Dagblaðið Vísir - DV - 27.04.2011, Qupperneq 3

Fréttir | 3Miðvikudagur 27. apríl 2011
FÉKK AFSLÁTT ÚT Á
AFSKRIFTIR SKÚLA
Skuldir við ríkisbanka
DV sendi spurningar um afskriftir Landsbankans á skuldum Skúla Mogensen til Ragn-
hildar Sverrisdóttur, talskonu Björgólfs Thors Björgólfssonar. Ragnhildar svaraði
ekki beint þeirri spurningu DV hvort afskriftir á skuldum Skúla Mogensen hafi meðal
annars leitt til þess að Samson fékk afslátt á Landsbankanum. Ragnhildur undirstrikar
að um hafi verið að ræða skuldir sem stofnað var til við Landsbankann á meðan hann var
ríkisbanki og vísar að öðru leyti til umfjöllunarinnar um málið á btb.is. Í umfjöllun fjöl-
miðla um afsláttinn á sínum tíma kom hins vegar fram að meðal annars hefði verið um
að ræða afskriftir á skuldum OZ, auk annarra fyrirtækja.
SPURNINGAR DV
1. Getur þú sagt mér hvaða skuldir það voru sem afskrifaðar voru í Landsbank-
anum árið 2003 sem leiddu til þess að Samson fékk 700 milljóna afslátt af Lands-
bankanum?
2. Voru skuldir Skúla Mogensen þar á meðal?
Svör Ragnhildar:
,,Eins og margoft hefur komið fram var ágreiningur um framlög á afskriftareikning Lands-
bankans, sem kaupendur bankans töldu ekki hafa verið nægjanleg. Einkavæðingarnefnd
staðfesti þann skilning í raun með samkomulag þvi sem náðist um afslátt á kaupverðinu.
Málið snerist um skuldir sem stofnað hafði verið til á meðan bankinn var ríkisbanki. Nánari
upplýsingar um þetta er að finna á vefnum btb.is, á slóðinni http://www.btb.is/einkavaed-
ing-bankanna/kaupsamningur/agreiningur-um-framlog-a-afskriftareikning-li/".
Líkur á
viðræðum
n Jóhanna Sigurðardóttir bauð samstarf í viðtali við DV um páskana
n Hreyfingin tekur tilboðinu um samstarf vel en spyr um útfærslu
og áherslur n Hluti Framsóknarflokksins líklegur til samvinnu
Þingmenn Hreyfingarinnar eru ekki
fráhverfir samvinnu eða samstarfi við
núverandi ríkisstjórn, jafnvel stjórnar­
þátttöku um tiltekin mál. Forystu­
menn stjórnarflokkanna hafa hins
vegar ekki óskað formlega eftir viðræð­
um við þingmennina þrjá, en Jóhanna
Sigurðardóttir forsætisráðherra bauð
þeim og þingflokki Framsóknarflokks­
ins upp á samstarf um tiltekin mál í
viðtali sem birt var í DV um páskana.
Tveir þingmenn Framsóknarflokksins
eru ekki fráhverfir stjórnarsamstarfi.
Formaðurinn er í fríi í Kanada. Eygló
Harðardóttir, ritari flokksins, hefur
einnig ljáð máls á samstarfi í samtali
við DV en segir að slíkt samstarf yrði
ekki á grundvelli núverandi stjórnar­
sáttmála.
Tilboðið
Efnislega snérist tilboð forsætisráð­
herra um samvinnu um atvinnumál
og auknar fjárfestingar, meðal annars
til að draga úr atvinnuleysi. Í öðru lagi
að koma á kerfisbreytingu í fiskveiði­
stjórnarmálum sem fæli í sér jafnræði
og réttlæti við úthlutun aflahlutdeild­
ar og að arðurinn rynni í meira mæli
til þjóðarinnar. Jafnframt yrði sam­
eign þjóðarinnar á auðlindum bund­
in í stjórnarskrá. Í þriðja lagi bauð Jó­
hanna upp á samstarf um að leggja
tillögur stjórnlagaráðs sem og tillögur
um fiskveiðistjórnarkerfið og aðildar­
samning að ESB, undir atkvæði þjóð­
arinnar. Í fjórða lagi talaði Jóhanna um
samvinnu um jafnari tekjuskiptingu til
hagsbóta fyrir fólk með lágar og milli­
tekjur. „Ég er tilbúin til viðræðna ef
nauðsynlegt er að styrkja ríkisstjórnina
til þessara verka, við alla þá aðila, ein­
staklinga eða flokka, sem reiðubúnir
eru að leggja þessum málum lið,“
sagði Jóhanna og bætti síðar við: „Þar
horfi ég að sjálfsögðu mest til Fram­
sóknarflokksins og Hreyfingarinnar...
