Dagblaðið Vísir - DV - 08.10.2010, Blaðsíða 22

22 erlent 8. október 2010 föstudagur
Svíar velta því nú fyrir sér hvort
stríð sé í uppsiglingu úr heldur
óvenjulegri átt – á milli stjórnmála-
flokks og glæpagengis. Í kjölfar úr-
slita þingkosninganna í Svíþjóð 19.
september hafa margir velt fyrir sér
hvort uppgangur hægriöfgaflokka
sé orðið að áhyggjuefni á Norður-
löndunum. Er það ekki síst vegna
stóraukins kjörfylgis flokks Sví-
þjóðardemókrata, þjóðernisflokks
sem hefur verið vændur um að
aðhyllast hugmyndafræði nasista.
Svíþjóðardemókratar hlutu alls
5,7% atkvæða og komust nærri því
að tvöfalda kjörfylgi sitt frá síðustu
þingkosningum 2006. Þrátt fyrir
þennan kosningasigur, sem tryggði
flokknum 20 þingsæti, virðast nú
öll spjót standa á Jimmie Åkes-
son, formanni flokksins, nú síðast
úr óvæntri átt, nefnilega frá glæpa-
samtökunum Original Gangsters.
Mafía sem á rætur að rekja til
Mið-Austurlanda
Original Gangsters draga nafn sitt
af lagi eftir bandaríska rapparann
Ice-T og voru samtökin stofnuð í
Gautaborg árið 1993. Stofnand-
inn Denho Acar fluttist barnungur
til Svíþjóðar ásamt foreldrum sín-
um frá Tyrklandi og var aðeins 18
ára gamall er samtökin voru stofn-
uð. Starfsemi þeirra vatt upp á sig
og voru þau fljótt talin mjög valda-
mikil í undirheimum Gautaborg-
ar en einnig fyrirfinnast meðlimir
í Halmstad og Jönköping og jafn-
vel víðar. Original Gangsters láta
helst til sín taka í eiturlyfjasölu,
vændi, sölu á stolnum varningi og
ólöglegri veðmálastarfsemi. Fjöldi
meðlima er á reiki en jafnan er tal-
ið að um 500 manns starfi fyrir Ori-
ginal Gangsters og á bróðurpartur
þeirra rætur að rekja til Mið-Aust-
urlanda, en einnig til Albaníu og
fyrrverandi ríkja Júgóslavíu. Þar
sem flestir meðlimanna teljast til
innflytjenda liggur í augum uppi
að stefna hins þjóðernissinnaða
stjórnmálaflokks Svíþjóðardemó-
krata á lítið upp á pallborðið hjá
Original Gangsters. Á dögunum
fengu þeir til liðs við sig tölvuþrjóta
til að brjótast inn í tölvukerfi Sví-
þjóðardemókrata og birta þar með
nöfn um 5.700 stuðningsmanna
flokksins.
Nasistar jafnslæmir og
barnaníðingar
Svíþjóðardemókratar hafa ekki farið
leynt með andúð sína á innflytjenda-
stefnu sænskra stjórnvalda. Vilja
þeir styrkja sænska þjóðarímynd og
þjóðareiningu sem þeir segja að stafi
mikil hætta af fjölmenningarstefnu.
Telja þeir flest það sem miður fer í
sænsku samfélagi stafa af vandamál-
um tengdum innflytjendum og vilja
heldur eyða því fé sem er varið til
aðlögunar nýbúa í Svíþjóð til „þarf-
ari málefna“. Sumir myndu því segja
að það sé kaldhæðnislegt að það eru
einmitt yfirlýst glæpasamtök sem
taka að sér óumbeðin að verja heið-
ur innflytjenda.
