Morgunblaðið - Sunnudagur - 21.06.2015, Blaðsíða 33
21.6. 2015 MORGUNBLAÐIÐ SUNNUDAGUR 33
Í
gær voru 100 síðan konur fengu kosningarétt. Ég minnist þess
ekki að hafa heyrt orðið kvennabarátta þegar ég var að alast upp.
Þótt Kvennalistinn hefði verið stofnaður 1983 og Vigdís Finn-
bogadóttir væri forseti var enginn neitt sérstaklega að kippa sér
upp við það. Á níunda áratugnum voru flestir foreldrar í Árbænum
svo uppteknir af því að byggja og berjast við eigin blankheit að það
var líklega ekkert rými til þess að veita þessu athygli.
Þótt orðin væru ekki sögð og umræðan um kvennabaráttuna hefði
ekki átt sér stað þá byggðist uppeldi mitt samt leynt og ljóst á að
gera mann sjálfstæðan og sterkan.
Sumarið eftir 12 ára bekk byrjaði ég að vinna í garðvinnu á elli-
heimili. Þarna lærði ég að stinga illgresi upp með rótum, klippa tré
og slá (sem kemur að mjög góðum notum akkúrat í dag). Þar sem ég
var í raun ári of ung til að fá að vinna var því þannig komið fyrir að ég
var skráð árinu eldri í kerfinu og það var enginn að spá neitt sér-
staklega í það. Ég man að það fylgdi því mikið frelsi að geta sjálf ráð-
stafað mínum peningum, keypt mér Levis 501 og afapeysu í Guð-
steini ef mig langaði til þess nú eða bara ískóla og samlokur í Skalla.
Rétt eftir 17 ára afmælisdaginn var það ákveðið að ég keypti bíl.
Ég átti nú ekki alveg fyrir þessari bláu drossíu sem var af Toyotu-
tegund, en mig minnir að ég hafi komist langt á fermingarpeningnum
og svo lánaði pabbi mér fyrir því sem vantaði upp á. Þetta plan
hljómaði náttúrlega eins og músík í mín eyru, að eiga sinn eigin bíl og
geta keyrt hvert á land sem er. Mér fannst ég eiga heiminn þegar ég
þeyttist um göturnar á mínum einkabíl.
Það sem ég áttaði mig ekki á þegar í þessa ferð var farið var að það
kostar heilmikla peninga að reka bíl og til þess að geta það þurfti ég
að vinna, bæði á sumrin og með skólanum. Ég þurfti náttúrlega að
borga til baka þá peninga sem ég fékk lánaða og svo þurfti ég að eiga
fyrir bensíni og tryggingum. Mestur hluti af mánaðarlegum tekjum
fóru því í þetta bílastúss (sem var fullkomlega þess virði).
Stundum grínast ég með það að þessi bílakaup hafi verið mikil
gæfa því þau komu í veg fyrir að ég væri alltaf full. Trippið sem ég
var gat ekki verið allar helgar í miðbæ Reykjavíkur því ég hafði ekki
efni á að taka leigubíl heim af djamminu.
Ég held að faðir minn hafi ekki áttað sig á því hversu góð fjárfest-
ing þessi bílakaup væru og ég er alls ekki viss um að það hafi verið
nein pæling í þessu önnur en að fá að hafa sinn eigin bíl í friði.
Rétt eftir tvítugt varð fyrsti bíllinn útborgun í íbúð.
Mér verður svo oft hugsað til bílakaupanna þegar ég er að reyna
að ala drengina mína tvo upp. Foreldrar í dag láta nefnilega flestallt
eftir börnunum sínum. Barn getur varla dregið andann nema að eiga
allt. Og svo erum við eins og bestu klappstýrur í heimi og hæpum allt
upp sem þau gera (ég er ekkert skárri).
Í kvennabaráttu skiptir miklu máli að ala drengi vel upp, að þeir
læri að bera virðingu fyrir konum og finnist fáránlegt að þeir fái
hærri laun en stelpan sem vinnur með þeim.
Ef það má þakka fyrir eitthvað þá vil ég þakka fyrir að hafa þurft
að hafa fyrir hlutunum. Maður ber nefnilega ekki virðingu fyrir hlut-
unum nema þeir kosti blóð, svita og tár. martamaria@mbl.is
Ég er þakklát fyrir að hafa lært að stinga upp illgresi 12 ára gömul.
Blóð, sviti og tár
Minn fyrsti bíll
leit svona út,
bara dökkblár
á litinn.
Vertu vinur okkar á facebook www.facebook.com/weledaísland
Eitt best geymda
leyndarmálið á
markaðnum
Weleda Skin Food er í miklu uppáhaldi hjá þekktum tísku-
fyrirsætum og förðunarfræðingum um allan heim. Skin
Food er 100% lífrænt árangursríkt alhliða krem sem nærir
þurra og viðkvæma húð og kemur jafnvægi á húðina.
Skin Food kom fyrst á markað fyrir meira en 80 árum síðan
og hefur uppskriftin verið óbreytt síðan.
Kremið er unnið úr lífrænt ræktuðum Stjúpum, Baldursbrá,
Morgunfrú og Rósmarín, gott krem fyrir alla fjölskylduna
– Í samhljómi við mann og náttúru. www.weleda.is
Þú kaupir Weleda vörur í heilsuverslunum og apótekum um
allt land
Settu saman þinn
eigin skartgrip
OO
www.lockitsjewelry.com
Nú geta allir fengið iPad-áskrift
Skráðu þig í iPad-áskrift á www.mbl.is/mogginn/ipad/