Morgunblaðið - Sunnudagur - 31.05.2015, Blaðsíða 8
8 MORGUNBLAÐIÐ SUNNUDAGUR 31.5. 2015
Það eru tveir kostir við dreifingu raf-magns hér á landi og hvorugur galla-laus. Rafmagnslínur í lofti rjúfa útsýni
og geta á sumum svæðum eyðilagt upplifun
manna af náttúrunni þótt vissulega geti há-
spennumöstur verið hin mestu listaverk. Jarð-
strengir verða ekki lengri en um 70 km, að því
er mér skilst, og lagning þeirra hefur vissu-
lega jarðrask í för með sér, oft óafturkræft,
sem ekki er boðlegt á viðkvæðum svæðum.
Álitaefni varðandi lagningu raflína voru til
umræðu á alþingi í vikunni þegar ályktað var
um stefnu stjórnvalda. Í henni er margs konar
umhverfissjónarmiðum gefið vægi með því að
sérstaklega er kveðið á um að jarðstrengir
verði hafðir að leiðarljósi við tilteknar að-
stæður. Alþingi ályktar einnig að við sérstakar
aðstæður, t.d. á viðkvæmum svæðum af ýms-
um toga, skuli meta í hverju tilviki fyrir sig
hvort heppilegra sé að leggja jarðstrengi frem-
ur en loftlínur í meginflutningskerfi raforku,
jafnvel þótt það væri dýrari kostur. Jarð-
strengir eru ávallt dýrari en loftlínur. Þess
vegna felur þessi ályktun í sér mikilvæga
stefnumörkun og mikinn stuðning alþingis við
þá leið að leiða rafmagn í jörð þar sem það á
við. Samt sem áður tókst að mynda örlitla
geðshræringu um málið við atkvæðagreiðslu og
látið að því liggja að stórkostlegur ágreiningur
væri með stjórn og stjórnarandstöðu í málinu.
Allaf þurfa vinstri menn að reyna að eigna sér
ástina á umhverfinu. Ekkert er þó fjær sanni
en að vinstri stefna, þjóðnýting og almanna-
eign, leiði til umhverfisverndar. Þvert á móti
er vel skilgreindur eignarréttur hin besta nátt-
úruvernd.
Þegar kostnaður við lagningu rafstrengja er
metinn er sjálfsagt að taka með í reikninginn
fleira en efniskostnað og framkvæmdakostnað.
Hvers virði er til dæmis útsýnið? Svarið við
þeirri lykilspurningu felst í eignarréttinum.
Þannig hafa landeigendur staðið gegn röskun
landsvæða, oft með umhverfissjónarmið að
vopni. Ríkisvaldið hefur hins vegar látið sér
fátt um finnast og kaffært slík sjónarmið með
eignarnámi án þess þó nokkurn tímann að
verðleggja útsýnið eða önnur óáþreifanleg
náttúrugæði, því miður.
Náttúran á svo sannarlega sinn rétt og íbúar
þessa lands eiga ekki annað skilið en að gætt
sé að honum við allar framkvæmdir. Umhverf-
isvernd þarf hins vegar ekki á geðshræringu
eða einstrengingi að halda. Þess vegna er
ánægjulegt að nú liggi fyrir viðmið um hvenær
jarðstrengur skuli valinn í stað loftlínu þótt
það sé dýrara. Af þessum viðmiðum má svo
ráða í hverja átt þróunin liggur í lausn á þess-
um lúxusvanda þjóðarinnar.
Að leiða mál í jörð
* Það er gaman að eigavið lúxusvanda að etjaog gefur oft tilefni til hugleið-
inga um prinsippin.
ÚR ÓLÍKUM ÁTTUM
Sigríður Ásthildur
Andersen
sigga@sigridurandersen.is
Lára Björg
Björnsdóttir,
pistlahöfundur og
ráðgjafi hjá KOM,
eignaðist óvæntan
fylgjanda á Twitter
en hún merkti stórleikarann Alec
Baldwin í grein sem hún deildi á
Twitter og fjallaði um karlrembu í
Hollywood. Alec Baldwin þykir
þar vera undantekning og er
óhræddur við að leika á móti
sterkum konum
sem fá bitastæð
hlutverk. Í grein-
inni er fjallað um
að yfirleitt vilji
karlleikarar í
Hollywood að kvenkynshlutverkin
séu tónuð niður. Eftir að Lára
Björg póstaði greininni rítvítaði
Baldwin greininni og gerðist fylgj-
andi Láru Bjargar og lenti hún þar í
fámennum hópi þeirra sem leik-
arinn fylgist með á Twitter. Sjálfur
er hann með 1 milljón fylgjendur
en fylgist aðeins sjálfur með um
690 manns.
