Dagblaðið Vísir - DV - 27.04.2011, Blaðsíða 4

4 | Fréttir 27. apríl 2011 Miðvikudagur
Einkaþota Björgólfs á söluskrá í tvö ár:
Kostar rúmlega milljarð
Einn helsti tákngervingur íslensku
útrásarinnar, glæsileg einkaþota
Björgólfs Thors Björgólfssonar, er til
sölu. Einkaþotan, sem er af gerðinni
Bombardier Challenger 604, hefur
verið í eigu Björgólfs frá árinu 2005
þegar íslenski fjárfestirinn keypti
hana fyrir, að því er talið er, rúman
einn milljarð króna.
Ragnhildur Sverrisdóttir, talskona
Björgólfs Thors, staðfestir að þotan
hafi verið á söluskrá í rúm tvö ár. Á
þeim tíma hafi vélin verið í útleigu.
Samkvæmt auglýsingu sem finna má
á vefsíðunni Aircraft Shopper Online
er lúxusþotan metin á 9,5 milljón-
ir Bandaríkjadala, eða rétt rúmlega
einn milljarð króna að núvirði. Það
er þotusölufyrirtækið Jetbrokers sem
annast söluna fyrir Björgólf Thor.
„Björgólfur Thor hefur átt hana
frá 2005 og rétt að taka fram að hún
var keypt fyrir hans reikning, kaupin
voru ekki fjármögnuð af íslenskum
bönkum,“ segir Ragnhildur Sverris-
dóttir, talskona Björgólfs, í svari við
fyrirspurn DV um þotuna. Hún seg-
ir þotuna alla tíð hafa verið rekna á
kostnað Björgólfs – en „ekki almenn-
ingsfélaga, eins og líklega var raunin
með sumar aðrar vélar,“ bætir Ragn-
hildur við. mikael@dv.is
Viðurkenndar
stuðningshlífar
í úrvali
Opið virka daga kl. 9 -18
og á laugardögum kl. 11 - 16
Stórhöfða 25 • Sími 569 3100 • www.eirberg.is
Hluti af skilnaðarsamningi Karls Wer-
nerssonar, fyrrverandi aðaleiganda
Milestone, og eiginkonu hans Sigríðar
Jónsdóttur var að Karl átti að tryggja
henni nokkrar flugferðir með einka-
þotum á hverju ári, samkvæmt heim-
ildum DV. Hjónin skildu árið 2004 en
DV greindi frá því fyrr í mánuðinum
að Sigríður og Karl tækjust nú á fyrir
dómstólum.
Samkvæmt upplýsingum af heima-
síðu Héraðsdóms Reykjavíkur var það
Sigríður sem stefndi Karli. Blaðið hefur
ekki heimildir fyrir því um hvað mál-
ið snýst en hvorugt þeirra vildi tjá sig
þegar DV fjallaði um að málið væri
komið fyrir dóm. Ætla má þó að stefn-
an sé tilkomin vegna meintra van-
efnda á skilnaðar samningnum. Búið
er að kveða til matsmenn í dómsmál-
inu og lögmaður sem DV hafði sam-
band við og tengist málinu ekki, taldi
nánast öruggt að tilgangur matsmann-
anna væri að endurmeta einhverjar
eignir. Það gæti verið vegna þess að
Sigríður teldi sig ekki hafa fengið það
sem hún henni bar samkvæmt samn-
ingnum eða að hún teldi sameiginlegt
bú þeirra meira virði en upphaflega
var talið.
Átti að sjá fyrir þotuferðum
Nú hefur DV hins vegar heimildir fyr-
ir því að hluti af samningnum á milli
Karls og Sigríðar hafi að minnsta kosti
snúist um það að fjárfestirinn ætti að
sjá Sigríði fyrir nokkrum einkaþotu-
ferðum á hverju ári. Milestone leigði
einkaþotur af tveimur fyrirtækjum,
Netjets og Closeair, fyrir að minnsta
kosti rúmlega 700 milljónir króna á
árunum 2005 til 2008, líkt og DV hef-
ur greint frá. Karl var sá stjórnandi
Milestone sem notaði einkaþoturnar
hvað mest, líkt og kom fram í DV fyr-
ir skömmu. Þá var sagt frá því að Karl
hefði notað einkaþotu frá Netjets í um
125 klukkutíma af tæplega 165 sem
Milestone greiddi Netjets fyrir frá því í
apríl 2005 til apríl 2006.
