Dagblaðið Vísir - DV - 09.09.2009, Side 16

Miðvikudagur 9. september 200916
svona spara íslendingarkreppuráð dvn Segðu upp óþarfa áskriftumMargir eru áskrifendur að ýmsu sem þeir nota sjaldan. Ertu styrktaraðili að líkams-rækt? Það er vel hægt að koma sér í form með því að hreyfa sig úti, sérstaklega
þegar veðrið er orðið gott. Segðu upp
kortinu í ræktinni ef þú notar það ekki.
Spurðu þig líka hvaða sjónvarpssöðvar
þú verður að hafa yfir sumartímann og
hvaða annarra áskrifta þú getur
verið án.
n Ódýrasta bensínið
Allt að tíu krónum
getur munað
á hverjum
einasta
bensín-
lítra, eftir
því hvar
þú verslar.
Verslaðu
ávallt hjá
þeim sem
eru ódýrastir en ekki gera þér sérferð
um langan veg eftir bensíni. Eigðu
afsláttarlykla hjá þeim sem eru lægstir.
Það kostar ekkert. Ef þú keyrir 20 þús-
und kílómetra á ári á bíl sem eyðir 10
lítrum á hundraði, geturðu sparað þér
um 20 þúsund krónur á ári ef þú verslar
ávallt þar sem bensínið er ódýrast.
Sparnaður: 20.000 kr.
n Ódýr myndbönd
Gríðarlegur verðmunur er á því að leigja
nýtt myndband á vídeóleigum landsins.
Ódýrasta leigan er Krambúðin við
Skólavörðustíg. Hún býður allar myndir,
bæði nýjar og gamlar, á 300 krónur. 700
krónur er algengt verð annars staðar. Sá
sem leigir eina á viku getur sparað sér
ríflega 20 þúsund krónur á ári ef hann
verslar þar sem er ódýrast.
Sparnaður: Allt að 20.800
n Forðastu klukkuverslanir
Veldu alltaf lágvöruverðsverslanir frekar
en klukkuverslanir (10-11 eða 11-11).
Það er staðreynd að miklu getur munað
á því að versla í verslun sem gefa sig út
fyrir að bjóða
lágt verð.
Það er líka
staðreynd að
það er meira
vesen að versla
í þannig verslunum en í öðrum dýrari
búðum. En troðningur og langar raðir
eru hlutir sem maður þarf að sætta sig
við ef maður vill ekki fara á hausinn.
n Hæfileg innkaup
Gerðu innkaupalista og kauptu
hæfilega mikið af mat. Annars kaupirðu
of mikið. Samkvæmt nýlegri könnun
á neysluvenjum Íslendinga hendum
við mat að verðmæti 3,4 milljarða á
hverju ári og það sem fólk nýtir verst er
brauð og grænmeti. Hægt er að spara
gríðarlega mikla peninga með því að
kaupa nægilega mikið magn.
n hvaderimatinn.is
Á vefnum hvaderimatinn.is er hægt
að skrá hversu oft í viku þú vilt borða
ákveðnar matartegundir. Síðan sér svo
um að setja upp matseðil fyrir mán-
uðinn. Þú færð nákvæmar uppskriftir
og tillögur að matarinnkaupum. Á
þennan hátt geturðu komið skipulagi á
matarinnkaupin.
n Strætó í stað bíls
Ef þú velur strætó í stað bíls getur þú
sparað þér um 850 þúsund krónur
á ári. Sá sem á nýja tveggja milljóna
króna bifreið og ekur aðeins 15 þúsund
kílómetra á ári greiðir í kostað 896.553
krónur. Þetta miðast við útreikninga
FÍB frá því í nóvember síðastliðnum
þegar bensínlítrinn kostaði 154,90
krónur. Miðað er við að bíllinn sé nýr
og eyði 8 lítrum á hundraði en ekki er
gert ráð fyrir að lán hvíli á bílnum. Kort
í strætó kostar um 40 þúsund krónur á
ársgrundvelli, sé ódýrasta kortið valið.
Sparnaður: Allt að 850.000 kr.
n Hæfilega stór bíll
Stærri bílar eyða meira eldsneyti. Veldu
frekar bíl sem er sparneytinn. Allt sem
gert er til að draga úr bensíneyðslu
sparar peninga og dregur úr mengun.
Sparnaður: Allt að 50%
sparnaður
„Ég spara langmest á því að eiga
ekki bíl,“ segir Gunnar Jarl Jóns-
son. Gunnar Jarl notast í staðinn við
vespu en það hefur hann gert síðustu
árin. Vespur eru töluvert ódýrari
en bílar, sömuleiðis eru tryggingar
ódýrari og þá eyða þær mun minna
en meðal fólksbíll. „Vespan sem ég
á kostaði nú alveg skildinginn en ég
hafði nú sparað fyrir henni með því
að notast við gömlu vespuna,“ seg-
ir Gunnar og hlær við. „Hún borgar
sig samt margfalt á endanum hvað
varðar eldsneytiskostnað. Vespan
eyðir náttúrulega ekki nándar nærri
því eins miklu og fólksbíll. Miðað við
verðið á eldsneyti í dag er auðveldur
reikningur hvað það er mikill sparn-
aður,“ segir Gunnar.
