Morgunblaðið - Sunnudagur - 14.06.2015, Blaðsíða 51

14.6. 2015 MORGUNBLAÐIÐ SUNNUDAGUR 51
Ein mesta metsölubók síðustu
ára er The Light Between
Oceans eftir M.L. Stedman
sem kom út í íslenskum búningi
fyrir stuttu undir nafninu Ljós
af hafi. Bókin, sem er fyrsta
skáldverk höfundar, seldist
metsölu víða um heim og sat í
meira en ár á metsölulista
New York Times. Bókin hefur
verið þýdd á um fjörutíu tungu-
mál og hlotið margvísleg verð-
laun og viðurkenningar.
Ljós af hafi segir frá því er
báti skolar á land á afskekktri
eyju út af ströndum Vestur-
Ástralíu. Um borð eru dáinn
maður og lítið barn. Vitavörð-
urinn og kona hans taka barnið
að sér og það dregur dilk á eft-
ir sér.
Guðni Kolbeinsson þýddi.
Ljós af hafi
á íslensku
Þeir félagar Anders Roslund og Börge Hellström hafa skrifað
margar metsölubækur frá því Odjuret/Ófreskjan kom út fyrir
ellefu árum. Fyrir stuttu kom þriðja bók þeirra út á íslensku,
heitir Auga fyrir auga í íslenskum búningi Sigurðar Þórs Salvars-
sonar, en Edward Finnigans upprättelse á frummálinu.
Upphaf sögunnar er á dauðadeildinni í fangelsli í Utah-fylki í
Bandaríkjunum, en nær síðan til höfuðstöðva lögreglunnar í Stokkhólmi þegar
dægurlagarsöngvarinn John Schwarz er handtekinn eftir fyllirísslagsmál á ferju
frá Finnlandi til Svíþjóðar. Fljótlega kemur nefnilega í ljós að John Schwarz lést á
dauðadeld í fanglelsi vestan hafs löngu áður.
Anders Roslund starfaði sem blaðamaður áður en hann gerðist metsöluhöf-
undur en Börge Hellström var glæpamaður allt frá unglingsaldri þar til hann
náði tökum á lífi sínu eftir misheppnaða sjálfsvígstilraun, en á síðustu árum hefur
hann getið sér orð í Svíþjóð fyrir baráttu fyrir endurbótum í fangelsismálum. Nú
glímir Hellström við sína stærstu áskorun, en hann greindist með illvígt eitla-
krabbamein í vor.
Eins og getið er hafa bækur þeirra Roslunds og Hellströms selst vel víða um
heim, en nú er verið að kvikmynda eina þeirra, Tre sekunder, sem snara má sem
Þrjár sekúndur, en aðalleikarar í myndinni verða David Oyelowo og Luke Evans.
Sænsku spennusagnahöfundarnir And-
ers Roslund og Börge Hellström
Ljósmynd/Peter Knutson
ÞRIÐJA BÓK ROSLUNDS OG
HELLSTRÖMS Í vikunni verður því fagnað að hundr-
að ár eru liðin frá því íslenskar konur
fengu kosningarétt, en í Bretlandi
verður því fagnað árið 2018, enda
voru þeir aðeins seinni til. Í ljósi
þeirra tímamóta hvatti pakistanski
rithöfundurinn Kamila Shamsie til
þess að breskir útgefendur taki hönd-
um saman og gefi aðeins út bækur
eftir konur það ár, enda hafi lengi hall-
að svo á konur í bókaútgáfu þar í
landi að ekki verði við unað.
Herhvöt Shamsie birtist í breska
blaðinu The Guardian fyrir rétt tæpri
viku, en í greininni bendir hún á að
umfjöllun um bækur og bókmenntir
felist yfirleitt í að karlmenn sitji og ræði um bækur eftir karlmenn,
það sé normið en ef konur komi saman til að ræða um bækur eftir
konur þá sér það ögrandi pólitík. Frekari birtingarmyndir ójafnrétt-
isins sjáist í umfjöllun fjölmiðla og eins þegar bókmenntaverðlaun
séu annars vegar.
BARA BÆKUR KVENNA
Kamila Shamsie
Þegar ítalski rithöfundurinn og
blaðamaðurinn Italo Calvino
lést fyrir þremur áratugum
hafði enginn ítalskur nútíma-
höfundur verið þýddur jafn oft.
