Morgunblaðið - Sunnudagur - 17.05.2015, Blaðsíða 58
58 MORGUNBLAÐIÐ SUNNUDAGUR 17.5. 2015
Bækur
Per er smiður, hreint afbragðsgóðursmiður. Hann sagar og neglir af mik-illi kostgæfni. Per starfar á dálitlu
smíðaverkstæði í bakhúsi við baunalager
nokkurn. Í bakhúsi þessu er einnig að finna
argentínskan vöfflugerðarskóla og tólf feta
langan málmsívalning sem kallar sig Þóri.“
Svo hefst Smiður finnur lúður, sem kom út
um síðustu jól, en eins og nafnið gefur til
kynna, fjallar bókin um það er smiðurinn Per
finnur lúður sem á eftir að hafa töluverð áhrif
á smíðalíf hans.
Höfundur bókarinnar er Per: Segulsvið,
texta- og tónsmiður en ekki smiðurinn Per,
heldur standa þeir félagar Ólafur Josepsson,
Svanur Magnús og Árni Þór Árnason að Per:
Segulsviði.
Það er nokkuð á reiki hvenær Per: Segul-
svið varð til, Ólafur segir 2001 en Svanur
heldur að það sé jafnvel eitthvað lengra síðan
þeir félagar fóru að hittast í kjallarakompu
og kasta á milli sín skringilegum hug-
myndum. „Þetta var um það leyti sem Staf-
rænn Hákon varð líka til,“ segir Ólafur og
vísar í aukasjálf sitt sem tónlistarmaður, en
Stafrænn Hákon hefur gefið út allmargar
plötur og víða farið við að kynna þær á tón-
leikum.
Fyrstu skissurnar af Per: Segulsviði birtast
í Ökklum, sem gefnir voru út á Bandcamp-
.com 2003, en í því safni er líka að finna upp-
tökur frá því er þeir Svanur og Ólafur deildu
íbúð í Kaupmannahöfn um tíma. „Svanur
stalst í græjurnar mínar einhverntímann og
byrjaði að taka upp sjálfur og þá var ekkert
hægt að stoppa það,“ segir hann og þeir
skella uppúr að minningunni Svanur og Ólaf-
ur. Lögin á Ökklum eru mörg sérkennileg og
Ólafur og Svanur segja að tilurð þeirra hafi
líka oft ekki verið hefðbundin, til að mynda
hafi sum laganna byrjað ævina sem titill. Er
ég hóran þín, Teddy? sé þannig eitt dæmi um
það, „en lögin voru þó ekkert endilega um
það sem titillinn benti til,“ segir Svanur.
Ekki var þó bara að oft væri ekkert sam-
hengi á milli laganna og titilsins, heldur segir
Ólafur að þeir hafi lagt talsvert á sig til að
vera eins lélegir og hægt væri. „Við vorum
ekki góðir, en við reyndum að gera þetta enn
lélegra.
Svo var Svenni búinn að gera örsögur og
okkur datt í hug að gera tónlist við það og
lesa sögurnar yfir músíkina. Það varð svo að
Kysstu mig, þungi Spánverji. Við prentuðum
hann sjálfir heima hjá mér og settum hann
svo í 12 Tóna þegar við komum heim um jólin
2004.“
Það er súrrealískur þráður i öllu því sem
Per: Segulsvið gerir og þeir segja að svo hafi
það verið alla tíð: „Okkar samskipti byrjuðu
eiginlega á þeim nótum,“ segir Svanur. „Það
var alltaf súrrealískur, galsafenginn vinkill á
öllu sem við gerðum.“
Svanur flutti heim til Íslands 2005 og Ólaf-
ur varð eftir úti. Nokkru síðar hitti hann þar
gamlan kunningja frá Íslandi, Árna Þór
Árnason, og þeir tóku að fást við músík sam-
an, þá sem Stafrænn Hákon, en þegar þeir
voru allir komnir heim til Íslands 2010 urðu
Per: Segulsviðsfélagar þrír og eru svo enn.
„Þá fórum við að pæla í að gera bók og þá
rafræna barnabók fyrir tölvur,“ segir Ólafur,
„en fyrsta uppkastið þótti lélegt,“ segir Árni,
„og þess vegna tafðist þetta ansi lengi, svo
lengi að platan Tónlist fyrir Hana kom út á
undan bókinni – Óli var orðinn óþolinmóður,“
segir hann og kímir.
Annað sem tafði bókina var að það vildi
enginn gefa hana út. „Það vissi enginn i
hvaða hillu átti að setja hana í bókabúðinni,“
segir Árni og Ólafur heldur áfram „en svo
þegar Karolina fund varð til þá var það snilld
og við fórum beint í það. Þetta var náttúrlega
stutt ferli, bara þrjátíu dagar, og við vorum
stressaðir yfir að þetta myndi ekki nást, en
það fór svo vel af stað að allt stress hvarf.