Áttu saman íbúð á Ítalíu
Heimildir DV herma að meðal þeirra
eigna sem voru hluti af sameigin-
legu búi hjónanna við skilnaðinn hafi
verið íbúð í borginni Lucca í Toskana
á Ítalíu. Hugsanlegt er íbúðin í Lucca
sé ástæða þess að einkaþotuflugið
hafi verið hluti af skilnaðarsamningn-
um og ekki er ólíklegt að þotuferðirn-
ar hafi verið ætlaðar til að komast til
Lucca. Jafnframt er ekki hægt að úti-
loka að umrædd íbúð hafi verið hluti af
skilnaðarsamkomulaginu á milli Karls
og Sigríðar. Þar sem Karl hefur verið
stóreignamaður síðastliðin ár má þó
fullyrða að umræddar einkaþotuferð-
ir og íbúðin í Lucca hafi aðeins ver-
ið lítill hluti af skilnaðarsamningnum
og að auk þess hafi Sigríður fengið að
minnsta kosti nokkur hundruð millj-
ónir króna í sinn hlut.
Eðlilegir skilnaðarsamningar
Samkvæmt upplýsingum frá lög-
mönnum sem sjá um skilnaðarmál er
algengt, ef annar makinn í hjónabandi
er mjög efnaður en hinn með lágar
tekjur eða jafnvel heimavinnandi, að
við skilnað sé gerður samningur á milli
hjóna um ákveðnar greiðslur í ákveð-
inn fjölda ára, eða ákveðin hlunnindi.
Í sumum tilfellum er jafnvel um ein-
hvers konar lífeyrisgreiðslur að ræða.
Sigríður er hjúkrunarfræðingur en
Karl er eigandi og framkvæmdastjóri
Lyfja og heilsu og jafnframt fjárfestir og
því má telja eðlilegt að skilnaðarsamn-
ingurinn á milli þeirra hafi falið í sér að
Sigríður nyti vissra hlunninda áfram
eftir skilnaðinn.
n Heimildir herma að Karl Wernersson hafi átt að sjá fyrrverandi eiginkonu fyrir
einkaþotuferðum n Karl notaði einkaþoturnar sem Milestone leigði langmest
n Íbúð á Ítalíu hluti af sameiginlegu búi hjónanna, samkvæmt heimildum DV
Þotuferðir hluti af
skilnaðarsamningi
„Hugsanlegt er
íbúðin í Lucca sé
ástæða þess að einka-
þotuflugið hafi verið hluti
af skilnaðarsamningnum.
Sólrún Lilja Ragnarsdóttir
blaðamaður skrifar solrun@dv.is
Takast á Sigríður Jónsdóttir
hefur stefnt Karli Werners-
syni, fyrrverandi eiginmanni
sínum. Líklegt er að stefnan
sé tilkomin vegna vanefnda á
skilnaðarsamningi.
Einkaþotuferðir Heimildir DV herma að það hafi verið hluti af skilnaðarsamningi Karls og
Sigríðar að hann tryggði henni nokkrar flugferðir með einkaþotum á ári hverju.
Í þotu til Lucca? Heimildir DV herma
að þotuferðir hafi verið hluti af skilnaðar-
samningi Sigríðar og Karls.
Eiður Smár
launahæstur
Knattspyrnumaðurinn Eiður Smári
Guðjohnsen er með rúmlega 2,5
milljónir Bandaríkjadala í árslaun
samkvæmt tímariti bandarísku sjón-
varpsstöðvarinnar ESPN. Þar er birt-
ur listi yfir launahæstu íþróttamenn
hvers lands og er Eiður þar launa-
hæstur Íslendinga. Eiður er sem fyrr
segir sagður vera með rúmlega 2,5
milljónir dala í árslaun sem samsvara
um 286 milljónum króna.
Einungis er miðað við launa-
greiðslur vinnuveitanda, sem í til-
viki Eiðs er enska úrvalsdeildarliðið
Fullham, en ekki eru reiknaðar inn í
aðrar tekjur.
Ætla aldrei að
koma aftur
Tölvunarfræðingurinn Guðmundur
Ásmundsson ætlar að flytja til Nor-
egs ásamt fjölskyldu sinni og hefur
ekki hug á að snúa aftur til Íslands.
Í viðtali við norska blaðið DN segist
Guðmundur hafa misst vinnuna og
spariféð í bankahruninu árið 2008.
Rætt er við hann og eiginkonu hans,
Jacqueline Michelle Becker, en þau
segja að þeim hafi verið það ljóst
fyrir hrun bankanna árið 2008 að
stjórnkerfið á Íslandi væri ekki í lagi.
Bankahrunið var einungis staðfest-
ing á því. Í viðtalinu er greint frá því
að þau hafi tapað sparnaði sínum
upp á tíu milljónir króna og fasteign,
sem þau keyptu fyrir 46 milljónir
króna árið 2005, sé farin.
„Ég get ekki lengur horft á sjón-
varpið. Í stað þess prjóna ég,“ segir
Jacqueline í viðtalinu. Guðmundur
missti vinnuna árið 2008 en síðan þá
hefur hann stundað nám í viðskipta-
fræði til þess að verða samkeppnis-
fær á atvinnumarkaði.
Til sölu Bombardier Challenger 604, einkaþota Björgólfs Thors, er til sölu.