Dagblaðið Vísir - DV - 27.04.2011, Blaðsíða 16

16 | Erlent 27. apríl 2011 Miðvikudagur
Ítalir ekki á eitt sáttir við Kínverja:
Króati við opnun Marco Polo-safns
Einn frægasti Ítali sögunnar er tví­
mælalaust Marco Polo, landkönn­
uðurinn sem er talinn hafa ferðast
fyrstur allra Evrópubúa til Kína. Nú
eru Ítalir æfir af reiði því sumir halda
því fram að Polo hafi alls ekki ver­
ið ítalskur. Í síðustu viku var opnað
safn tileinkað Marco Polo í Kína, í
borginni Yangzhou, en þangað ferð­
aðist Marco Polo einhvern tímann á
árabilinu 1270 til 1275. Kínverjarnir
sem stóðu fyrir opnun safnsins fengu
fyrrverandi forseta Króatíu, Stjepan
Pesic, til að vera viðstaddan vígslu­
athöfnina og fékk hann þann heiður
að klippa á borðann í tilefni dagsins.
Staðreyndin er nefnilega sú að
Polo var fæddur í bænum Korcula,
sem telst til Króatíu í dag. Ítalir eru
hins vegar á öðru máli, enda var Kor­
cula betur þekkt sem Curzola þegar
Polo kom í heiminn, en hann er tal­
inn hafa fæðst árið 1254 – eða þar um
bil.
Ítalir taka málið mjög alvarlega og
telja að Kínverjar hafi gert mikil mis­
tök með því að hafa ekki fengið full­
trúa Ítala til að vera viðstaddan opn­
un safnsins í Yangzhou. Einn þeirra er
sagnfræðingurinn Alvise Zorzi, sem
er sérfræðingur í sögu Feneyja. Að
hans mati er fáránlegt að tala um Cur­
zola sem króatískan bæ, jafnvel þó að
hann kunni að tilheyra Króatíu í dag.
„Það er allt eins hægt að segja að Gu­
iseppe Garibaldi sé franskur, þar sem
hann fæddist í Nice.“ Eins og margir
vita var Nice eitt sinn ítölsk borg, og
ber heitið Nizza á ítölsku. Garibaldi er
ein helsta sjálfstæðishetja Ítala, sem
taka því greinilega ekki sem neinu
gamanmáli þegar þjóðerni þeirra
dáðustu sona er talið annað en ítalskt.
bjorn@dv.is
Árangur stjórnmálaflokksins Sannir
Finnar hefur vakið mikla athygli langt
út fyrir landsteina Finnlands. Sannir
Finnar unnu mikinn kosningasigur í
þingkosningum þar í landi og hlutu
alls 19 prósent atkvæða og bættu sig
þar með um heil 15 prósent frá síð­
ustu kosningum árið 2007. Í síðustu
skoðanakönnunum sem birtust fyrir
kosningarnar leit út fyrir að Sannir
Finnar myndu ná allt að 15 prósenta
fylgi og því ljóst að stuðningur við
flokkinn var enn meiri en skoðana­
kannanir gáfu til kynna.
Þrátt fyrir hinn mikla sigur Sannra
Finna var það finnski sameiningar­
flokkurinn sem hlaut flest atkvæði,
eða 20,4 prósent. Það er því leiðtogi
þeirra, Jyrki Katainen, sem hefur
fengið umboð til stjórnarmyndunar
en hann hefur þegar hafið viðræður
við aðra flokka. Þó er ekki búist við að
ný ríkisstjórn verði kynnt til sögunn­
ar fyrr en um miðjan maí.
Vilja út úr ESB
Katainen hefur lýst því yfir að hann
muni ræða við Timo Soini, hinn lit­
ríka leiðtoga Sannra Finna, þrátt fyrir
stefnu hans í Evrópumálum. Stefna
Sannra Finna er í stuttu máli sú, að
þeir vilja út úr Evrópusamband­
inu. Þeim gremst það sérstaklega að
Finnar hafa þurft að greiða fyrir mis­
tök annarra aðildarríkja sambands­
ins, en þeirra á meðal eru Grikkland
og Írland – sem hafa þurft að sækjast
eftir efnahagslegum björgunarað­
gerðum frá ESB og Alþjóðagjaldeyr­
issjóðnum.
Málið er talið neyðarlegt meðal
talsmanna Evrópusambandsins og
sýnir enn og aftur fram á mikla hægri
sveiflu í evrópskum stjórnmálum
síðan hin alþjóðlega efnahagskreppa
gerði vart við sig árið 2008, með graf­
alvarlegum afleiðingum.
Fari svo að Soini og félagar hans fái
sæti í ríkisstjórn, er allt eins líklegt að
þeir muni standa í vegi fyrir lagafrum­
vörpum framkvæmdastjórnar ESB.
Í Finnlandi þurfa öll mál sem tekin
eru fyrir í stjórnskipun sambandsins
að fara fyrir finnska þingið. Verði þau
mál ekki staðfest gætu mikilvæg mál
ESB strandað hjá finnska þinginu,
meðal annars neyðarlán sambands­
ins til Portúgal. Öll aðildarríki þurfa
að samþykkja slíkt mál einróma.
Ekki aðeins Finnland
Carl Bildt, utanríkisráðherra Svíþjóð­
ar, lýsti yfir áhyggjum sínum vegna
úrslita finnsku þingkosninganna
og það gerði einnig Hans­Dietrich
Gensher, fyrrverandi leiðtogi Frjálsra
demókrata í Þýskalandi. Ráðamenn
í Brussel eru einnig uggandi um hag
ESB, en Finnland er ekki eina landið
sem virðist vera í „órólegu deildinni“.