En ekki er hægt að sitja á vespu
allan veturinn í snjó og frosti. Hvern-
ig leysir Gunnar það? „Þá er það bara
strætó. Ég nota strætó yfir köldustu
mánuðina sem er fínt. Strætó er mjög
vanmetinn fararskjóti. Auðvitað átta
ég mig á að bíll er töluvert þægilegri
en maður kemst allra sinna ferða á
vespu og strætó og sparar heilmikið.
Þá er hægt að nota peningana í eitt-
hvað annað til að lifa lífinu. Ekki bara
eyða öllu í bensín,“ segir Gunnar Jarl
Jónsson.
„Nú þegar ástandið er sem verst þá leyfi ég mér
ekkert að kaupa hvað sem er,“ segir Einar Guðna-
son. „Ég er vissulega svo heppinn að vera með
vinnu en það er allt orðið svo dýrt að ég held að
fólk stundum fatti það ekki alveg. Það verður að
horfa í krónurnar og virkilega vanda sig við að
ákveða í hvað maður ætlar að eyða,“ segir hann.
Einar segist hafa skorið niður lúxus eins og fata-
kaup í miklum mæli og aðra hluti í þeim dúr.
„Það eina sem ég kaupi af einhverju viti er elds-
neyti á bílinn sem ég þarf vegna vinnu minnar.
Ég þarf að vera á svo mörgum stöðum á skömm-
um tíma. Svo eru það náttúrulega matarkaup en
maður verður líka að passa þar hvað maður setur
í körfuna,“ segir Einar sem sparar einnig á því að
leigja með öðrum.
„Það er afskaplega hagstætt að vera með
meðleigjanda. Hafi maður tök á því og hvað þá
einhvern sem maður þekkir eins og ég getur það
heldur betur skapað aðeins rými í buddunni. Og
á því er nú mikil þörf á þessum síðustu og verstu,“
segir Einar Guðnason.
Horfir í krónurnar
Einar Guðnason, knattspyrnuþjálfari:
Vespa og
strætó í
stað bílsins
Gunnar Jarl Jónsson, framleiðandi og knattspyrnudómari:
Albertína Friðbjörg Elíasdóttir, meistaranemi við Háskóla Íslands:
Sparaði fyrir utanlandsferðinni
„Ég klippti kreditkortið mitt fyr-
ir tveimur árum og fékk mér fyr-
irframgreitt kort. Þannig spara ég
færslugjöldin á debetkortinu og
veit að ég eyði aldrei um efni fram.
Eftir að ég gerði þetta hef ég aldrei
haft áhyggjur af peningum því ég
veit um hver mánaðamót nákvæm-
lega hvar ég stend,“ segir Albertína
Friðbjörg Elíasdóttir. Hún er vön
aðhaldi í fjármálum eftir áralangt
háskólanám og kann því öll helstu
trikkin í bókinni, eins og að elda
góðan mat úr einföldu hráefni.
Pasta er líklega oftar á boðstólum
hjá henni en mörgum öðrum.
Ólíkt mörgum er Albertína á
leið til útlanda seinna í haust og
er, ólíkt flestum, búin að safna sér
fyrir allri ferðinni. „Ég hef prófað
að fara til útlanda og borga ferð-
ina eftir á, og það er ávísun á ein-
tómar áhyggjur. Núna er ég að fara
til Bandaríkjanna og er búin að
borga farseðilinn. Ég er líka búin
að ákveða hversu miklu ég ætla að
eyða og hef safnað alveg fyrir því.
Ég veit að ferðin verður miklu betri
fyrir vikið og ég áhyggjulaus,“ seg-
ir hún.
Ef Albertína hefur tök á leggur
hún mánaðarlega fyrir um fimm
til tíu þúsund krónur. Þannig á
hún auka pening ef eitthvað kem-
ur upp á. Þegar hún hyggur á
kaup dýrra hluta nýtist varasjóð-
urinn einnig vel. Í þetta skiptið
átti sjóðurinn reyndar að fara í
kaup á nýjum frysti en síðan kom
utanlandsferðin óvænt upp á og
ákvað hún því að fresta frystinum
um tíma.
Auk þessa reynir Albertína allt-
af að nýta sér tilboð og útsölur. Ef
kjúklingur er á tilboði kaupir hún
aðeins fram í tímann og setur í
frysti. Bensíntilboð nýtir hún sér
óspart og er með bensínlykil frá
ÓB. Hún er hins vegar að íhuga að
fá sér líka bensínlykil frá Orkunni,
til að missa örugglega ekki af til-
boðum.