Dagblaðið Vísir - DV - 08.10.2010, Blaðsíða 4
4 FRÉTTIR 8. október 2010 FÖSTUDAGUR
„FINNST BARA AÐ ÞEIR
HAFI VERIÐ PLATAÐIR“
Ásbjörn Jónsson, skiptastjóri hug-
búnaðar- og leikfangafyrirtækisins
Mind ehf., sem var meðal annars í
eigu Jóhannesar Þórðarsonar og Jó-
hannesar G. Péturssonar, ætlar að
rifta sölu félagsins á hugmynd að
barnatölvu skömmu áður en félagið
fór í þrot í fyrra. Þetta var ákveðið á
kröfuhafafundi þrotabúsins í ágúst.
Hugmyndin var seld til félags sem
er að hluta til í eigu eiginkonu Jó-
hannesar G., Stefaníu Karlsdóttur,
að sögn Ásbjarnar. „Það er verið að
skoða hugsanlega riftun á sölunni á
hönnunarvinnu út af þessari tölvu.
Það var bara einfaldlega þannig að
tveir stjórnarmenn ákváðu bara að
selja þetta út úr félaginu til annars
félags sem er þeim tengt,“ segir Ás-
björn en þessi hugmyndavinna var
helsta eign félagsins. Ásbjörn seg-
ir að þrotabúið sé annars eignalaust
fyrir utan tölvur, skrifborð og aðra
slíka hluti.
Mind átti dótturfélag í Asíu sem
einnig er gjaldþrota að sögn Ásbjarnar.
Enn unnið með hugmyndina
Salan á hugmyndavinnunni átti sér
stað í október árið 2009, að sögn Ás-
bjarnar, en félagið var tekið til gjald-
þrotaskipta í maí síðastliðnum.
Kaupverðið var 14 milljónir króna.
Ásbjörn segir að ekki hafi fengist
staðfesting á því að búið hafi fengið
greitt fyrir söluna á hugmyndavinn-
unni. Hann segir að vinna þrotabús-
ins byggist meðal annars á því að
kanna hvert raunverulegt verðmæti
hugmyndarinnar sé og hvort og þá
hvernig greiðslan fyrir hana átti sér
stað.
Ásbjörn segir að stjórnarmenn-
irnir fyrrverandi séu ennþá að vinna
með hugmyndina að barnatölvunni í
öðru einkahlutafélagi, Bluerock ehf.
Starfsemi Mind gekk út á að
hanna og selja leikföng. Hugmynd-
in var að þróa tölvu sem hægt væri
að bæta nýjum og nýjum einingum
við eftir því sem barnið þroskaðist.
Þannig átti að vera hægt að miða
tölvuna við þroskastig barnsins og
bæta við hana einingum sem hæfðu
þroska og greind barnsins hverju
sinni. Barnið átti að geta alist upp
með tölvunni ef svo má segja.
Hluthafar og starfsmenn
ósáttir
Ásbjörn segir að lýstar kröfur í
þrotabú Mind nemi um 480 millj-
ónum króna og að ljóst sé að af öllu
óbreyttu fáist lítið sem ekkert upp í
þær.
Meðal þeirra sem gera kröfu í
búið eru aðrir hluthafar Mind sem
eru ósáttir við söluna á hugmynd-
inni að barnatölvunni út úr félag-
inu. „Þeim finnst bara að þeir hafi
verið plataðir. Þeim finnst þessi sala
vera óeðlileg,“ segir Ásbjörn. Hann
segir hins vegar að enn sé alveg
óljóst hversu mikil verðmæti felist
í hugmyndinni að barnatölvunni í
dag. „Þetta er hönnun sem er 2007
eða 2008. Nú ertu kominn með iPad
og fleira slíkt.“ Hvað sem þessu líður
vilja kröfuhafarnir fá viðskiptunum
með barnatölvuna rift.
Fyrrverandi starfsmenn Mind,
fólkið sem vann að barnatölvunni,
gera sömuleiðis kröfur upp á millj-
ónir króna í þrotabúið samkvæmt
kröfuskránni.
„Frumkvöðull deilir reynslu
sinni“
Athygli vekur að á sama tíma og
fyrirtæki Jóhannesar er í áður-
nefndri slitameðferð heldur hann
fyrirlestra um viðskipti við Kína
þar sem hann er titlaður frum-
kvöðull. Síðastliðinn fimmtudag
hélt Jóhannes til að mynda fyr-
irlestur í Húsi verslunarinnar í
Kringlunni á vegum Íslensk-kín-
verska verslunarráðsins. Þar tjáði
Jóhannes sig um viðskipti við Kína
undir yfirskriftinni: „Viðskipti við
Kína: Frumkvöðull deilir reynslu
sinni.“
Auglýsing um fyrirlesturinn
birtist á leiðarasíðu Fréttablaðsins
síðastliðinn miðvikudag. Þar er Jó-
hannes titlaður framkvæmdastjóri
Mind.
Einhverjir af þeim sem lýsa
kröfum í bú Mind munu hafa mætt
á fyrirlestur Jóhannesar.
INGI F. VILHJÁLMSSON
fréttastjóri skrifar: ingi@dv.is
Það er verið að skoða hugsan-
lega riftun á sölunni á
þessari hönnunarvinnu
út af þessari tölvu.
Þrotabú fyrirtækisins Mind íhugar nú riftun á sölu á hugmyndum að barnatölvu út
úr fyrirtækinu skömmu áður en það varð gjaldþrota. Kaupandinn var félag í eigu eig-
inkonu hluthafa í Mind. Skiptastjóri þrotabúsins segir engar eignir vera í því á móti
nærri 500 milljóna króna kröfum.
