáum alveg jafnt hvernig tískan
hefur áhrif í barnafataversluninni name it eins og í
Jack&Jones eða Vila og hvernig tískan fer í hringi.
ÞVÍ FLEIRI SKÓR ÞVÍ BETRA
Lovísa kann vel við sig í
gallabuxum, þægilegum bol
og leðurjakka en finnst
gaman að klæða sig upp
við skemmtileg tilefni.
Morgunblaðið/Kristinn
Sækir innblástur
í tíðarandann
LOVÍSA ANNA PÁLMADÓTTIR, MARKAÐSSTJÓRI BESTSELLER, ER MEÐ KLASS-
ÍSKAN FATASTÍL OG HEFUR GAMAN AF ÞVÍ AÐ KLÆÐA SIG UPP VIÐ TÆKI-
FÆRI. LOVÍSA SEGIR FYLGIHLUTI SKIPTA MIKLU MÁLI OG AÐ ÞEIR SÉU
SKEMMTILEG LEIÐ TIL AÐ BRJÓTA UPP HEFÐBUNDINN FATNAÐ.
Sigurborg Selma Karlsdóttir sigurborg@mbl.is
Leðurjakkinn
úr Vila er miklu
uppáhaldi hjá
Lovísu.
Falleg, víð
gallaskyrta úr
Selected.
Lovísa myndi vilja fara aftur til árs-
ins 1950 þegar konur voru að
mestu í kjólum og kvenlegar línur
endurspegluðu klæðaburð þeirra.
Robin Wright
hefur flottan og
klassískan fatastíl.