Svo vorum við búnir að ákveða að gera þetta
samt þó það næðist ekki öll fjármögnunin.“
„Við vitum alveg hvað við viljum gera við
afganginn, vakumpakka þeim og selja sem
álegg við hliðina á pepperóníinu,“ segir Árni,
„að selja bókina í kjötborðinu, láta hana
hanga á kjötkrókum,“ segir Ólafur. „Verk-
efnið er eiginlega búið fyrir okkur núna,“
segir Svanur, „en þetta eru náttúrlega fyr-
irtaks fermingargjafir, hver þarf vélsleða?“
Þeir segjast í raun aldrei hafa búist við því
að bókin myndi koma út, en nú langi þá að
gera meira, það sé nóg af hugmyndum. „Við
höfum lengi verið með í pípunum að gera
dansverk,“ segir Svanir en tekur fram að þeir
myndu ekki dansa í því sjálfir. „Svo höfum
við talað um að setja saman meiri texta, en
það heitasta er að gera styttu, fallega styttu
og koma henni fyrir á góðum stað, en aðal-
málið er kannski hvar við myndum koma
henni fyrir,“ segir Ólafur og Árni bætir við:
„Og svo verður hún að vera þung að það sé
ekki hægt að færa hana, annars verður hún
strax fjarlægð.“
SÚRREALÍSKUR VINKILL
Smiður finnur lúður
Texta- og tónsmiðirnir sem skipa Per: Segulsvið; Ólafur Josepsson, Svanur Magnús og Árni Þór Árnason.
SMIÐUR FINNUR LÚÐUR, TÆKI-
FÆRISBÓK EFTIR PER: SEGULSVIÐ
HEITIR BÓK SEM FJÁRMÖGNUÐ ER
Í GEGNUM KAROLINA FUND OG
HELST MÁ LÝSA SEM SÚRREALÍSKRI
BARNABÓK FYRIR FULLORÐNA.
Árni Matthíasson arnim@mbl.is
Tónlist fyrir Hana Kysstu mig þungi SpánverjiÖkklar Smiður finnur lúður
* Það er súr-realískurþráður í öllu því
sem Per: Segul-
svið gerir og þeir
segja að svo hafi
það verið alla tíð.
Við eigum nú eiginlega of mikið af bókum, var eiginlega minntur
á það um daginn þegar við fluttum, hver níðþungi kassinn á fætur
öðrum merktur „bækur“ þannig að það er nú um nokkuð auð-
ugan garð að gresja. Ég safna gömlum ljóðabókum, Einar Ben,
Davíð Stefánsson og Jónas Hallgrímsson eru í
sérstöku uppáhaldi og hillan ber merki þess.
Þó eru þar margir fleiri auðvitað en ég hef
aldrei spurt konuna hvort þetta sé í lagi en
hún væri væntanlega búin að henda þessu inn
í geymslu ef þetta væri ekki lagi.
Svo eigum við nokkuð af allskonar sam-
tímabókum tengdum því sem við erum að
bardúsa í, samanber viðskipti, listir, almanna-
tengsl, markaðsmál, og ævisögur skemmtilegra persóna frá
poppi yfir í pólítík. Sem og bækur um strauma og stefnur sam-
félagsins almennt og allt eru þetta fínustu bækur.
Þó verð ég að segja að ævisaga dr. Benjamíns H.J. Eiríkssonar
frá Hafnarfirði skráð af Hannesi Hólmsteini Gissurarsyni er í
sérstöku uppáhaldi hjá mér. Dr. Benjamín var langömmubróðir
minn og hafði mikil áhrif á sinn samtíma. Hann braust til mennta
við erfiðar aðstæður og meira en það í raun, hann bjó og nam
bæði í Rússlandi og í Bandaríkjunum á umbrotatíma í heimsög-
unni og titillinn „Í stormum sinna tíða“ er engin ofsaga. Mér þyk-
ir mikið til þessa frænda míns koma. Ég las bókina alla þegar ég
var yngri og ég les kafla hér og þar í bókinni öðru hverju ennþá í
dag. Hún er ágætis áminning um hvar við vorum og hvar við er-
um sem bæði sem þjóð og samfélag. Lífshlaup hans var vægast
sagt áhugavert, sama hvort menn aðhyllast skoðanir hans eða
ekki.
Mér hafa svo áskotnast bækurnar hans ein af annarri þó þær
séu löngu ófáanlegar í venjulegum bókabúðum. Bragi Kristjóns-
son hjálpaði mér eitthvað og Kolfinna Baldursdóttir man ég að
kom einni á mig þannig að þetta hefur borist mér úr öllum átt-
um. Þessar bækur eru þarna upp í hillu við hliðina á nokkrum
góðum bókum um Kennedy, Reagan, Clinton, Blair og fleiri
minni spámenn.
BÆKUR Í UPPÁHALDI
EINAR BÁRÐARSON
Einar Bárðarson heldur mikið upp á ævisögu frænda síns úr
Hafnarfirði, merkismannsins Benjamíns H.J. Eiríkssonar.
Morgunblaðið/Ómar