Ein þekktasta bók hans var Se
una notte d’inverno un viaggia-
tore sem kom út á íslensku í
vikunni í íslenskri þýðingu
Brynju Cortes Andrésdóttur
sem Ef að vetrarnóttu ferða-
langur. Ugla gefur bókina út.
Ef að vetrarnóttu ferða-
langur kom út 1979 á Ítalíu en
bókin segir frá lesanda sem
kaupir bók og tekur að lesa.
Þegar hann er búinn með um
þrjátíu síður í bókinni kemur í
ljós að sama örkin er end-
urtekin. Þegar lesandinn fær
nýtt eintak í bókabúðinni hefur
sagan aftur á móti breyst.
Ef að vetrar-
nóttu ferða-
langur …
Italo Calvino
Lesandi arkar
af stað út í
óvissuna
UGLA GEFUR ÚT
BÓKAFORLAGIÐ UGLA ER EKKI STÓRT AÐ VÖXT-
UM, EN HEFUR ÞÓ MIKINN METNAÐ OG LEGG-
UR HART AÐ SÉR VIÐ ÚTGÁFU Á SÍGILDUM BÓK-
MENNTUM, GÖMLUM OG NÝJUM. NÝVERIÐ GAF
UGLA ÞANNIG ÚT EITT AF MERKISRITUM
ÍTALSKRA NÚTÍMABÓKMENNTA, SNÚNA OG
SKEMMTILEGA SKÁLDSÖGU ITALOS CALVINOS.
Bækur Gunnars Helgasonar um Jón
Jónsson og Víkingsfélaga hans hafa
notið mikilla vinsælda allt frá því
fyrsta bókin kom út fyrir fjórum ár-
um. Víti í Vestmannaeyjum var fyrst,
þá kom Aukaspyrna á Akureyri, svo
Rangstæður í Reykjavík og loks
Gula spjaldið í Gautaborg. Víti í
Vestmannaeyjum er nú komin út í
kilju og gefur tækifæri til að kynna
Jón og félaga fyrir nýjum lesendum.
Jón Jónsson
Víkingur í kilju
Í Meistari allra meina rekur Siddhartha Muk-
herjee sögu krabbameins og krabbameins-
fræða. Bókin vakti mikla athygli vestan hafs
þegar hún kom út þar í landi á sínum tíma,
fékk Pulitzer-verðlaunin sem besta fræðibók
ársins 2011 og ýmis önnur verðlaun; PEN/
E.O. Wilson-verðlaunin og Guardian-
verðlaunin fyrir frumraun meðal annars, auk-
inheldur sem Time, New Tork Times og Los
Angeles Times völdu hana með bestu bókum
ársins, en Time kallaði hana eina áhrifamestu
vísindabók síðustu 100 ára.
Höfundurinn er háskólakennari og krabba-
meinssérfræðingur í New York.
Ólöf Eldjárn þýddi.
Ævisaga
krabbameins
BÓKSALA 3.-9. JÚNÍ
Allar bækur
Listinn er tekinn saman af Eymundsson
1 HamingjuvegurLiza Marklund
2 Blóð í snjónumJo Nesbø
3 Tapað fundiðÁrelía Eydís Guðmundsdóttir
4 Auga fyrir augaRoslund & Hellström
5 Risaeðlur í ReykjavíkÆvar Þór Benediktsson
6 SkuggadrengurCarl-JohanVallgren
7 Skutlubók VillaVilhelm Anton Jónsson
8 Iceland In a BagÝmsir höfundar
9 Breyttur heimurJón Ormur Halldórsson
10 Independent PeopleHalldór Laxness
Kiljur
1 HamingjuvegurLiza Marklund
2 Blóð í snjónumJo Nesbø
3 Tapað fundiðÁrelía Eydís Guðmundsdóttir
4 Auga fyrir augaRoslund & Hellström
5 SkuggadrengurCarl-JohanVallgren
6 HilmaÓskar Guðmundsson
7 Ég á teppi í þúsund litumAnne B. Ragde
8 Ekki snúa afturLee Child
9 Britt - Marie var hérFredrik Backman
10 Gleymdu stúlkurnarSara Blædel