Morgunblaðið - Sunnudagur - 21.06.2015, Blaðsíða 17

21.6. 2015 MORGUNBLAÐIÐ SUNNUDAGUR 17
Umferðarmiðstöðin BSÍ • 101 Reykjavík • 580 5400 • main@re.is • www.re.is
VIÐ
SKUTLUM
ÞÉR! Alltaf laus sæti
Frí þráðlaus internet-
tenging í öllum bílum
Hagkvæmur kostur
Alltaf ferðir
Ferðatími u.þ.b.
45 mínútur
Umhverfisvænt
Kauptu miða núna á
www.flugrutan.is
Áætlunarferðir Flugrútunnar eru í tengslum við allar
komur og brottfarir flugvéla um Keflavíkurflugvöll.
OR
*Miðast við að keyptur sé miði fram og til baka frá BSÍ eða Keflavíkurflugvelli á 3.500 kr.
1.750 kr.*
FYRIR AÐEINS
inn að veifa og flauta til allra.
Vinales er svo sannarlega ynd-
islegur bær og tíminn virðist
standa í stað.
Það er friðsælt hér þar sem ég
sit á svölum í ruggustól og skrifa
þessa dagbók. Framhjá mér rölta
kúrekar á hestum, kona raular
lagstúf á neðri hæðinni fyrir ung-
barnið sitt og fuglarnir syngja.
Gamall maður ruggar sér í
ruggustól á verönd í gula húsinu
á móti, en húsin eru öll máluð í
skærum og fallegum litum.
María, sem rekur gistiheimilið, er
að matbúa kjúkling og baunir
handa mér. Hér er indælt að
vera.
Himneskt mangó
Vaknaði við hanagal eftir tólf tíma
svefn. Hver þarf vekjaraklukku
þegar maður er með sinn eigin
hana! Það vex mangótré fyrir ut-
an gluggann minn. Bragðið af
mangóinu hér er svo himneskt að
ég öðlast næstum trú á guð. Eftir
morgunmat kom eldri maður með
kúrekahatt og sótti mig á Buick
árgerð 1957 og skutlaði mér út
fyrir bæinn. Leo var leiðsögu-
maður minn um sveitina og talaði
sem betur fer „spanglish“ . Við
gengum nokkra kílómetra framhjá
ökrum og ávaxtatrjám af ýmsum
tegundum, skoðuðum helli og ég
lærði allt um kaffirækt og vindla-
gerð. Bróðir Leos dýfði einum
feitum vindli ofan í hunang og
rétti mér. Ég þorði ekki annað en
að púffa nokkra smóka, bara
svona til að geta sagt seinna að
ég hefði reykt kúbverskan vindil á
Kúbu, en ég tók ekki ofan í lung-
un, eða eins og Clinton sagði víst:
„I didn’t inhale.“
Það er ekkert netsamband
hérna og klærnar mínar passa
ekki í innstungurnar, en það gerir
ekkert til, hér eru rólegheitin í
fyrirrúmi. Ef María sem á gisti-
húsið talar löturhægt næ ég að
skilja hana örlítið. Hún er núna
að elda eitthvað í risastórum potti
yfir opnum eldi úti í garði.
Kannski svínakjötið sem ég fæ í
kvöld.
Misheppnuð danstilraun
Um kvöldið var hljómsveit að
spila undir stjörnubjörtum himni.
Fólk þusti út á dansgólf og dans-
aði salsa þannig að unun var að
horfa á. Þar sem ég stend við
barinn með fullan munn af ís
vippar sér að mér tveggja metra
hár Kúbverji og spyr: dansarðu
salsa? Mér svelgdist á ísnum og
umlaði: kannski. Hann sagðist
koma þegar ég væri búin með ís-
inn. Ég settist hjá nýju vinum
mínum sem ég hafði kynnst fyrr
um daginn og vonaði að myrkrið
þarna myndi fela mig fyrir dans-
herranum en hann var fljótur að
koma auga á mig og dró mig upp
frá borðinu. Út á dansgólfi mundi
ég lítið af því sem ég hafði lært
hjá Salsa Iceland. Einhvern veg-
inn voru þessir íslensku fætur
ekki að ná taktinum í kvöld. Kúb-
anski takturinn er bara ekki í ís-
lenska blóðinu mínu.
Hitti ekki Castro
Eftir vikudvöl á Kúbu hafði ég
prófað að svamla í túrkísbláa Kar-
íbahafinu, reykja vindil, drekka
kaffi malað beint af akrinum,
rúnta um á opnum kagga, dansa
salsa undir berum himni, borða
mangó af trjánum, dansa uppi á
sviði með Buena Vista Social
Club, skoða hella og hitta margt
skemmtilegt fólk. Náði ekki að
heilsa upp á Castro því miður, en
heim held ég sæl, margs vísari og
ekki alveg jafn skjannahvít og áð-
ur.
Morgunblaðið/Ásdís.
Brúðkaup var í gangi fyrir utan stóra fallega byggingu í gömlu Havana. Prúðbúnir gestir og litlar stúlkur í hvítum blúndukjólum biðu eftir að brúðhjónin brunuðu í
burtu í gömlum amerískum kagga. Stúlkurnar horfðu stórum brúnum augum á þennan útlending með myndavélina en voru sáttar við að vera festar á mynd.
* Ég þorði ekkiannað en aðpúffa nokkra smóka,
bara svona til að geta
sagt seinna að ég
hefði reykt kúbversk-
an vindil á Kúbu, en
ég tók ekki ofan í
lungun eða eins og
Clinton sagði víst: „I
didn’t inhale.“
Kúba er stærsta eyjan í Karíbahafi. Hún er álíka stór og Ísland að flatar-
máli. Þar búa rúmlega ellefu milljónir manna. Flestir, eða 59% eru kaþól-
ikkar en 17% eru santería-trúar og 23% utan trúfélaga en trúfrelsi hefur
ríkt síðan 1992. Kúba hefur verið undir stjórn kúbanska kommúnista-
flokksins síðan 1965, en Castro gerði byltingu þar árið 1959. Hann var
forseti til ársins 2008 þegar bróðir hans Raúl tók við. Höfuðborgin heitir
Havana en þar búa rúmlega tvær milljónir manna. Hafnabolti er þjóðar-
íþróttin. Lífslíkur Kúbverja eru 78 ár. Talið er að mánaðarlaun samsvari
um 20-30 bandaríkjadollurum. Mennta- og heilbrigðiskerfi er ókeypis og
rafmagn og gas nánast frítt. Landið er gjöfult og nóg að bíta og brenna en
flestir lifa við fátæktarmörk.
KÚBA Í HNOTSKURN