Dagblaðið Vísir - DV - 01.07.2009, Blaðsíða 19

miðvikudagur 1. Júlí 2009 19Fréttir
Sýningarbanni á kvikmyndinni Life of Brian aflétt:
Leyfð eftir þrjátíu ár
Betra er seint en aldrei og nú hefur borg-
arráð Glasgow í Skotlandi aflétt þrjátíu
ára óopinberu banni á kvikmynd Monty
Python-hópsins, Life of Brian. Leyf-
isnefnd borgarráðs féllst á beiðni frá
Glasgow Film Theatre um að sýna kvik-
myndina, en hún verður bönnuð áhorf-
endum innan fimmtán ára aldurs.
Myndin kom út árið 1979 og var
Glasgow á meðal 39 borgar- eða bæj-
aryfirvalda í Bretlandi sem neituðu að
leyfa sýningu kvikmyndarinnar í kjölfar
útgáfu hennar.
Að mati þeirra sem settu sig upp
á móti sýningu kvikmyndarinnar var
kvikmyndin guðlast, en hún fjallar um
gyðing sem tekinn er í misgripum fyrir
Jesú og krossfestur.
Borgarráðsmaðurinn Willie O’Rour-
ke sagði að sýningarumsóknin nú væri
sú fyrsta sem ráðinu hefði borist síðan
myndin kom út og að hún hefði verið
sýnd í sjónvarpi í gegnum árin og væri
fáanleg á mynddiskum. „Heimurinn,
og viðhorf fólks, hafa breyst undanfar-
in þrjátíu ár, því held ég að nefndið hafi
tekið rétta ákvörðun í dag [þriðjudag],“
sagði O’Rourke.
Í gær hafði einn farþega Airbus-flug-
vélar Yemenia-flugfélagsins sem
hrapaði í Indlandshaf í fyrradag
fundist á lífi. Í fyrstu voru fréttir mis-
vísandi og annars vegar var talið að
um fimm ára dreng hefði verið að
ræða og hins vegar fjórtán ára ungl-
ingsstúlku.
En samkvæmt frétt á vefsíðu The
Times var um að ræða stúlku frá
Grand Comore-eyjum og var henni
bjargað undan ströndum eyjarinn-
ar þegar björgunarbátar leituðu líka
í úfnum sjó.
Flugvélin sem fórst var komin til
ára sinna, en um var að ræða nítján
ára gamla Airbus 310-flugvél sem var
á leið frá Sanaa til Moroni á Grand
Comore-eyjum, síðasta áfanganum
frá Charles de Gaulle-flugvellinum í
París til Grand Comore.
Slæm veðurskilyrði
Grand Comore-eyja var áður undir
stjórn Frakka og enn er að finna stórt
samfélag Frakka á eyjunum. Talið er
að tæplega sjötíu farþega flugvélar-
innar hafi verið franskir.
Sérfræðingar hafa hafnað öllum
tengslum við flugslys Air France-flug-
vélairnnar sem fórst á leið frá Brasil-
íu til Frakklands í byrjun júní, og með
henni allir farþegar og áhöfn.
Sjónir sérfræðinga beinast einna
helst veðurskilyrðum í Moroni, illa
búnum flugvelli þar og umdeildu orð-
spori Yemenia-flugfélagsins.
Samkvæmt fréttum höfðu flug-
stjórar vélarinnar gert eina misheppn-
aða tilraun til lendingar, en urðu frá
að hverfa vegna mikilla vindhviða og
lenti vélin í sjónum í annarri tilraun.
Fékk vatn og sykur
Á vefsíðu The Times er vitnað í Said
Abdela liðþjálfa í her Comore-eyja
sem sagðist hafa tekið þátt í að bjarga
stúlkunni. „Hún talar. Það er í lagi með
hana. Við höfum gefið henni vatn og
sykur,“ sagði Abdela.
Franska samfélagið á Comore-eyj-
um hefur verið harðort í garð Yemenia-
flugfélagsins sem mun vera á lista hjá
frönskum yfirvöldum vegna brota á ör-
yggisreglugerðum. Talsmaður Frakk-
land-Comore samtakanna í Frakklandi
sagði að þau hefðu á von á svona flug-
slysi. „Það hefur komið fyrir þegar fólk
kemur á flugvelli og hefur séð ástand
vélanna að það neitar að fara um borð,“
sagði talsmaðurinn.