Eftir að hinn tyrkneski stofn-
andi og leiðtogi Original Gang-
sters, Denho Acar, þurfti að flýja
land vegna ákæru árið 2008 varð
Lars Bergquist eiginlegur leiðtogi
samtakanna í Svíþjóð en hann er
borinn og barnfæddur Svíi. Hef-
ur Bergquist, sem ber viðurnefn-
ið „Leðurlassi“, farið mikinn í fjöl-
miðlum og meðal annars lýst yfir
andúð sinni á Svíþjóðardemó-
krötum í viðtali við Aftonbladet:
„Þetta snýst um að veita fólki upp-
lýsingar um hverjir styðja þennan
flokk. Ef fólk á rétt á að vita hverj-
ir eru dæmdir barnaníðingar, á
það einnig rétt á að vita hverjir eru
nasistar.“ Bergquist lætur þar ekki
staðar numið heldur hefur hann
látið að því liggja að þingmenn Sví-
þjóðardemókrata eigi ekki von á
góðu: „Það er ekkert leyndarmál
að draumur okkar er að sætin sem
Svíþjóðardemókratar hafa tekið á
þingi muni senn standa auð,“ seg-
ir Bergquist sem útilokar heldur
ekki framboð Original Gangsters
til þingkosninga: „Ég hef fundið
fyrir miklum stuðningi við okkar
málstað. Fólk sem er illa við kyn-
þáttafordóma myndi örugglega
kjósa okkur. Ef flokki eins og Sví-
þjóðardemókrötum tókst að koma
mönnum inn á þing, því ætti okkur
ekki að takast það líka?“
Engin lömb að leika sér við
Talsverður uggur hefur verið í
flokksmönnum Svíþjóðardemó-
krata í kjölfar óbeinna hótana
Original Gangsters og skal eng-
an undra. Meðlimir glæpasam-
takanna eru þekktir fyrir að bera
vopn, hnífa og í mörgum tilfellum
skotvopn. DV hafði samband við
íslenskan sagnfræðinema, Daní-
el Sólveigarson, sem búsettur er
í Gautaborg. Segir hann fréttir af
starfsemi Original Gangsters svo
gott sem daglegt brauð: „Ég skil
mjög vel að Svíþjóðardemókratar
skjálfi á beinunum. Eftir því sem
ég kemst næst eru þetta alls engin
lömb að leika sér við. Af umfjöll-
un fjölmiðla [í Svíþjóð] má skilja
að margir háttsettra meðlima sam-
takanna sem eiga rætur að rekja til
gömlu Júgóslavíu hafi barist í stríð-
inu og eru því ýmsu vanir. Það er
ekkert óvanalegt að lesa fréttir um
skotbardaga hérna.“
Svíþjóðardemókratar
einangraðir
Jimmie Åkesson hefur greinilega
í mörg horn að líta. Í kjölfar úr-
slita kosninganna kepptust aðrir
flokkar við að lýsa yfir andstöðu
sinni við stefnu Svíþjóðardemó-
krata og útilokuðu með öllu sam-
starf við þá. Standa þeir nú ein-
angraðir á þingi og sitja hvorki
í stjórn né eiga í samstarfi við
stjórnarandstöðuna. Virðast þeir
eiga litla samúð meðal flestra al-
mennra borgara en flokkurinn
hefur löngum kvartað undan
ósanngjarnri meðferð sænskra
fjölmiðla á stefnu sinni og var
hann lengi vel sniðgenginn af
öllum stærstu fjölmiðlum Svía.
Ekkert hefur heyrst í forsætis-
ráðherra Svía, Fredrik Reinfeldt,
vegna málsins en örlögin hög-
uðu því þó þannig að hann get-
ur þakkað Svíþjóðardemókröt-
um áframhaldandi veru sína
á forsætisráðherrastóli. Sam-
steypustjórn Reinfeldts nýtur
ekki hreins meirihluta á sænska
þinginu en sú staðreynd að eng-
inn flokkur vill starfa með Jimme
Åkesson og hans mönnum
tryggir Reinfeldt áframhaldandi
starfsöryggi, að minnsta kosti
um sinn.
Glæpasamtök hóta
stjórnmálaflokki
Svíþjóðardemókratar hafa verið sakaðir um að aðhyllast hugmyndafræði nasista. Nú hafa glæpasamtök-
in Original Gangsters lýst yfir andúð sinni á stefnu þeirra og hyggjast láta verkin tala. Hafa glæpasam-
tökin þegar brotist inn í tölvukerfi flokksins og birt nöfn 5.700 velunnara hans. Íslendingur búsettur í
Gautaborg segir fréttir af starfsemi Original Gangsters daglegt brauð í Svíþjóð.
björN tEitSSoN
blaðamaður skrifar: bjorn@dv.is
Leðurlassi LeiðtogiOriginalGang-
stersíSvíþjóð,LarsBergquist.
Glæpasamtökin Original Gang-
sters hafa fengið nóg
af kynþáttahatri Sví-
þjóðardemókrata.
Leiðtogi nasista? Leiðtogi
Svíþjóðardemókrata,Jimmie
Åkesson,hefurímörghornað
lítaþessadagana.MYND rEutErS
101 gæðastund
suðrænir smáréttir – allir drykkir á hálfvirði
frá kl. 17.00 til 19.00 alla daga
hverfisgata 10
sími. 5800 101
101hotel@101hotel.is
www.101hotel.is