Morgunblaðið - Sunnudagur - 28.06.2015, Blaðsíða 8
8 MORGUNBLAÐIÐ SUNNUDAGUR 28.6. 2015
Skyldi Bláa lónið vera ástæða þess að Íslend-
ingar reynast friðsælli en aðrar þjóðir?
Morgunblaðið/Kristinn
Einhverjir Íslendingar hafa líklega veitt at-
hygli fréttaflutningi síðustu daga um nýjan
lista stofnunarinnar Institute of Economics
and Peace. Listinn er uppfærður árlega og
gefur löndum heims friðarvísitölu eða „global
peace index“. Ísland trónir á toppi listans fyrir
árið 2015.
Erlendir fjölmiðlar á borð við CNN hafa
rekið auga í þetta og fjallað um málið. Er Ís-
land þar kynnt sem fullkominn áfangastaður
fyrir friðelskandi ferðamenn og þá sem setja
öryggið ofar öllu. Aðrir fjölmiðlar velta því fyr-
ir sér hvort Bláa lónið og fleiri fallegir staðir á
landinu valdi því að Íslendingar séu að eðlis-
fari friðsælli en annað fólk. Áhugavert verður
því að sjá hvort hingað til lands muni næstu
mánuði flykkjast sérlega áhættufælnir ferða-
menn.
Samkvæmt listanum eru tíu friðsælustu
lönd heims Danmörk, Austurríki, Nýja-
Sjáland, Sviss, Finnland, Kanada, Japan, Ástr-
alía og Tékkland, auk Íslands.
Ferð fyrir áhættufælna?
Það mun hafa verið fáeinum árum eftir aðtvíburaturnarnir í New York vorusprengdir að til Íslands komu fulltrúar
frá Evrópulögreglunni að fræða þingmenn um
öryggi í flugi. Þeir gáfu lítið fyrir öryggisleit á
flugvöllum, sögðu að með einni undantekningu
hefði hún, að því best væri vitað, aldrei komið í
veg fyrir hryðjuverk. Eina undantekningin, flug-
farþegi með sprengju í skósóla hefði verið stopp-
aður á flugvellinum í Los Angeles en það hefði
verið vegna þess að bandarísku lögreglunni hefði
verið kunnugt um áform hans og varað við. Það
þarf varla að taka fram að hinir evrópsku lög-
reglumenn voru komnir til Íslands að tala máli
forvirkra rannsóknarheimilda.
Ef valið stendur á milli þess að leita á mér í
flugstöð annars vegar og hins vegar að fylgjast
öllum stundum með persónu minni, þá vel ég tví-
mælalaust flugstöðina.
En valið þarf ekki að standa á milli þessara
tveggja kosta. Leikhús hafa verið sprengd í loft
upp og strætisvagnar og járnbrautarlestir, án
þess að nokkur maður tali fyrir því að leitað sé á
öllum leikhúsgestum eða strætófarþegum.
Öðru máli gegnir um flugvélarnar. Bandarísk
yfirvöld fengu þessu áorkað eftir 9/11 .
Ég geri mér fullkomlega grein fyrir því að hér
getur ekkert eitt land skorist úr leik. Þá yrðu
flugvellir þess lands einfaldlega settir út af
sakramentinu. Síðan koma margvíslegir hags-
munir til sögunnar, framleiðenda leitarvélanna
og plastbakkanna , og að sjálfsögðu atvinnu-
öryggi alls þess mikla fjölda fólks sem starfar
við leitina. En það er önnur saga. Ég treysti því
hins vegar að íslensk flugmálayfirvöld beiti sér
fyrir slökun á regluverkinu þegar færi gefst; að
menn þurfi ekki að taka af sér beltið eða fara úr
skónum!
En látum það vera að George Bush hafi haft
það af okkur að ferðast með tannkrem landa á
milli. Mér hefur tekist að sefja sjálfan mig gagn-
vart slíku og tek að sjálfsögðu fullan þátt í sam-
starfi við það ágæta fólk sem sinnir leitarstarf-
inu. Þegar allt kemur til alls þá er þetta prýðileg
æfing í að halda ró sinni.
Einu skiptin sem mér bregst þar bogalistin er
þegar ég kem heim frá Bandaríkjunum þar sem
vopnaleit er með strangasta móti. Þegar mér er
þá sagt að afhenda belti og tannkrem og fara úr
skónum, þá er mér öllum lokið.