Baráttusamtökin „SOS Voyage aux
Comores“ sem hafa haft áhyggjur af
flugi á milli Sanaa og Moroni hafa kraf-
ist þess að frönsk stjórnvöld grípi til að-
gerða og var Farid Soilihi, talsmaður
samtakanna í Marseille var ómyrkur í
máli. „Flugi á milli Sanaa og Moroni er
stjórnað af kúrekum,“ sagði Soilihi, en
þess má geta að um 80.000 manns frá
Kómor-eyjum búa í Marseille.
Bannað að koma til Frakklands
Dominique Bussereau, samgöngu-
málaráðherra Frakklands, sagði að
Airbus 310-flugvélin sem fórst hafi
verið nítján ára gömul vél sem hafi
verið bannað að koma inn í franska
lofthelgi síðan 2007 eftir að athugun
sýndi að hún stóðst ekki öryggiskröf-
ur.
Bussereau sagði að flugfélagið væri
ekki á svörtum lista í Frakklandi en
hafi lotið strangari athugunum.
Í yfirlýsingu frá Airbus-flugvéla-
framleiðandanum sagði að umrædd
vél væri nítján ára og hefði að baki
51.900 flugtíma. Hún hefur verið í
þjónustu Yemenia-flugfélagsins frá
1999.
Jemensk stjórnvöld eiga 51 pró-
sent í Yemenia-flugfélaginu á móti 49
prósentum ríkisstjórnar Sádi-Arab-
íu. Khaled Ibrahim al-Wazeer, sam-
göngumálaráðherra Jemen, sagði í
viðtali við fréttastofu Reuters að flug-
vélin hefði farið í gegnum viðamikla
skoðun og hefði staðist alþjóðlega
staðla.
„Flugi á milli Sanaa og Moroni er stjórnað af kú-
rekum,“ sagði Soilihi, en þess má geta að um
80.000 manns frá Kómor-eyjum búa í Marseille.
Kómor-eyjar
kómor-eyjar eru á indlandshafi á milli
suðausturstrandar afríku og madagaskar. Þær
samanstanda af þremur aðaleyjum og fjölda
rifja og smáeyja.
íbúar eyjanna telja um 700.000 og eru af
afrísku, arabísku og malajísku bergi brotnir
og flestir múslimar. Franska og arabíska eru
opinber tungumál, en flestir íbúanna tala
blöndu af arabísku og svahili.
Frakkar höfðu yfirráð yfir eyjunum í 130 ár
áður en þær lýstu yfir sjálfstæði árið 1975.
Stór hluti eyjaskeggja hefur lífsviðurværi af
landbúnaði og árleg meðallaun nema um
40.000 krónum og er þjóðin á meðal þeirra
fátækustu í heimi. grundvallarfæu á borð
við hrísgrjón þarf að flytja inn. Nánast enga
framleiðslu er að finna á eyjunum og vanilla
og kakó eru nánast einu útflutningsvörurnar.
Fyrsta forseta eyjanna, ahmed abdallah
abderrahmane, var steypt af stóli á sjálfstæð-
isárinu og komst aftur til valda 1978. Honum
tókst að sitja af sér nokkrar valdaránstilraunir
þar til hann var ráðinn af dögum 1989. Síðan
þá hefur eyjaklasinn ekki farið varhluta af
valdaránum og valdaránstilraunum.
alræmdur franskur málaliði, Bob denard,
stjórnaði eyjunum á bak við tjöldin stærsta
hluta níunda áratugar síðustu aldar, í kjölfar
valdaráns sem hann leiddi.
Árið 2001 komst meiri stjórnmálalegur
stöðugleiki á í kjölfar samkomulags um meiri
sjálfsstjórn hverrar eyju fyrir sig. Hver eyjanna
hefur nú sinn leiðtoga sem heyrir undir
ahmed abdallah Sambi forseta sem fór með
sigur af hólmi í kosningum 2006.
KraftaverK
við Kómor-eyjar
yemenia-flugfélagið Hefur
sætt ströngum eftirlitsreglum
hjá frönskum yfirvöldum.
mynd aFP
Life of Brian loks leyfð til sýninga í glasgow eftir 30 ára óopinbert bann.
mynd Handmade FiLmS
Umboðs- og söluaðili
Birkiaska ehf.
sími: 551 9239
www.birkiaska.is
Birkilauf
Oxy tarm
Apótekin & Heilsubúðirnar
www.leit.is · Smellið á ristilvandamál
Á gamla gamla genginu.
Oxy tarm
Endurnærir og hreinsar ristilinn
Allir dásama oxy tarmið
30 days
Apótekin & Heilsubúðirnar
www.leit.is · Smellið á ristilvandamál
Á gamla gamla verðinu.
30 days
Losnið við hættulega kviðfitu og
komið maganum í lag með því
að nota náttúrulyfin Oxytarm og 30
days saman.