Í vikunni sagði ung kona frá því
hvernig giftir menn áreittu hana
kynferðislega eftir að hún auglýsti
bifreið til sölu og birti mynd af bif-
reiðinni þar sem
hún sjálf var líka á
myndinni. Rithöf-
undurinn Stefán
Máni Sigþórs-
son skrifaði á
Twitter: „Ég skammast mín svooo
oft fyrir þessa svokölluðu kyn-
bræður mína. Þetta eru typpalingar,
ekki karlmenn.“
Óttar M. Norðfjörð rithöf-
undur sem búsettur er í Sevilla á
Spáni skrifaði á Facebook: „Þótt
spænska bankakerfið sé gamaldags,
þá er líka einhver nostalgía í því
sem maður ætti ekki að vanmeta.
Ég fór í morgun með poka fullan af
aurum í banka og hélt að gjaldker-
inn myndi hella innihaldinu í svona
talningarvél en viti menn - þær eru
ekki til á Spáni. Í staðinn fékk ég
skrítna plasthólka og var sagt að
fara heim að telja.“ Hrúgan reynd-
ist innihalda um 3.000 íslenskar
krónur en Óttar hlustaði á djass í
rólegheitum meðan hann taldi.
AF NETINU
Bandarísk raunveruleikastjarna,
Ryan Serhant, deildi því með
áhorfendum eins vinsælasta raun-
veruleikaþáttar vestanhafs; Million
Dollar Listing: New York, hvernig
hann fór að við að biðja kærustu
sinnar á síðasta ári en bónorðinu
var sjónvarpað í vikunni í einum
þáttanna.
Serhant hefur vakið mikla at-
hygli í þáttunum sem fjalla um þrjá
unga og aðgangsharða fast-
eignasala í New York sem keppast
um að selja bestu og dýrustu eign-
irnar í borginni en þar að auki er
fylgst með lífi þeirra utan vinnunnar.
Serhant fór ótroðnar slóðir við bónorðið og
lét loka sjálfu Times Square snemma morguns,
einum annasamasta stað heims,
og bað Emilíu Bechrakis og var
allt saman fest á filmu um leið
með það fyrir augum að nýta síðar
sem sjónvarpsefni í þáttunum. Þó
leyfði Serhant aðdáendum sínum
að fylgjast strax eilítið með fram-
gangi mála á samfélagsmiðlunum
án þess að greint væri nákvæm-
lega frá smáatriðum bónorðsins.
Þessi gjörningur hefur nú vakið
mikla athygli og þótt einkar hjart-
næmur, einkum í ljósi þess að
Ryan Serhant er þekktur fyrir að
vera einkar harðsvíraður í raunveruleikaþátt-
unum en þá vakti ekki síður athygli að hann
fékk hljómsveit til að spila íslenska tónlist á
Times Square þennan morgun – það er að
segja tónlist með hljómsveitinni Of Monsters
and Men enda ómögulegt að nýta ekki tímann
fyrst Times Square hafði verið lokað og gera
eitthvað meira til að njóta augnabliksins.
Meðan unnustan þurrkaði burt tárin var eft-
irlætislag hennar með Of Monsters and Men,
Little Talks, spilað undir, samkvæmt frásögn
The Real Deal Magazine, og í framhaldinu
voru nokkur fleiri lög tekin.
Ryan Serhant hefur
slegið í gegn í raunveru-
leikaþáttum um fast-
eignabrask í New York.
Lét loka Times Square
og spila Little Talks
Raunveruleikastjarnan lét loka Times Square fyrri bónorð sitt og spila þar eftirlætislag unnustu
sinnar með hljómsveitinni Of Monsters and Men; Little talks.
Morgunblaðið/Styrmir Kári
Vettvangur