Í Danmörku og Hollandi hanga rík­
isstjórnirnar saman einungis vegna
stuðnings hægri öfgaflokka. Í Hol­
landi fékk Frelsisflokkur Geert Wild­
ers 15,5 prósent atkvæða í síðustu
þingkosningum, en sá flokkur hef­
ur ekki farið leynt með stefnu sína
í innflytjendamálum – sem byggist
að miklu leyti á útlendingahatri. Það
sama má segja um Danska þjóðar­
flokkinn.
Breytingar í Frakklandi
Það hefur lengi verið ljóst að sam­
starf Evrópuþjóða hefur verið leitt
af stærstu iðnveldum sambandsins,
Þýskalandi og Frakklandi. Nú er hins
vegar svo komið að Frakkar virðast
í auknum mæli vera andsnúnir Evr­
ópusamstarfinu, að minnsta kosti
ef marka má auknar vinsældir Þjóð­
fylkingarinnar, flokks Marine Le Pen.
Le Pen tók við leiðtogahlutverkinu í
flokknum af föður sínum, Jean­Marie,
en hann var þekktur fyrir útlendinga­
hatur og félagslega íhaldsemi.
Marine Le Pen hefur þó reynt að
hverfa frá allra hörðustu skoðunum
föður síns en hún er þó sammála hon­
um í því að takmarka eigi fjölda inn­
flytjenda í Frakklandi og jafnframt að
Frakkland eigi að segja sig úr Mynt­
bandalagi Evrópu og taka aftur upp
frankann sem gjaldmiðil. Telur hún
fjórfrelsið í ESB; sem þýðir frjáls för
fólks, fjármagns, varnings og þjónustu,
vera úrelt. Henni þóknast betur inni­
lokunarstefna, hún vill ekki flytja út
vörur frá Frakklandi. Samkvæmt nýj­
ustu skoðanakönnunum lítur út fyr­
ir að Le Pen myndi hafa betur gegn
Nicolas Sarkozy, núverandi forseta
Frakklands, þó líklegra verði að telj­
ast að næsti forseti verði frambjóð­
Hægrisveifla í Evrópu
n Sannir Finnar unnu mikinn kosningasigur í þingkosningum og hlutu 19 prósent atkvæða
n Hægri sveifla í stjórnmálum í Evrópu n Farið að bera á óánægju í Þýskalandi og Frakklandi
„Við höfum lofað
tveimur þriðju af
skatttekjum ríkisstjórnar-
innar til að greiða skuldir
annarra þjóða.
Björn Teitsson
blaðamaður skrifar bjorn@dv.is
Timo Soini fagnar Hann hafði
ástæðu til að brosa þann 17. apríl
eftir kosningasigur Sannra Finna.
Feneyjar á Ítalíu Ítalir telja sig eiga einkarétt á Marco Polo.
Vladimír Pútín á
Norðurlöndum
Forsætisráðherra Rússlands, Vla­
dimír Pútín, er á ferð um Norður­
löndin þessa dagana. Hann kom til
Kaupmannahafnar eftir páska og
ferðast því næst til Svíþjóðar í dag,
miðvikudag. Tilgangur ferðalagsins
er viðræður um orkumál, en með
forsætisráðherranum í för er Alexei
Miller, forstjóri Gazprom – stærsta
orkufyrirtækis Rússlands. Munu Pút­
ín og Miller meðal annars ræða við
Lars Løkke Rasmussen, forsætisráð­
herra Dana, og þá munu þeir einnig
hitta drottninguna sjálfa, Margréti
Þórhildi. Viðræðurnar við Rasmus­
sen munu að mestu leyti snúast um
aðgang danska orkufyrirtækisins
Dong Energy að mögulegum ga­
sauðlindum við norðurskautið.
Ríkasti maður
heims sektaður
Samkeppniseftirlitið í Mexíkó hefur
ákveðið að sekta ríkasta mann í
heimi, Carlos Slim, um einn millj­
arð dollara – eða sem nemur um
112 milljörðum íslenskra króna.
Sektina fær Slim vegna einokunar­
tilburða símafyrirtækisins Telcel,
þar sem Slim er aðaleigandi. Telcel
hefur rukkað önnur fyrirtæki óeðli­
lega mikið fyrir símtöl sem kemur
auðvitað mest niður á mexíkóskum
neytendum. Þrátt fyrir sektina er
Slim ennþá ríkasti maður í heimi,
samkvæmt bandaríska tímaritinu
Forbes. Eru auðævi hans metin á 74
milljarða dollara en hann hefur fjár­
fest mikið í fjarskiptafyrirtækjum en
einnig í olíu­ og stáliðnaði.
Enn og aftur rit-
stuldur í Þýska-
landi
Það vakti mikla athygli þegar þýski
stjórnmálamaðurinn Karl­Theodor
zu Guttenberg sagði af sér embætti
varnarmálaráðherra í Þýskalandi, í
kjölfar þess að upp komst um stór­
felldan ritstuld hans í doktorsverk­
efni hans í lögfræði frá Bayreuth­há­
skóla. Nú er komið upp annað mál
af svipuðum meiði en komið hefur
í ljós að Silvana Koch­Mehrin, sem
er einn varaforseta Evrópuþings­
ins, tók að minnsta kosti efni fjórð­
ungs doktorsverkefnis síns í hag­
fræði ófrjálsri hendi. Athygli vekur
að það eru sömu samtök og stóðu
zu Gutten berg að verki sem hafa
nú opinberað Koch­Mehrin. Sam­
tökin heita Vroniplag og er markmið
þeirra að opinbera svindlara innan
fræðaheimsins.