Kannski er erfitt að skipuleggja Leifsstöð
þannig að ekki þurfi að koma til þessa gagnvart
okkur sem erum að koma heim. En þetta er ekki
tollleit, einvörðungu öryggisleit til að koma í veg
fyrir að maður sprengi flugvél í loft upp – þá
væntanlega flugvél sem maður er að fara í loftið
með. Er það ekki augljóst?
Æfing í jafnaðargeði
* Ef valið stendur á milliþess að leita á mér íflugstöð annars vegar og
hins vegar að fylgjast öllum
stundum með persónu
minni, þá vel ég tvímæla-
laust flugstöðina.
ÚR ÓLÍKUM ÁTTUM
Ögmundur
Jónasson
ogmundur@althingi.is
Guðrún Berg-
mann, frum-
kvöðull með
meiru, vitnaði í
Mayu Angelou í
vikunni, Facebo-
ok-vinum sínum til hvatningar: „Ef
þú ert alltaf að reyna að vera
normal, kemstu aldrei að raun um
hversu stórkostleg/-ur þú getur
verið.“
Rithöfundurinn
Guðmundur
Brynjólfsson
hafði þetta að
segja á Facebook
þegar fréttir bár-
ust af því að hland í sundlaugum ylli
rauðum augum: „Þetta eru drullu-
pyttir! - ég hef alltaf sagt það. Hitt
er annað að þarna opnast ný vídd í
skáldskap, sér í lagi í ástarsögum.
Svona gæti til dæmis hafist bókin,
„Ástir sundkennarans“: „Hann vatt
sér úr sundbuxunum, vatt þær og
vatt sér upp að henni og horfði á
hana hlandbrunnum augum, hún
horfði rauðeygð á móti og strauk
þvag af hvörmum ...“
Steinunn Ól-
ína Þorsteins-
dóttir, ritstjóri
Kvennablaðsins,
gerði á Facebook
góðlátlegt grín að
vopnaflutningum vikunnar, þegar
250 hríðskotabyssur voru í heim-
ildarleysi fluttar héðan til Noregs
með farþegaflugi: „Sigga mín, ertu
ekki að fljúga til Noregs í fyrra-
málið?
–Jú.
Ertu til í að taka fyrir mig 100
hríðskotabyssur til hans Nonna?
–Já ekkert mál elskan, ég tek
þetta bara í handfarangri, þeir eru
svo liðlegir hjá Icelandair.“
Þingmaðurinn
Össur Skarp-
héðinsson sagði
farir sínar ekki
sléttar á Facebook
í vikunni: „Úr
þinginu skreiddist ég heim á Vestó
blóðrisa, hrjáður og smáður eftir
samræmda atlögu Sjálfstæðis-
flokksins og Bjartrar framtíðar. Það
byrjaði með því að Guðlaugur Þór
Þórðarson sagði að Björt framtíð
væri ekkert annað en „ljósrit af
Samfylkingunni“. Brynhildur Pét-
ursdóttir, bjeeffari, brást illa við, og
kvaðst „mjög döpur“ yfir ummæl-
um Guðlaugs Þórs. Ég veit ekki
hvor móðgunin var verri.“
AF NETINU
Vefsíðan Icenews benti í vikunni á erfiða stöðu
íslenskra múslima en Ramadan, föstumánuður
múslima, hófst fimmtudaginn 18. júní. Þann
mánuð fasta múslimar frá sólarupprás til sól-
seturs en vegna hins séríslenska sólargangs,
er sá tími óvanalega langur hérlendis sbr. við
önnur lönd. Fyrsta dag Ramadan voru sólar-
lausar klukkustundir einungis þrjár á Íslandi.
Sólin rís að nóttu til á íslenskum sumrum.
Morgunblaðið/Ernir
Löng fasta
Vettvangur
Vefsíðan clapway.com sagði frá því í vikunni
að líkur væru á því að Íslendingar kynntust
ættingjum sínum án þess að vita af skyldleik-
anum. Þetta hefði augljósa ókosti í för með
sér þegar fólk væri í ástarhug og því hefðu
þrír háskólanemar leyst vandamálið með því
að búa til app. Er þar átt við ÍslendingaAPP,
sem sagt getur til um skyldleika tveggja ein-
staklinga, „bömpi“ þeir farsímum sínum sam-
an. Vefsíðunni þykir málið eðlilega kúnstugt.
Í ástarhug
Gæsaparið hefur vonandi athugað ættfræðina.
Morgunblaðið/Þórður