Frumkvöðull stendur í ströngu Skiptastjóri íhugar riftunarmál
vegna sölu á hugverkum út úr félaginu. Jóhannes Þórðarson, einn
af hluthöfum Mind, sést hér halda fyrirlestur á vegum Íslensk-kín-
verska verslunarráðsins í Húsi verslunarinnar á fimmtudaginn.
Riftunarmálið beinist meðal annars að þeirri ákvörðun Jóhannesar
að selja hugverk út úr félaginu. MYND EGGERT JÓHANNESSON
SIGURÐUR HARALDSSON:
Rekinn eftir
mótmæli
„Ég hef aldrei verið einkennisklæddur
eða mótmælt sem öryggisvörður,“ seg-
ir Sigurður Haraldsson, mótmælandi
og verktaki.
Sigurður missti vinnu sína hjá Sec-
uritas eftir að fréttamaður Stöðvar 2
og Vísis tók ranga mynd af Facebook-
síðu hans þar sem hann er einkennis-
klæddur og birti með viðtali við hann.
Sigurður var einn þeirra mótmælenda
sem á mánudagskvöldið gengu í veg
fyrir ráðherrabifreið Össurar Skarp-
héðinssonar með þeim afleiðingum
að á hann var ekið.
Sigurður segir að myndbirtingin af
honum í búningi Securitas hafi farið
fyrir brjóstið á yfirmönnum hans og
því hafi honum verið tjáð að hann yrði
að víkja, allavega í bili. Sigurður hefur
að eigin sögn mótmælt nær linnulaust
frá falli kerfisins. Í tvígang hafi komið
fyrir að hann sýndi öryggisvarðarskír-
teini sín í mótmælum í sumar og fékk
hann þá áminningu. Þegar myndin
birtist af honum í gallanum var það
kornið sem fyllti mælinn hjá Secu-
ritas, að hans sögn, enda margir þeir
sem hann er að mótmæla viðskipta-
vinir fyrirtækisins. „Það er andskoti
hart að þurfa að kyngja þessu eftir tíu
ára flekklaust starf sem öryggisvörð-
ur.“ mikael@dv.is
Minkar á ferð í
Hafnarfirði
„Minkar eru farnir að færa sig upp á
skaftið hérna í Hafnarfirðinum,“ segir
Hafnfirðingurinn Gísli Már Árnason
sem smellti myndum af mink sem í
mestu makindum rölti um götur, torg
og stíga í nágrenni við heimili hans á
miðvikudag. Hann segir að fleiri hafi
orðið varir við minka á ólíklegustu
stöðum í bænum.
„Við kærastan mín stóðum á
tröppunum við heimili okkar þegar
þessi minkur kemur á vappinu upp
göngustíginn. Hann virtist nú ekki
vera mikið hræddur við mannfólkið,“
segir Gísli.
mikael@dv.is
F Á K A F E N I 9 - - S í m i : 5 5 3 7 0 6 0
O p i ð m á n u d - f ö s t u d . 1 1 - 1 8 & l a u g a r d . 1 1 - 1 6
ÞÆGILEGIR & LÉTTIR
www.gabor.is
Sérverslun með
Stærðir 35-42
Verð kr. 16.495.-
Frumvarp um varnir gegn kynferðisofbeldi gegn börnum:
Banna barngert klám
Refsiréttarnefnd í dómsmála- og
mannréttindaráðuneytinu hefur ver-
ið falið að útbúa frumvarp til laga sem
ætlað er að banna svokallað barngert
klám.
DV fjallaði fyrir skemmstu um að-
gerðahóp sem fór í vettvangsferðir í
nokkrar klámverslanir á höfuðborgar-
svæðinu þar sem var að finna barngert
klám, klám þar sem fullorðinn einstakl-
ingur er barngerður í kynferðislegum
tilgangi. Hópurinn útbjó plaköt sem
hengd voru upp í skjóli nætur og vildu
meðlimir hópsins sjá aðgerðir gegn
barngerðu klámi. Meðal annars hengdi
hópurinn umrædd plaköt á dyr dóms-
mála- og mannréttindaráðuneytis.
„Efni þar sem æskan er klámvædd
eða gerð erótísk á einfaldlega að vera
ólöglegt,“ sagði Halla Gunnarsdóttir,
aðstoðarkona ráðherra í DV á dögun-
um.
Handtökin í dómsmála- og mann-
réttindaráðuneyti eru snör því nú hef-
ur refsiréttarnefnd verið falið að út-
búa frumvarp til laga um breytingu á
almennum hegningarlögum svo að
hægt sé að fullgilda samning Evrópu-
ráðsins um varnir gegn kynferðislegri
misneytingu og kynferðislegri mis-
notkun á börnum.
Refsiréttarnefnd er samhliða fal-
ið að skoða mögulegar lagabreyting-
ar á ákvæðum almennra hegningar-
laga um bann við vörslu og dreifingu
á barnaklámi og hvort og þá hvernig
unnt sé að heimfæra undir refsiákvæð-
ið tilvik þar sem fullorðinn einstakl-
ingur er barngerður í kynferðislegum
tilgangi en slík lagaákvæði er að finna
í norskum hegningarlögum.
„Við erum að sjálfsögðu ánægð
með þessi viðbrögð,“ segir forsprakki
hópsins um fréttirnar. „Við ætlum samt
ekkert að fagna strax. Þetta er farið í
nefnd sem þá býr til frumvarp. Og við
vitum svo sem vel að frumvarp er alls
ekki ávísun á lagabreytingu.“
kristjana@dv.is
Snör handtök í ráðuneytinu
Refsiréttarnefnd mun útbúa frumvarp
sem bannar barngert klám.