Vandinn er sá að formaður Framsókn­
arflokksins hefur sagt að hann vilji
mynda þjóðstjórn og fara í kosning­
ar í haust. Sú leið er ávísun á pólitíska
upplausn og efnahagslegan óstöðug­
leika næstu mánuði.“
Atriði sem skipta máli
Þór Saari svarar tilboði Jóhönnu í um­
boði þriggja þingmanna Hreyfingar­
innar. Hann segir að þeir séu tilbúnir
til að taka samstarf til nánari athug­
unar. „Við höfum alltaf viljað taka ósk­
ir um samstarf alvarlega og munum
að sjálfsögðu gera það áfram. Atrið­
in sem Jóhanna telur upp eru þannig
að það þarf að fara betur yfir útfærsl­
una á þeim. En þetta eru allt atriði sem
skipta mjög miklu máli og við erum
meira en tilbúin til að taka þátt í að út­
færa þau ef þess er óskað.“
Þór segir stuðning Hreyfingarinnar
við vantrauststillögu Sjálfstæðisflokks­
ins um daginn snúa fyrst og fremst að
forystumönnum stjórnarflokkanna.
„Við fögnuðum öll þrjú úrslitum þing­
kosninganna 2009 og vissum að komið
var að því að mynda hér vinstristjórn.
Við settum lýðræðisumbæturnar í for­
gang en þau hafa í rauninni ekki sýnt
þeim þann áhuga sem við vildum.“
„Þarna er viðræðugrundvöllur“
„Við þurfum að ræða atvinnuuppbygg­
inguna og þarna er umræðugrund­
völlur,“ segir Þór. „Ef takast á að borga
skuldir okkar verðum við bæði að efla
hagvöxt og skrifa niður skuldir heimil­
anna, ekki þó með þeim hætti sem gert
er núna. En þetta er hægt að ræða.
Útleggingar Jóhönnu um kvóta­
málin falla að miklu leyti vel að okkar
stefnuskrá. Við fylgjum þeirri stefnu
að allar náttúruauðlindir eigi að vera
í þjóðareigu og það mál, eins og mörg
önnur þjóðþrifamál, eiga að okkar
viti að fara í þjóðaratkvæðagreiðslu.
Það sem við hræðumst hins vegar er
að þau leggi til einhverjar smávægi­
legar breytingar og vilji láta kjósa
um þann kost á móti óbreyttu kerfi.
Slíkt tökum við ekki í mál. Það þarf
að kjósa á milli tveggja mismunandi
kosta þar sem hvorugur felur í sér
óbreytt ástand.
Eitt af því sem varð til þess að þjóð­
félagið fór út af sporinu var skortur á
tækjum til þess að veita stjórnvöldum
aðhald frá almenningi. Aðhaldið get­
ur komið frá stjórnarandstöðu og á að
koma frá þjóðinni sjálfri til dæmis með
undirskriftasöfnunum og kröfu um að
bera mál undir þjóðina. En þetta þarf
að útfæra vel.“
Fátækt og gjaldmiðilsmál
Aðspurður um helstu óskir Hreyf­
ingarinnar nefnir Þór leiðréttingu á
skuldum heimilanna, afnám verð­
tryggingar og víðtækar lýðræðis­
umbætur. „Samhliða þarf að gera
umbætur á stjórnsýslu og upplýsinga­
löggjöfinni. Frumvarp um upplýs­
ingalög, sem nú liggur fyrir þinginu,
er algerlega ófullnægjandi. Til við­
bótar þessu þarf að taka á gjaldmið­
ilsmálum þjóðarinnar. Það er ófært
að bíða eftir upptöku evru. Við verð­
um að taka á því af fullri alvöru hvern­
ig haga eigi gjaldmiðilsmálum þjóð­
arinnar í framtíðinni. Við þurfum
að ræða hvort taka eigi einhliða upp
annan gjaldmiðil sem er hægt, eða
hvort við tökum upp nýja íslenska
mynt og bindum gengi hennar. Það er
búið að framlengja gjaldeyrishöft til
margra ára og það er óviðunandi.
Við viljum að tekið verði á vaxandi
fátækt. Formaður Öryrkjabandalags­
ins fullyrðir að hundruð einstaklinga
séu við sultarmörkin í hverjum mán­
uði og hann þekkir þetta betur en við.
Loks myndum við vilja ræða nokkuð
sem kalla mætti almenna framtíðar­
sýn ofan við og utan við kjördæmin
og kjörtímabilin. Við viljum reyna að
hugsa hærra og lengra en gert er,“ seg­
ir Þór.
Jóhann Hauksson
blaðamaður skrifar johann@dv.is
Hreyfingin vill viðræður Þór Saari segir
Hreyfinguna vilja ræða nánar um útfærslu
mikilvægra mála.
Gerði tilboð í páskablaði DV
Jóhanna Sigurðardóttir gerði Hreyfing-
unni og Framsóknarflokknum tilboð um
stjórnarsamstarf með áherslu á fjárfest-
ingar, auðlindamál og lýðræðisumbætur.
„Við erum
meira en
tilbúin til að taka
þátt í að útfæra þau
ef þess er óskað.